પેન્શન અને પેન્શનર્સ કલ્યાણ વિભાગ (DoPPW) દ્વારા 13 સપ્ટેમ્બર 2025ના રોજ અમદાવાદમાં પેન્શનર્સ જાગૃતિ કાર્યક્રમ અને 10મો બેંકર્સ જાગૃતિ કાર્યક્રમ સફળતાપૂર્વક યોજવામાં આવ્યો હતો. આ કાર્યક્રમની અધ્યક્ષતા પેન્શન અને પેન્શનર્સ કલ્યાણ વિભાગ (P&PW)ના સચિવ શ્રી વી. શ્રીનિવાસ દ્વારા કરવામાં આવી હતી

આ કાર્યક્રમોમાં અમદાવાદ અને આસપાસના વિસ્તારોના 350થી વધુ કેન્દ્ર સરકારના પેન્શનર્સ અને પંજાબ નેશનલ બેંક (PNB)ના આઠ સેન્ટ્રલ પેન્શન પ્રોસેસિંગ સેન્ટર્સ (CPPCs)ના અધિકારીઓ સહિત 80 બેંકરોએ હાજરી આપી હતી. આ કાર્યક્રમો અમદાવાદ અને વડોદરાના પેન્શનર્સ કલ્યાણ સંગઠનોના સહયોગથી યોજવામાં આવ્યા હતા.

પેન્શનર્સ કલ્યાણ વિભાગના વરિષ્ઠ અધિકારીઓએ પેન્શનર પોર્ટલ, CCS (પેન્શન) નિયમો, ફેમિલી પેન્શન, કમ્યુટેશન, CPENGRAMS ફરિયાદ નિવારણ, ડિજિટલ લાઇફ સર્ટિફિકેટ જનરેટ અને NRI પેન્શનર્સ માટે સેવાઓ પર વિગતવાર સત્રો યોજ્યા હતા. વિષય નિષ્ણાતોએ સાયબર સુરક્ષા, ડિજિટલ સાક્ષરતા અને CGHS લાભો પર ચર્ચા કરી હતી અને સહભાગીઓની જાગૃતિ વધારી હતી.

પેન્શનર્સ કલ્યાણ વિભાગના સંયુક્ત સચિવ શ્રી ધ્રુબજ્યોતિ સેનગુપ્તાએ પેન્શનર્સના જીવનને સરળ બનાવવા માટેની મુખ્ય પહેલો પર પ્રકાશ પાડ્યો હતો, જેમાં ફેસ ઓથેન્ટિકેશન ટેકનોલોજી અને સફળ રાષ્ટ્રવ્યાપી DLC ઝુંબેશનો સમાવેશ થાય છે જેના પરિણામે 1.62 કરોડ DLC થયા હતા, જેમાંથી 51 લાખ લોકોએ ફેસ ઓથેન્ટિકેશનનો ઉપયોગ કર્યો હતો. તેમણે એ પણ માહિતી આપી હતી કે ફરિયાદ નિવારણનો સમય ઘટાડીને 20 દિવસ કરવામાં આવ્યો છે.

સચિવ (કર્મચારી અને પેન્શનર્સ કલ્યાણ) શ્રી વી. શ્રીનિવાસે પેન્શનર્સના ડિજિટલ સશક્તિકરણ તરફ સરકારના પ્રયાસો પર પ્રકાશ પાડ્યો, જેમાં ભવિષ્ય પ્લેટફોર્મ પર યુનિફાઇડ પેન્શનર પોર્ટલ શરૂ કરવું, સમયસર પેન્શન મંજૂરી સુનિશ્ચિત કરવા માટે એક જ ફોર્મ 6A રજૂ કરવું અને પેન્શનર્સ કલ્યાણ સંગઠનો (PWAs)ને ગ્રાન્ટ-ઇન-એઇડમાં વધારો કરવાનો સમાવેશ થાય છે. તેમણે પેન્શનર્સ માટે લાઉન્જ પૂરા પાડવા અને DLC ઝુંબેશ દરમિયાન કેમ્પ યોજવા બદલ PNBની પણ પ્રશંસા કરી હતી.

અન્ય મહાનુભાવો - શ્રી પ્રદીપ કુમાર, એડિશનલ જનરલ મેનેજર, વેસ્ટર્ન રેલ્વે, પંજાબ નેશનલ બેંક, ડૉ. રાજેશ પ્રસાદ, ચીફ જનરલ મેનેજર, અમદાવાદ અને શ્રી ઉન્નીકૃષ્ણન, સેક્રેટરી, CGPA - એ સભાને સંબોધિત કરી અને પેન્શનર્સના કલ્યાણ માટે લેવામાં આવેલી પહેલ પર પ્રકાશ પાડ્યો હતો.

"પેન્શનર સંવાદ" નામના એક ખાસ ઇન્ટરેક્ટિવ સત્ર દ્વારા પેન્શનર્સને PNB અધિકારીઓને સીધા પ્રશ્નો પૂછવાની તક મળી હતી. બધા મુદ્દાઓનું સંતોષકારક નિરાકરણ કરવામાં આવ્યું, જેના પરિણામે સહભાગીઓ તરફથી ભારે હકારાત્મક પ્રતિભાવ મળ્યો હતો.

આ કાર્યક્રમો ક્ષમતા નિર્માણ, નીતિગત પ્રતિસાદ અને પેન્શનર્સની ફરિયાદોના તાત્કાલિક નિરાકરણ માટે એક મહત્વપૂર્ણ પ્લેટફોર્મ તરીકે સેવા આપે છે, જે પેન્શનર્સ માટે નિવૃત્તિ પછીના જીવનને સુધારવા અને બેંકો સાથે સહયોગને મજબૂત બનાવવાની DoPPWની પ્રતિબદ્ધતાને મજબૂત બનાવે છે.

 

SM/NP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 2166467) Visitor Counter : 2