وزیر اعظم جناب نریندر مودی کی تبدیلی کی قیادت میں اگلی نسل کی جی ایس ٹی اصلاحات ہندوستان کے تاریخی ٹیکس ڈھانچے کے اسٹریٹجک، اصولی اور شہریوں پر مبنی ارتقاء کی نمائندگی کرتی ہیں۔

56 ویں جی ایس ٹی کونسل میٹنگ میں منظور شدہ جی ایس ٹی اصلاحات سے ہندوستان کے تیزی سے بڑھتے ہوئے ڈرون ماحولیاتی نظام سمیت مختلف شعبوں میں ترقی کو آگے بڑھانے میں مدد ملے گی۔

اس سے پہلے مربوط کیمروں والے ڈرونز کے لیے جی ایس ٹی کی شرح 18فیصد اور ذاتی استعمال کے لیے درجہ بند ڈرونز کے لیے 28فیصد تھی۔ نئی اصلاحات کے تحت تمام ڈرونز پر 5 فیصد کی یکساں جی ایس ٹی کی شرح لاگو کی گئی ہے۔ چاہے کیمرہ اس میں کیمرہ لگا ہو یا الگ اور چاہے وہ تجارتی یا ذاتی مقاصد کے لیے استعمال ہو رہے ہوں۔ یہ اصلاحات ایک مضبوط، محفوظ اور بین الاقوامی سطح پر مسابقتی ڈرون ماحولیاتی نظام کو فروغ دینے کے حکومت ہند کے وژن کے مطابق ہے۔شہری ہوابازی کے وزیر جناب رام موہن نائیڈو نے ان اصلاحات کی تعریف کرتے ہوئے کہا’’5فیصد اور 18فیصد کے آسان دو سلیب ڈھانچے کے ساتھ جی ایس ٹی کی شرح کو درست کرنا ہندوستان کی بالواسطہ ٹیکسیشن میں اب تک کی سب سے بڑی اصلاحات ہے۔ وزیر اعظم جناب نریندر مودی کی مضبوط قیادت میں ہم اپنے مقصد کی طرف  تیزی سے گامزن ہیں۔ تمام شعبوں میں شرح میں کمی سے  زندگی گزارنے اور کاروبار کرنے میں آسانی ہوگی اور اس کے ساتھ ساتھ ہندوستانی مینوفیکچررز کے لیے بھی یہ اہم اقدام ہندوستان کو ایک رہنما کے طور پر ابھرنے کے قابل بنائے گا جیسے کہ ڈرون اور 5 فیصد اہم پالیسیاں فراہم کی جائیں گی۔ مزید برآں فلائٹ اسمیلیٹر اور موشن ا سمیلیٹر جو کہ پائلٹ کی تربیت کے لیے اہم ہیں، کو بھی جی ایس ٹی سے مستثنیٰ قرار دیا گیا ہے، مجھے یقین ہے کہ اس سے ایئر لائنز اور اکیڈمیوں کو تربیتی آلات پر اخراجات کم کرنے میں مدد ملے گی۔

مینوفیکچررز کے لیے زیادہ وضاحت اور صارفین کے لیے کم لاگت ڈرون کو اپنانے کو فروغ دے گی۔ خاص طور پر زراعت (فصل کی نگرانی، کیڑے مار دوا چھڑکاؤ)، پیٹرولیم اور کان کنی (پائپ لائن اور اثاثہ جات کا معائنہ)، انفراسٹرکچر (سروے اور میپنگ)، لاجسٹکس (آخری میل کی ترسیل) اور دفاعی/سیکیورٹی کا تیز رفتار ردعمل کے لئے یہ معاون ثابت ہوگی۔

سستی اور قابل رسائی ڈرونز میک ان انڈیا اور آتم نر بھر بھارت کے تحت ہندوستان کے اہداف کو آگے بڑھائیں گے، جبکہ متعدد صنعتوں اور عوامی خدمات کی کارکردگی میں اضافہ کریں گے۔

جی ایس ٹی کی معقول شرح سے ڈرون مینوفیکچرنگ، اسمبلنگ، سافٹ ویئر ڈیولپمنٹ، ڈیٹا اینالیٹکس اور فیلڈ آپریشنز میں روزگار کے مواقع پیدا ہونے کی بھی توقع ہے۔

نظر ثانی شدہ شرحوں اور چھوٹ کے ساتھ جی ایس ٹی ابھرتی ہوئی ٹیکنالوجیز جیسے ہوا بازی اور یو اے ویز کے لیے زیادہ ترقی پر مبنی ہو گیا ہے۔ یہ تاریخی اقدام ڈرون کو ہندوستان کے لیے ایک اقتصادی موقع اور اسٹریٹجک ضرورت دونوں کے طور پر تسلیم کرتا ہے۔ اس آسان نظام سے ابھرتے ہوئے ڈرون سیکٹر کو بہت فائدہ پہنچے گا۔

۔۔۔۔۔۔۔۔۔۔۔

 (ش ح ۔ م ح۔ع ن)

U. No. 5837

(Release ID: 2165226) Visitor Counter : 2