২০২৫ চনৰ জুন মাহত সমাপ্ত হোৱা ত্ৰৈমাসিকৰ বাবে ৰাজ্যিক পৰ্যায়ৰ বেংকাৰ সমিতিৰ বৈঠক ২০২৫ চনৰ ১৬ ছেপ্টেম্বৰত অসম চৰকাৰৰ মুখ্য সচিব ড০ ৰবি কোটাৰ অধ্যক্ষতাত আৰু ভাৰতীয় ষ্টেট বেংকৰ মুখ্য মহাপ্ৰবন্ধক শ্ৰী প্ৰভাস বসুৰ সহ-সভাপতিত আহ্বান কৰা হয়।

 

বৈঠকত প্ৰদান কৰা ভাষণত এছ বি আইৰ মুখ্য মহাপ্ৰবন্ধকে অসমৰ সামগ্ৰিক অৰ্থনৈতিক বিকাশ ত্বৰান্বিত কৰাৰ বাবে অগ্ৰাধিকাৰ খণ্ডৰ ঋণ প্ৰদানৰ ক্ষেত্ৰত বেংকসমূহে গ্ৰহণ কৰা প্ৰচেষ্টা বৃদ্ধি কৰাৰ প্ৰয়োজনীয়তাৰ বিষয়ত  গুৰুত্ব আৰোপ কৰে। ২০২৫ চনৰ ১৭ ছেপ্টেম্বৰৰ পৰা আৰম্ভ হোৱা আগন্তুক ৰাষ্ট্ৰীয় অভিযান – স্বচ্ছতা হি সেৱা আৰু লোক কল্যাণ মেলাৰ গুৰুত্বৰ বিষয়তো আলোকপাত কৰে আৰু ইয়াৰ ফলপ্ৰসূ ৰূপায়ণ নিশ্চিত কৰিবলৈ বেংকসমূহক সক্ৰিয়ভাৱে অংশগ্ৰহণ কৰিবলৈ আহ্বান জনায়।

মুখ্য সচিবগৰাকীয়ে ৰাজ্যখনৰ ক্ৰেডিট-ডিপ’জিট (চিডি) অনুপাত উন্নত কৰি ৰাষ্ট্ৰীয় গড়ৰ সমতুল্য কৰি তোলাৰ গুৰুত্বৰ বিষয়ত গুৰুত্ব আৰোপ কৰে। তেওঁ বেংকসমূহক দ্বিতীয় আৰু তৃতীয় ত্ৰৈমাসিকৰ সময়ছোৱাত নিজৰ প্ৰচেষ্টা তীব্ৰতৰ কৰিবলৈ পৰামৰ্শ দিয়ে, লগতে উল্লেখ কৰে যে চতুৰ্থ ত্ৰৈমাসিকত আগন্তুক ৰাজ্যিক নিৰ্বাচনৰ বাবে বাধাৰ মুখামুখি  হ’ব পাৰে। বেংক ঋণে পৰিৱৰ্তনশীল ভূমিকা ল’ব পৰা মূল ক্ষেত্ৰসমূহৰ  বিষয়ত  আলোকপাত কৰি তেওঁ জাগীৰোডৰ অৰ্ধপৰিবাহী প্ৰকল্প , নগাঁৱৰ পেপচিকো প্ৰকল্প, মাননীয় প্ৰধানমন্ত্ৰীয়ে শেহতীয়াকৈ উদ্বোধন কৰা বায়’-ইথানল প্ৰকল্প, পাঁচখন ৰাজ্যক প্ৰধান লজিষ্টিক হাব হিচাপে সংযোগ কৰা আগন্তুক শিলচৰ–শ্বিলং ঘাইপথ প্ৰকল্প, আৰু শিলচৰত প্ৰস্তাৱিত নতুন বিমানবন্দৰৰ পৰা উদ্ভৱ হোৱা সুযোগৰ কথা উল্লেখ কৰে।

মুখ্য সচিবগৰাকীয়ে লগতে  কয় যে বেংকসমূহক দাবী নকৰা জমা ধনৰ ওপৰত ভাৰতীয় ৰিজাৰ্ভ বেংকৰ অভিযানক সক্ৰিয় সমৰ্থন আগবঢ়াব লাগে । সভাত মুখ্যমন্ত্ৰীৰ আত্মনিৰ্ভৰ অসম  অভিযান (চিএমএএএ), মুখ্যমন্ত্ৰী মহিলা উদ্যমিতা অভিযান আৰু অৰুণোদয় ৩.০কে ধৰি ৰাজ্য চৰকাৰৰ ফ্লেগশ্বিপ আঁচনি ৰূপায়ণৰ বিষয়েও  পৰ্যালোচনা কৰা হয়। নিৰ্দিষ্ট লক্ষ্যৰে সামৰি লোৱা  হিতাধিকাৰীসকলক বাবে সৰ্বাধিক সুবিধা  প্ৰদান  কৰিবলৈ বিত্ত বিভাগৰ সৈতে ফলপ্ৰসূ যোগাযোগ নিশ্চিত কৰাৰ বিষয়তো তেওঁ  গুৰুত্ব আৰোপ কৰা হৈছিল।

ঋণৰ প্ৰবাহ বৃদ্ধি, বিত্তীয় অন্তৰ্ভুক্তি শক্তিশালী কৰা, ৰাজ্যৰ আৰ্থ-সামাজিক বৃদ্ধি আৰু উন্নয়নত অৰ্থপূৰ্ণ অৰিহণা যোগোৱাৰ বাবে অসম চৰকাৰৰ সৈতে ঘনিষ্ঠ সমন্বয় ৰক্ষা কৰি  কাম কৰা বেংক আৰু অংশীদাৰসকলৰ সামূহিক সংকল্পৰে বৈঠকৰ সামৰণি পৰে।

 PG/ SM/DM

(ৰিলিজ আই ডি : 2167900) অতিথি কক্ষ : 23