ورلڈ فوڈ پروگرام (ڈبلیو ایف پی) کے ڈپٹی ایگزیکٹو ڈائریکٹر اور چیف آپریٹنگ آفیسر جناب کارل اسکاو نے آج نئی دہلی کے کرشی بھون میں زراعت اور کسانوں کی بہبود کی وزارت کے سکریٹری ڈاکٹر دیویش چترویدی سے ملاقات کی۔  میٹنگ میں قومی اور علاقائی اور عالمی سطح پر ڈبلیو ایف پی کی مصروفیات اور پیش رفت پر تبادلہ خیال کرنے پر توجہ مرکوز کی گئی۔

ڈی اے اینڈ ایف ڈبلیو کے سکریٹری نے ڈپٹی ایگزیکٹو ڈائریکٹر اور وفد کے دیگر اراکین کا محکمہ میں پرتپاک استقبال کیا۔  ڈبلیو ایف پی کے ساتھ شراکت داری کی اہمیت پر زور دیتے ہوئے انہوں نے حکومتوں کے ساتھ ڈبلیو ایف پی کے قابل قدر تال میل کی تعریف کی ۔

سکریٹری  موصوف نے عزت مآب وزیر اعظم کے ہندوستان کو عالمی فوڈ باسکٹ کے طور پر قائم کرنے ، خوراک اور غذائیت کی حفاظت کے حصول کے لیے خود کفالت کے وژن کو بھی شیئر کیا اور وکست بھارت کے اہداف کے حصول کے لیے ایک اہم راستے کے طور پر جنوب-جنوب تعاون کی اہمیت پر زور دیا۔  انہوں نے ہندوستان کے زرعی شعبے میں اہم اختراعات کا خاکہ پیش کیا، جن میں فصلوں کے بیمہ، ڈیجیٹل زراعت اور ٹریس ایبلٹی میں پیشرفت شامل ہیں۔  انہوں نے غذائی تحفظ کو بڑھانے میں انڈین کونسل آف ایگریکلچرل ریسرچ (آئی سی اے آر) کے ذریعہ تیار کردہ بایو فورٹیفائیڈ فصلوں کی اقسام کے اہم کردار پر روشنی ڈالی۔

ڈبلیو ایف پی کے ڈی ای ڈی اور سی او او جناب کارل اسکاو نے غذائی تحفظ کو آگے بڑھانے میں ہندوستان کی قابل ذکر پیش رفت کی تعریف کی ۔  انہوں نے مشاہدہ کیا کہ بڑھتے ہوئے تنازعات اور آب و ہوا کی تبدیلی کے منفی اثرات کی وجہ سے عالمی غذائی تحفظ کی صورتحال کو بڑھتے ہوئے چیلنجوں کا سامنا کرنا پڑ رہا ہے ، اور عالمی حل میں  ہندوستان کے تعاون کے  اہم کردار کو اجاگر کیا ۔ جناب ا سکاو نے اس بات پر زور دیا کہ ہندوستان اپنے مضبوط سماجی تحفظ کے نظام ، تنوع اور مضبوطی کے اقدامات ، خواتین کو معاشی طور پر بااختیار بنانے کے فروغ اور آب و ہوا کے لچکدار معاش کی ترقی کے ذریعے قیمتی سبق اور ماڈل پیش کرتا ہے ۔  انہوں نے کہا کہ یہ تجربات علم ، ٹیکنالوجی اور بہترین طریقوں کے تبادلے کے ذریعے غذائی تحفظ کو مستحکم کرنے کی کوششوں میں دوسرے ممالک کی مدد کرنے کے لیے اہم صلاحیت رکھتے ہیں ۔ انہوں نے خوراک کی عدم تحفظ کے خلاف اجتماعی جنگ میں ہندوستان کے ساتھ تعاون اور شراکت داری کو گہرا کرنے کے لیے ڈبلیو ایف پی کے عزم کا اظہار کیا ۔

میٹنگ میں خوراک اور عوامی نظام تقسیم کے محکمے، امور خارجہ کی وزارت، این آر ایم ڈویژن ، ڈی اے اینڈ ایف ڈبلیو ، نیتی آیوگ اور ڈی ایم ای او کے نمائندوں نے بھی شرکت کی۔

 

******

ش ح۔ف ا۔ م ر

U-NO.5290

(Release ID: 2160717)