پی ایم میمنٹوز ای نیلامی کے 7ویں ایڈیشن میں گجرات کے بھرپور دستکاری اور ثقافتی ورثے کو بھی  پیش کیا گیا ہے۔ اس ای نیلامی میں وزیر اعظم جناب نریندر مودی کو پیش کیے گئے 1,300 سے زیادہ تحائف میں سے 86 خصوصی اشیاء شامل ہیں۔

2019 میں شروع کی گئی یہ ای نیلامی ہندوستان کے تمام شہریوں کو عزت مآب وزیر اعظم کو پیش کردہ خصوصی اشیاء پر بولی لگانے کی اجازت دیتی ہے۔ نیلامی سے حاصل ہونے والی تمام آمدنی براہ راست نمامی گنگا پروجیکٹ میں جاتی ہے، جو دریائے گنگا کو دوبارہ زندہ کرنے کا ایک اہم پروگرام ہے۔ نیلامی میں پینٹنگز، مجسمے، ٹیکسٹائل، لوک اور قبائلی نمونے، کھیلوں کی یادگاریں، اور ہندوستان کے تمام خطوں سے رسمی اشیاء شامل ہیں۔ گجرات کا یہ مجموعہ اس تنوع کو بالکل ظاہر کرتا ہے:

• کچھ کا متحرک لپن آرٹ فریم بھگوان گنیش کی موجودگی کو ظاہر کرتا ہے، جب کہ آئینے سے سجے نمونے فطرت اور کمیونٹی کی روایات کے درمیان ہم آہنگی کو ظاہر کرتے ہیں۔ گجرات کے کچھ علاقے میں شروع ہونے والا لپن آرٹ مٹی کے برتنوں اور شیشے کے کام کا ایک انوکھا امتزاج ہے، جسے راباری اور متوا جیسی برادریوں نے تخلیق کیا ہے۔ روایتی طور پریہ گھر کی دیواروں کو سجانے کے لیے استعمال کیا جاتا تھا۔جس کے تعلق سےیہ خیال کیا جاتا تھا کہ وہ بری روحوں کو روکتا ہے جبکہ اس کے نمونے مقامی لوک داستانوں، روحانیت اور ثقافتی عقائد کی عکاسی کرتے ہیں۔ یہ خوبصورت فریم بھگوان گنیش کی موجودگی اور قدرتی عناصر کی خوبصورتی کی ایک بہترین مثال ہے۔
• 
• یہ حیرت انگیز بھیل قبیلے کی جیکٹ کو دلیرانہ رنگوں اور خوبصورت کڑھائی سے مزین کیا گیا ہے، جو گجرات کی قبائلی برادریوں کے فنی ورثے کی عکاسی کرتا ہے۔ جیکٹ میں خوبصورت سفید کڑھائی شامل ہے، جس میں کالر اور کندھوں کے گرد سرکلر ڈیزائن، سامنے کی طرف سیدھی لکیریں، جسم اور جیبوں پر سرکلر پھولوں کے ڈیزائن شامل ہیں۔ یہ لباس بھیل قبیلے کی فنکاری کا ثبوت ہے اور ان کی الگ نظر آنے والی  زبان اور ثقافتی ورثے کو آگے بڑھاتا ہے۔

• ایک خوبصورتی سے تیار کیا گیا فریم جس میں نایاب کپڑے کے فن کو دکھایا گیا ہے، ماتا نی پچھاڑی، نیلامی کے لیے تیار ہے۔ گجرات میں شروع ہونے والی اس متحرک آرٹ فارم کا مطلب ہے ’’ماں دیوی کے پیچھے‘‘، روایتی طور پر پسماندہ وگھاری برادری کے ذریعہ تخلیق کیا گیا ہے۔ یہ ایک پورٹیبل مندر سے ملتا جلتا ہے، جس میں دیوی ماں اور اس کی کہانیوں کی تصویر کشی کرنے والی پیچیدہ پینٹنگز پیش کی گئی ہیں۔ اس خوبصورت اور پرکشش فریم میں نوڈبے ہیں جن کے بیچ میں لکشمی دیوی ہے۔ باقی حصوں میں گنیش اور دیگر دیوتاؤں کو علاقائی مادر دیوی کی شکل میں دکھایا گیا ہے۔ کپڑے پر افسانوی کرداروں اور عقیدت مندوں کو بھی دکھایا گیا ہے۔ نو ڈبوں کے چاروں طرف آرائشی ڈبل لائن والا پس منظر ہے اور متضاد رنگ جیسے سرخ اور سیاہ استعمال کیے گئے ہیں۔

دیگر اشیاء میں روغن آرٹ، ٹیکسٹائل شال اور پینٹنگز بھی شامل ہیں۔ہر ایک پورے گجرات میں ایمان، دستکاری اور روزمرہ کی زندگی کی کہانی کو بیان کرتی ہے۔

تمام اشیاءاین جی ایم اے، دہلی میں نیلامی کے لئے پیش کی گئی ہیں اورجس کے لئےآن لائن بولی pmmementos.gov.in پر 2 اکتوبر 2025 تک کھلی ہوئی ہے۔

*****

ش ح۔ م ح ۔ ن ع

U. No-6412

(Release ID: 2169704) Visitor Counter : 2