പ്രത്യേക സേവനങ്ങളും ഫീച്ചറുകളും
പ്രധാന മന്ത്രി മത്സ്യ സമ്പദാ യോജനയുടെ ഭാഗമായി തൃശൂർ എടക്കഴിയൂരിൽ നിർമിക്കുന്ന സംയോജിത ആധുനിക തീരദേശ മത്സ്യ ഗ്രാമത്തിന്റെ നിർമാണോദ്ഘാടനം കേന്ദ്ര സഹമന്ത്രി ശ്രീ ജോർജ് കുര്യൻ നിർവഹിച്ചു
प्रविष्टि तिथि:
29 AUG 2025 7:17PM by PIB Thiruvananthpuram
തൃശൂർ, 29 ആഗസ്റ്റ് 2025 : പ്രധാനമന്ത്രി മത്സ്യ സമ്പദാ യോജനയുടെ (PMMSY) കീഴിൽ തൃശൂർ ജില്ലയിലെ എടക്കഴിയൂരിൽ നിർമിക്കുന്ന സംയോജിത ആധുനിക തീരദേശ മത്സ്യ ഗ്രാമം - ഇന്റഗ്രേറ്റഡ് മോഡേൺ കോസ്റ്റൽ ഫിഷിംഗ് വില്ലേജിന്റെ നിർമാണോദ്ഘാടനം കേന്ദ്ര ന്യൂനപക്ഷകാര്യ, ഫിഷറീസ്, മൃഗസംരക്ഷണ, ക്ഷീരവികസന സഹമന്ത്രി ശ്രീ ജോർജ്ജ് കുര്യൻ ഇന്ന് നിർവഹിച്ചു. സംസ്ഥാന സർക്കാരുകളുമായി സഹകരിച്ച് സുസ്ഥിരവും ഉത്തരവാദിത്തപൂർണ്ണവുമായ വികസനത്തിലൂടെ മത്സ്യബന്ധന മേഖലയെ ശക്തിപ്പെടുത്തുന്നതിനായി രൂപകൽപ്പന ചെയ്തിട്ടുള്ള ഇന്ത്യാ ഗവൺമെന്റിന്റെ അഭിമാന പദ്ധതിയായ പ്രധാനമന്ത്രി മത്സ്യ സമ്പദാ യോജന (പിഎംഎംഎസ്വൈ) പ്രകാരമാണ് ഈ സംരംഭം നടപ്പിലാക്കുന്നത്. പദ്ധതിയുടെ നടത്തിപ്പിനായി കേന്ദ്രത്തിനൊപ്പം നിലകൊള്ളുന്ന സംസ്ഥാന ഗവൺമെന്റിനെ കേന്ദ്ര സഹമന്ത്രി അഭിനന്ദിച്ചു.
ചടങ്ങിനെ അഭിസംബോധന ചെയ്തുകൊണ്ട്, സംയോജിത ആധുനിക മത്സ്യബന്ധന ഗ്രാമ പദ്ധതി പ്രകാരം കേരളത്തിൽ 1,359 കോടി രൂപ ചെലവിൽ (കേന്ദ്രവും സംസ്ഥാനവും 60:40 അനുപാതത്തിൽ) ഒമ്പത് ഗ്രാമങ്ങൾ വികസിപ്പിക്കുന്നുണ്ടെന്ന് ശ്രീ ജോർജ് കുര്യൻ പറഞ്ഞു. കൂടാതെ, ആലുവയിലും കോഴിക്കോടും രണ്ട് ആധുനിക മത്സ്യബന്ധന വിപണികൾ വികസിപ്പിച്ചുകൊണ്ടിരിക്കുകയാണെന്നും അദ്ദേഹം ചൂണ്ടിക്കാട്ടി. പ്രത്യേക കിയോസ്ക്കുകൾ വഴി ഉപഭോക്താക്കൾക്ക് ശുചിത്വപരമായി വൃത്തിയാക്കിയതും കയറ്റുമതി ഗുണനിലവാരമുള്ളതുമായ ഉൽപ്പന്നങ്ങൾ നൽകുന്ന സംസ്കരണ കേന്ദ്രങ്ങളായി ഇവ പ്രവർത്തിക്കും.
