سماجی تحفظ کے نظام کو مضبوط کرنے اور صنعتوں کے لیے عمل آوری کو آسان بنانے کی سمت ایک اہم قدم اٹھاتے ہوئے ایمپلائز اسٹیٹ انشورنس کارپوریشن (ای ایس آئی سی) نے دو بڑی اسکیمیں-ایس پی آرای ای-2025 اور ایمنسٹی اسکیم 2025 — کا آغاز کیا ہے۔آج گروگرام کے پی ڈبلیو ڈی ریسٹ ہاؤس میں منعقد پریس کانفرنس سے خطاب کرتے ہوئے ای ایس آئی سی سب ریجنل آفس، گروگرام کے ڈائریکٹر (انچارج) جناب سنیل یادو نے کہا کہ ان اسکیموں کا مقصد زیادہ سے زیادہ کارکنوں کو سماجی تحفظ کے دائرے میں لانا ہے، جبکہ صنعتوں کو عدالتی کارروائیوں اور مقدمہ بازی کے بوجھ سے نجات دلانا بھی ہے جو ان کا ایک بڑا ہدف ہے۔

ایس پی آر ای ای-2025 (آجروں اور ملازمین کی رجسٹریشن کو فروغ دینے کی اسکیم) 31 دسمبر 2025  تک کام کرے گی ۔  اس اسکیم کے تحت ، جو صنعتیں اور ملازمین ابھی تک ای ایس آئی سی سے وابستہ نہیں ہیں ، وہ پرانے واجبات کے مطالبے کے بغیر ای ایس آئی پورٹل ، شرم سویدھا پورٹل اور کمپنی افیئرز پورٹل کے ذریعے اندراج کر اسکتے ہیں ۔  ایس پی آر ای ای-2025 کے تحت اندراج کرنے والے آجروں کو ان کے اندراج کی تاریخ یا ان کی طرف سے اعلان کردہ تاریخ سے ان کا احاطہ کیاگیا ہے ایسا مانا جائے گا  اور نئے رجسٹرڈ ملازمین کو اندراج کی تاریخ سے ہی ای ایس آئی صحت اور سماجی تحفظ کے فوائد ملنا شروع ہو جائیں گے ۔  جناب یادو نے اس بات پر زور دیا کہ اس اسکیم کی توجہ تعزیری اقدامات کے بجائے رضاکارانہ تعمیل پر مرکوز ہے ، کیونکہ اس کا مقصد قانونی چارہ جوئی کو کم کرنا ، باضابطہ رجسٹریشن کی حوصلہ افزائی کرنا اور آجروں اور ملازمین کے درمیان باہمی اعتماد اور تعاون کے ماحول کو فروغ دینا ہے ۔

مزید اصلاحات کواجاگرکرتے ہوئے، جناب یادو نے ایمنسٹی اسکیم-2025 کے آغاز کا اعلان کیا، جو یکم اکتوبر 2025 سے 30 ستمبر 2026 تک نافذالعمل رہے گی۔یہ ایک ون ٹائم ڈسپیوٹ ریزولوشن اقدام ہے جسے ای ایس آئی ایکٹ کے تحت نقصانات، سود اور کوریج سے متعلق مسائل کو حل کرنے کے لیے تیار کیا گیا ہے۔اس اسکیم کا مقصد آجرین کو یہ موقع فراہم کرنا ہے کہ وہ اپنے زیر التواء تنازعات کو حل کر سکیں اور عمل آوری کو مضبوط بنا سکیں، تاکہ مقدمات کی تعداد میں کمی آئے اور ملازمین تک سماجی تحفظ کے فوائد کی مؤثر اور ہموارکی ترسیل کو یقینی بنایاجا سکے۔

مختلف صنعتی تنظیموں کے نمائندوں نے ان اسکیموں کے آغاز کا خیرمقدم کرتے ہوئے کہا کہ یہ اقدامات چھوٹی اور بڑی دونوں صنعتوں کو نمایاں راحت فراہم کریں گے اور ملازمین کو صحت اور سماجی تحفظ کے فوائد زیادہ آسانی کے ساتھ حاصل کرنے کے قابل بنائیں گے۔پریس کانفرنس میں موجود سینئر افسران میں جناب سچن سنگھ (ڈپٹی ڈائریکٹر)، ڈاکٹر سوئٹی یادو (تعلقات عامّہ کی افسر)، جناب کملیندر کمار (اسسٹنٹ ڈائریکٹر) سمیت دیگر افسران اور ای ایس آئی سی سب ریجنل آفس، گروگرام کے ملازمین شامل تھے۔

یہ اقدامات حکومت کے اس عزم کی تجدید کرتے ہیں کہ وہ سماجی تحفظ کے دائرے کو وسیع کرے گی، عمل آوری کو آسان بنائے گی اور مختلف شعبوں میں کام کرنے والے محنت کشوں کی فلاح و بہبود کو مزید بہتر بنائے گی۔

******

 

ش ح ۔ ش م ۔ م ا

Urdu No-5806

 

(Release ID: 2165022) Visitor Counter : 2