وزیر اعظم جناب نریندر مودی کی قیادت میں کان کنی کے شعبے میں کئی تاریخی اصلاحات متعارف کرائی گئی ہیں جن کا مقصد کام کاج کے بہتر حالات، بہتر حفاظتی اقدامات اور افرادی قوت کے لیے ذریعہ معاش کے بہتر مواقع کو یقینی بنانا ہے۔  ان اقدامات سے نہ صرف سماجی تحفظ اور فلاحی فوائد کو تقویت ملی ہے بلکہ ہنر مندی کے فروغ اور صلاحیت سازی کے مواقع بھی پیدا ہوئے ہیں۔  کان کے کارکنوں کی فلاح و بہبود اور سہولت پر حکومت کی مستقل توجہ اس شعبے کی جامع ترقی اور پائیدار ترقی کے عزم کی عکاسی کرتی ہے۔

ایچ سی ایل نے ملازمین اور ان کے اہل خانہ کی فلاح و بہبود کو ترجیح دی ہے

سماجی تحفظ کے اقدامات کو مستحکم کرنے، کمزوری کو دور کرنے اور اپنی افرادی قوت کی فلاح و بہبود اور حفاظت کو فروغ دینے کے لیے پرعزم ، ہندوستان کوپر لمیٹڈ (ایچ سی ایل) حکومت ہند کی کانوں کی وزارت کے انتظامی کنٹرول کے تحت ایک سی پی ایس ای ہےاور  اس نے گروپ پرسنل ایکسیڈنٹ انشورنس پالیسی متعارف کرائی ہے، جس میں کمپنی میں مصروف ہر کنٹریکٹ والے شخص کے لیے ڈیوٹی کے دوران 20 لاکھ روپے کی کوریج فراہم کی گئی ہے۔  مزید برآں، کمپنی نے ایس بی آئی، آئی او بی اور دیگر بینکوں کے ساتھ مل کر ان کے متعلقہ کارپوریٹ تنخواہ پیکیج کے تحت بھی کام شروع کیا ہے، جو اس کی یونیٹوں اور دفاتر میں کام کرنے والے کانٹریکٹچول   افراد کے لیے 40 لاکھ روپے تک کا ایکسیڈنٹ انشورنس فراہم کرتا ہے۔

1967 سے قوم کی خدمت میں ‏مصروف، ایچ سی ایل نے اپنے کارپوریٹ تنخواہ پیکیج کے تحت تمام باقاعدہ ملازمین کے لیے ’گروپ پرسنل ایکسیڈنٹ انشورنس اسکیم‘ شروع کرنے کے لیے اسٹیٹ بینک آف انڈیا کے ساتھ شراکت داری کی ہے۔  یہ تاریخی پہل ہندوستان کوپر لمیٹڈ کے تمام باقاعدہ ملازمین کے لیے ایک کروڑ روپے کی جامع حادثاتی بیمہ کوریج (ڈیوٹی اور آف ڈیوٹی) فراہم کرتی ہے۔جو سماجی تحفظ کو یقینی بنانے کے لیے اس کے عزم کی عکاسی کرتی ہے ۔

ایچ سی ایل نے تمام ملازمین کے لیے ایک مشترکہ یونیفارم  متعارف کرائی ہے

ایک متحد افرادی قوت کے طور پر کارپوریٹ شناخت کو مضبوط کرنے کے لیے، ایچ سی ایل نے اپنی یونیٹوں اور دفاتر میں تمام ملازمین کے لیے ایک مشترکہ یونیفارم متعارف کرائی ہے۔  یہ پہل کمپنی کی اتحاد ، مساوات کی بنیادی اقدار کی عکاسی کرتی ہے اور اپنے اسٹیک ہولڈرز کے سامنے ایک پیشہ ورانہ تصویر پیش کرتی ہے۔  سب کے لیے ایک ہی وردی ایچ سی ایل کے ایک جامع اور مربوط کام کی جگہ بنانے کے مقصد کی وضاحت کرتی ہے جو ہر فرد کی قدر کرتی ہے ، باہمی احترام کو فروغ دیتی ہے اور اجتماعی کامیابی کا جشن مناتی ہے۔  سب کے لیے مشترکہ وردی کا نفاذ ، ایچ سی ایل ، ’کوپر مائنر آف انڈیا‘کی شناخت کو ایک ٹیم کے طور پر اجاگر کرتا ہے ، جو قوم کی خدمت کے لیے وقف ہے۔

*********

ش ح ۔م م ع۔  ت ا

U. No.6085

(Release ID: 2167291) Visitor Counter : 2