సేవా పర్వ్ 2025లో భాగంగా సాలార్ జంగ్ మ్యూజియం, సాంస్కృతిక వనరలు-శిక్షణ కేంద్రం (సీసీఆర్టీ) సంయుక్తంగా “వికసిత్ భారత్ – మై భారత్ @ 2047” అనే అంశంపై సోమవారం చిత్రలేఖన శిబిరాన్ని నిర్వహించింది. చిత్రలేఖనం శిబిరంలో 500 మందికి పైగా యువ కళాకారులు పాల్గొన్నారు. భారతదేశ భవిష్యత్తు దృష్టికోణాన్ని యువ కళాకారుల కళాత్మక భావనల ద్వారా వెలుగులోకి తీసుకురావడమే లక్ష్యంగా ఈ శిబిరాన్ని ఏర్పాటు చేశారు. సేవా పర్వ్ 2025: వీక్షిత్ భారత్ కే రంగ్, కాలా కే సంగ్ కార్యక్రమంలో భాగంగా నిర్వహించిన ఈ శిబిరం.. 2047 నాటికి దేశం ఎలా ఉండాలనే దానిపై యువ కళాకారులు చిత్రలేఖన రూపంలో వ్యక్తపరచేందుకు ప్రోత్సహించడమే లక్ష్యంగా పెట్టుకుంది. హైదరాబాద్‌కు చెందిన పాఠశాల, కళాశాల విద్యార్థులు సహా తెలంగాణ, ఆంధ్రప్రదేశ్ నుంచి వచ్చిన 500 మందికి పైగా కళాకారులు ఈ శిబిరంలో ఉత్సాహంగా పాల్గొన్నారు. ఈ కార్యక్రమంలో సాలార్ జంగ్ మ్యూజియం డైరెక్టర్ ప్రియాంక మేరీ ఫ్రాన్సిస్, ఐఏఎస్, సీసీఆర్టీ అధికారులు, ప్రాంతీయ అధికారి శ్రీమతి సౌందర్య కౌశిక్, సాలార్‌ జంగ్ మ్యూజియం ప్రదర్శన నిర్వాహకులు, సిబ్బంది పాల్గొన్నారు. బహుమతులు, విజేతల జాబితాను, నగదు బహుమతులనూ త్వరలో ప్రకటించనున్నారు.

***

 

(రిలీజ్ ఐడి: 2169709) సందర్శకుల సూచీ సంఖ్య : : 27