জনসেৱা আৰু প্ৰধানমন্ত্ৰী নৰেন্দ্ৰ মোদীৰ নেতৃত্বক উদযাপন কৰি সেৱা পৰ্বৰ আৰম্ভণিতে টি-ছিৰিজৰ অধীনত “সোণালী অসম .....মোদী জীৰ সপোন” (Golden Assam …..Dream of Modi Ji)শীৰ্ষক এটি গীত শুভমুক্তি দিয়া হৈছে। হৃদয়স্পৰ্শী গীতটোৱে প্ৰধানমন্ত্ৰীৰ নেতৃত্বত অসমৰ আকাংক্ষা আৰু প্ৰগতিৰ এক উন্নয়নশীল আৰু ঐক্যবদ্ধ ভাৰতৰ মনোভাৱক প্ৰতিধ্বনিত কৰিছে।

এই গীতটোৱে উত্তৰ-পূবৰ প্ৰতি প্ৰধানমন্ত্ৰীৰ দায়বদ্ধতাক সন্মান জনোৱাৰ লগতে “সোণালী অসম”ৰ আশা আৰু সপোনক প্ৰতিফলিত কৰিছে। এই অঞ্চলটো চহকী সাংস্কৃতিক ঐতিহ্য, বৈচিত্ৰ্য আৰু ক্ৰমৱৰ্ধমান সম্ভাৱনাৰ বাবে পৰিচিত। ইয়াৰ প্ৰাণৱন্ত সুৰ আৰু গীতৰ যোগেদি ই দ্ৰুত বিকাশ আৰু পৰিৱৰ্তনশীল পদক্ষেপক উজ্জ্বল কৰি তোলাৰ লগতে  সমগ্ৰ অসমৰ নাগৰিকসকলক দেশৰ প্ৰগতিৰ দিশত সক্ৰিয়ভাৱে অৰিহণা যোগাবলৈ অনুপ্ৰাণিত কৰিছে।

গীতটোৱে নতুন “সোণালী অসম”ৰ দৃষ্টিভংগীৰ বৰ্ণনা কৰিছে, যিটো প্ৰধানমন্ত্ৰীৰ নেতৃত্বত প্ৰত্যক্ষ কৰা উন্নয়নৰ ওপৰত গুৰুত্ব আৰোপ কৰা হৈছে। ইয়াত চৰকাৰৰ সক্ৰিয় পদক্ষেপ আৰু নীতিৰ দ্বাৰা পৰিচালিত আন্তঃগাঁথনি, স্বাস্থ্যসেৱা আৰু সংযোগৰ ক্ষেত্ৰত মূল অগ্ৰগতিৰ ওপৰত আলোকপাত কৰা হৈছে। তাৎপৰ্যপূৰ্ণভাৱে এই গীতটোৱে পৰিৱৰ্তনশীল এক্ট ইষ্ট পলিচিকো আদৰণি জনাইছে, যিয়ে অৰ্থনৈতিক বিকাশ, আঞ্চলিক সহযোগিতা আৰু কৌশলগত অংশীদাৰিত্বৰ নতুন বাট মুকলি কৰি দক্ষিণ-পূব এছিয়াৰ এক গুৰুত্বপূৰ্ণ দুৱাৰমুখ হিচাপে অসমৰ ভূমিকাক অধিক শক্তিশালী কৰি তুলিছে। এই গীতটোৱে সমৃদ্ধি আৰু ঐক্যৰে চিহ্নিত এক আশাবাদী ভৱিষ্যত উদযাপন কৰি অসম আৰু ভাৰতৰ জনসাধাৰণক দেশৰ অবিৰত প্ৰগতিৰ দিশত অৰিহণা যোগাবলৈ অনুপ্ৰাণিত কৰে।

গীতটিৰ কথা আৰু কণ্ঠ জনপ্ৰিয় অসমীয়া কণ্ঠশিল্পী শ্ৰী সীমান্ত শেখৰৰ।

Link to the song: https://youtu.be/BFjegGTQS7I?si=2CYZJZzVrxFO6Tok

 

Kripa Shankar Yadav/Pavni Gupta/Debashis/Diganta

(ৰিলিজ আই ডি : 2168172) অতিথি কক্ষ : 18