കേന്ദ്രത്തിന്റെ പൂർണ്ണ ധനസഹായത്തോടെ കേരളത്തിൽ കാലാവസ്ഥാ വ്യതിയാനത്തെ ചെറുത്ത്നിൽക്കാൻ കഴിയുന്ന ആറ് തീരദേശ ഗ്രാമങ്ങൾ കൂടി വികസിപ്പിച്ചുകൊണ്ടിരിക്കുകയാണെന്ന് കേന്ദ്ര സഹമന്ത്രി എടുത്തുപറഞ്ഞു. ISRO- യുമായി ഏകോപിപ്പിച്ച് വികസിപ്പിച്ചെടുത്ത കടലിൽ ഇറങ്ങുന്ന മത്സ്യത്തൊഴിലാളികൾക്ക് ട്രാൻസ്പോണ്ടറുകൾ സൗജന്യമായി വിതരണം ചെയ്യുന്നുണ്ടെന്ന് അദ്ദേഹം പരാമർശിച്ചു. ഇതുവരെ സംസ്ഥാനത്ത് ഏകദേശം 6,500 ഉപകരണങ്ങൾ ഇതിനകം നൽകിയിട്ടുണ്ട്.
ക്ഷേമ നടപടികളുടെയും സേവനങ്ങളുടെയും ലക്ഷ്യബോധമുള്ള വിതരണം ഉറപ്പാക്കാൻ ഡിജിറ്റൽ സംയോജനം സഹായിക്കുമെന്ന് അടിവരയിട്ടു പറഞ്ഞ ശ്രീ ജോർജ് കുര്യൻ, മത്സ്യത്തൊഴിലാളികൾ ദേശീയ മത്സ്യബന്ധന ഡിജിറ്റൽ പ്ലാറ്റ്ഫോമിൽ രജിസ്റ്റർ ചെയ്യണമെന്നും അഭ്യർത്ഥിച്ചു.
മത്സ്യബന്ധന മേഖലയെ ശക്തിപ്പെടുത്തുന്നത് മത്സ്യത്തൊഴിലാളികളുടെ ഉപജീവനമാർഗ്ഗം വർദ്ധിപ്പിക്കുക മാത്രമല്ല, വിശാലമായ സമ്പദ്വ്യവസ്ഥയ്ക്ക് സംഭാവന നൽകുകയും ചെയ്യുന്നുവെന്ന് അദ്ദേഹം ഊന്നിപ്പറഞ്ഞു. വ്യക്തികൾ അവരുടെ വരുമാനം വർദ്ധിപ്പിക്കാൻ പ്രവർത്തിക്കുമ്പോൾ, അത് കുടുംബങ്ങളെ ഉയർത്തുകയും, രാജ്യത്തിന്റെ സാമ്പത്തിക അടിത്തറയെ ശക്തിപ്പെടുത്തുകയും ചെയ്യുമെന്ന് അദ്ദേഹം അഭിപ്രായപ്പെട്ടു.
പിഎംഎംഎസ്വൈയുടെ ഒരു ഘടകമായ ഇന്റഗ്രേറ്റഡ് മോഡേൺ കോസ്റ്റൽ ഫിഷറീസ് വില്ലേജസ് പദ്ധതി, തീരദേശ ഗ്രാമങ്ങളുടെ സമഗ്രമായ സാമൂഹികവും സാമ്പത്തികവുമായ വികസനത്തിൽ ശ്രദ്ധ കേന്ദ്രീകരിക്കുന്നു. കേരളത്തിൽ, 9 തീരദേശ മത്സ്യബന്ധന ഗ്രാമങ്ങളിലാണ് പദ്ധതി നടപ്പിലാക്കുന്നത്. മത്സ്യബന്ധന അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും മത്സ്യത്തൊഴിലാളികളുടെ ഉപജീവനമാർഗ്ഗ അവസരങ്ങൾ വർദ്ധിപ്പിക്കുന്നതിനുമായി ₹577 ലക്ഷം രൂപയുടെ പദ്ധതികൾ നടപ്പിലാക്കുന്നതിനായി തൃശൂർ ജില്ലയിലെ എടക്കഴിയൂരിനെ അതിലൊന്നായി തിരഞ്ഞെടുത്തിട്ടുണ്ട്.
എടക്കഴിയൂർ ബീച്ചിൽ നടന്ന ഉദ്ഘാടന ചടങ്ങിൽ ഗുരുവായൂർ നിയോജകമണ്ഡലം എംഎൽഎ ശ്രീ എൻ. കെ. അക്ബർ അധ്യക്ഷത വഹിച്ചു. ജില്ലാ, ബ്ലോക്ക്, ഗ്രാമപഞ്ചായത്ത് തലങ്ങളിൽ നിന്നുള്ള ജനപ്രതിനിധികളും ഉദ്യോഗസ്ഥരും പ്രാദേശിക പങ്കാളികളും പങ്കെടുത്തു.
*****************
(रिलीज़ आईडी: 2161996)
आगंतुक पटल : 35
इस विज्ञप्ति को इन भाषाओं में पढ़ें:
English