نیشنل زولوجیکل پارک (این زی پی)، نئی دہلی نے اطلاع دی ہے کہ 29 سالہ مرد افریقی ہاتھی، شنکر، اچانک 17 ستمبر 2025 کی شب 8:00 بجے انتقال کر گیا۔

وفات کی وجہ معلوم کرنے کے لیے تحقیقات کا حکم دیا گیا ہے۔ پوسٹ مارٹم آئی وی آر آئی بریلی کی ماہر ٹیم، صحت کے مشاورتی کمیٹی اور وزارت کے نمائندے کی نگرانی میں کیا جا رہا ہے تاکہ مزید تحقیقات کی جا سکیں۔ پوسٹ مارٹم اور ضروری نمونوں کے حصول کے بعد، لاش کو مقررہ ضابطہ کار کے مطابق تلف کیا جائے گا۔

‘شنکر’ نیشنل زولوجیکل پارک کے خاندان کا ایک قیمتی رکن تھا، جو نومبر 1998 میں زمبابوے سے آیا تھا، اور پارک میں 27 سال تک رہا۔ اسے زائرین کی طرف سے بہت پسند کیا جاتا تھا اور زو کے عملے کے لیے اس کی نرم طبیعت اور شاندار موجودگی کی وجہ سے اسے بہت عزیز رکھا گیا۔

17 ستمبر کی صبح کو مشاہدہ کیا گیا کہ ‘شنکر’ کم پتے اور گھاس کھا رہا تھا اور ہلکی ڈائریا بھی تھی، تاہم وہ عام طور پر مرکوز خوراک، پھل اور سبزیاں کھا رہا تھا۔ این زی پی کی ویٹرنری ٹیم نے علاج فراہم کیا اور جانوروں کے دیکھ بھال کرنے والے عملے نے اس پر قریبی نگہداشت جاری رکھی۔

اسی دن تقریباً 7:25 بجے شام کو، شنکر اچانک اپنے شیڈ میں گر پڑا، اور ہنگامی علاج کے باوجود اس کا انتقال ہو گیا۔ 16 ستمبر 2025 تک کسی بیماری یا غیر معمولی رویے کی اطلاع نہیں ملی تھی۔

'شنکر' طاقت، حکمت اور محبت کی علامت تھا، اور چڑیا گھر کی برادری کے بہت سے افراد اس سے جذباتی طور پر جڑے ہوئے تھے۔ ڈائریکٹر (این زیڈ پی)، ڈاکٹر سنجیت کمار نے کہا کہ اس کے نقصان سے پیدا ہونے والے خلا کو چڑیا گھر کی ٹیم، زائرین اور تحفظ کی پوری برادری گہرائی سے محسوس کرے گی۔ انہوں نے مزید کہا کہ این زیڈ پی نیشنل زولوجیکل پارک اور ملک بھر میں جنگلی حیات کی فلاح و بہبود اور تحفظ کی جاری کوششوں کی حمایت کرنے کے اپنے عزم کا اعادہ کرتا ہے۔

********

ش ح۔اس ک۔ن ع

U-6235

 

(Release ID: 2168184)