লৌউ-শিংউ মন্ত্রালয়
14শুবা সিরারাখোং হাথৈ চিলি ফেস্তিবেল হৌদোকখ্রে
Posted On:
16 SEP 2025 4:40PM by PIB Imphal
14শুবা সিরারাখোং হাথৈ চিলি ফেস্তিবেল অসি ঙসি মনিপুরগী উখ্রুল দিস্ত্রিক্তকী সিরারাখোং খুঙ্গংদা মনিপুর সরকারগী হোর্তিকলচর অমসুং সেরিকলচরগী কম্মিস্নার, থাইথুইলুং পামৈ, IASনা হৌদোকখ্রে। মাগী অখন্নবা মনম অমসুং মহাওগীদমক খঙনরিবা, মালেমদা মমিং চৎলবা সিরারাখোং হাথৈ মোরোক অসিবু থৌগৎলিবা থৌরম অসিনা লৌউ-শিংউগী হেরিতেজ, অকোইবগী ফিবম লেংদনা থম্বা অমসুং নেস্নেল দিবেলপমেন্ত ইনিসিয়েতিবশিংবু প্রমোৎ তৌনবা লৌমীশিং, কম্ম্যুনিতীগী লুচিংবশিং অমসুং দিগ্নিতরীশিংবু পুনশিনখি।
নোং-চীংগী ফীভম ফত্তবনা মরম ওইদুনা, অথোইবা মীথুংলেন ওইনা শরুক য়াগদবা মনিপুরগী গবর্নর, শ্রী অজয় ভল্লা, IAS (রিতায়র্দ)না শরুক য়াবা ঙমখিদ্রে। ফেস্তিবেল অদুদা তংখুল নাগা লোংগী প্রসিদেন্ত, স্বোর্দ ভাশুম; LM ব্লোককী SDO, নমরৈয়ুং লুইথুই; সিরারাখোংগী খুলাকপা, ভি. ৱুংখায়াপ জিমিক; মমিং লৈরবা শৈশকপা, কে. ৱুংচান; অমসুং অতোপ্পা কম্ম্যুনিতীগী লুচিংবশিং য়াওনা মশক নাইবা মীওইশিংনা শরুক য়াখি।
মহাক্কী হৌদোক ৱারোলদা, তি. পামৈনা লমদম অসিগী লৌউ-শিংউগী মগুনগী খুদম অমা ওইরিবা অখন্নবা হাথৈ মোরোক অসি ঙাক-শেন্দুনা থম্বগীদমক সিরারাখোংগী লৌমীশিংবু থাগৎপা ফোংদোকখি। মহাক্না নহারোলশিংদা মখোয়গী অহলশিংগী অখাং কনবা অমসুং হোৎনবা কনবা অসিদগী ইথিল লৌনবা তকশিল্লদুনা মহাক্না অনৌবা খুদোংচাবশিং শিজিন্নদুনা ত্রেদিস্নেল ফার্মিংগী থৌওংশিং ঙাক্না চৎপগী মরুওইবা অদু পনখি।
হৌনবী মতুং ইন্না ফিরাল চীংখৎপা, লমদম অসিগী ফজরবা হেরিতেজ উৎলিবা কলচরেল পর্ফোমেন্স, লোকেল ফার্মরশিংগীদমক শেন্মিৎলোনগী খুদোংচাবশিং ফগৎহন্নবা বায়র্স-সেলর্স মীত অমসুং লৈবাক শীনবা থুংনা পায়খৎলিবা 'এক পেদ মা কে নাম'কী মখাদা উ-চারা থাবগী থৌরাং য়াওনা হৌদোকপগী নুমিৎ অসিদা থৌরম কয়া পাংথোকখি। মসিগী মথক্তা, সেন্ত্রেল ব্যুরো ওফ কম্ম্যুনিকেসন (CBC), রিজনেল ওফিস ইম্ফালনা সিরারাখোং খুঙ্গংগা খুৎশম্নদুনা ভারত সরকারগী মরুওইবা থিমশিং হায়বদি 'ভিক্সিৎ ভারত @ 2947' 'সেবা, সুশাসন, গরীব কল্যান কে 11 সাল' অসিনচিংবা ফোতো একজিবিসন অমা শীনখি।
সিরারাখোং হাথৈ চিলি ফেস্তিবেল অসি লমদম অসিগী লৌউ-শিংউগী চাউথোকচনীংঙাই ওইরিবা থৌরম অমা ওইবগা লোয়ননা অকোয়বগী ফিবম, নাৎকী হেরিতেজ অমসুং মরুওইবা নেস্নেল প্রোগ্রামশিংগী মরমদা খঙহনবা হেনগৎহল্লি। থৌরম অসিনা লোকেল ফার্মরশিং মতেং পাংনবা অমসুং মনিপুরদা ইনক্লুসিব দিবেলপমেন্ত পুক্নিং থৌগৎনবা সরকারগী অচেৎপা ৱাফম অদু উৎলি।
***
(Release ID: 2167255)