اندرا گاندھی نیشنل سینٹر فار دی آرٹس ، کلا ندھی ڈویژن نے ’آچاریہ ہزاری پرساد دویدی کا سنسکرتی چنتن‘ کے موضوع پر ’آچاریہ ہزاری پرساد دویدی اسمارک ویاکھیان‘ (آچاریہ ہزاری پرساد دویدی میموریل لیکچر) کا انعقاد کیا۔  لیکچر معروف اسکالر پروفیسر نند کشور آچاریہ، سابق ایمریٹس پروفیسر، آئی ٹی ایم، گوالیار نے دیا۔  پروگرام کی صدارت آئی جی این سی اے ٹرسٹ کے صدر جناب رام بہادر رائے نے کی، جبکہ استقبالیہ خطاب اور تعارف پروفیسر رمیش چندر گور، ڈین (انتظامیہ) اور سربراہ ، کلا ندھی نے پیش کیا۔

پروفیسر نند کشور آچاریہ نے کہا کہ آچاریہ ہزاری پرساد دویدی کا ثقافتی فلسفہ آج بھی انتہائی بامعنی ہے۔  آچاریہ ہزاری پرساد دویدی اسمارک ویاکھیان (آچاریہ ہزاری پرساد دویدی میموریل لیکچر) میں خطاب کرتے ہوئے انہوں نے اس بات پر روشنی ڈالی کہ ثقافت اندرونی نفس کی ترقی اور اقدار کا حصول ہے، جبکہ تہذیب کا تعلق سماجی، سیاسی اور معاشی ڈھانچے جیسے بیرونی نظام سے ہے۔  انہوں نے دویدی جی کے اس نظریے پر زور دیا کہ تہذیب کو ثقافتی اقدار کے حصول کے لیے ایک ذریعہ کے طور پر کام کرنا چاہیے اور یہ کہ حقیقی ثقافتی ترقی تب ہی ممکن ہے جب بیرونی نظام ان اقدار کے ساتھ ہم آہنگ ہوں۔  پروفیسر آچاریہ نے دویدی جی کے اس عقیدے کی مزید وضاحت کی کہ اقدار عالمگیر ہیں اور اس کی جڑیں مشرق اور مغرب کی مصنوعی تقسیم سے بالاتر ، کائناتی سچائی میں ہیں  اور یہ کہ حقیقی ثقافت تقسیم کی بجائے اتحاد اور ہم آہنگی کی طرف بڑھتی ہے۔

پنچکوش کے تصور کا حوالہ دیتے ہوئے، انہوں نے واضح کیا کہ حتمی مقصد ’آنندمئے کوش‘ ہے-ایک خوشی کی حالت، جس میں دیگر اقدار معاون عناصر کے طور پر کام کرتی ہیں۔  انہوں نے دویدی جی کی ’ریتا‘ (کائناتی ترتیب) اور ’انیکانت واد‘ (سچائی کی کثرت) کی تشریح کا بھی ذکر کیا، جس میں کہا گیا ہے کہ ثقافت کو جمہوری رہنا چاہیے، کیونکہ کوئی بھی نقطہ نظر پوری سچائی کو نہیں رکھتا ہے۔  پروفیسر آچاریہ نے دویدی جی کے اس یقین کا اعادہ کرتے ہوئے اپنی بات ختم کی کہ مکمل ثقافت کی طرف سفر مسلسل ہے اور عالمی اتفاق رائے، نہ صرف ایک عالمی بازار، بالآخر انسانیت کو اعلیٰ شعور اور اتحاد کی طرف لے جائے گا۔

جناب رام بہادر رائے نے اپنے صدارتی خطاب میں کہا کہ آچاریہ ہزاری پرساد دویدی کے ثقافتی فلسفے پر پروفیسر نند کشور آچاریہ کو سننا ایک بھرپور تجربہ تھا۔  انہوں نے بنارس ہندو یونیورسٹی میں طلبا کے دنوں میں دویدی جی کی اپنی نجی یادوں کو یاد کیا اور تمام طلبا کے لیے اپنے دروازے کھلے رکھنے کی دویدی جی کی منفرد صلاحیت پر روشنی ڈالی۔  جناب رائے نے دویدی جی کی تحریروں، خاص طور پر ہندوستانی ثقافت پر ان کے مضمون کو ایک ابھرتی ہوئی روایت قرار دیا۔  انہوں نے دویدی جی کے اس زور کو واضح کیا کہ ہندوستانی ثقافت قدیم حکمت کے ساتھ تسلسل برقرار رکھتے ہوئے نئے خیالات کو ضم کرکے متحرک رہی ہے۔  انہوں نے کہا کہ ہمارے سنتوں نے کرما اور پنر جنم جیسے بنیادی اصولوں کو دریافت کیا-تخلیق نہیں کیا، جو ثقافتی دھارے کا لازمی حصہ بن گئے۔‘‘

جناب رام بہادر رائے نے دویدی جی کے اس نظریے پر زور دیا کہ ہندوستانی ثقافت نے موافقت کے ذریعے بڑے چیلنجوں کا جواب دیا، بھکتی تحریک کو اسلامی اثر و رسوخ اور بعد میں مغربی جدیدیت کے ساتھ تعامل کے جواب کے طور پر پیش کیا۔  دویدی جی کے مطابق، انگریزوں کی آمد نے نئی ثقافتی دراڑیں پیدا کیں، بلکہ جدید سائنس، ٹیکنالوجی اور عقلی فکر کے ساتھ انضمام کا عمل بھی شروع کیا۔  دویدی جی کو یقین تھا کہ یہ ابھرتی ہوئی عالمی ثقافت ہندوستان کے کثیر جہتی تجربات سے مالا مال ہوگی۔   انہوں نے اس بات پر زور دیتے ہوئے اپنی بات ختم کی کہ دویدی جی ثقافت کو عکاسی کی ایک اعلیٰ شکل کے طور پر دیکھتے ہیں اور آج، جب ثقافتی سوالات گفتگو پر حاوی ہیں، تو ان کے خیالات گہرے طور پر بامعنی ہیں۔  اس تناظر میں، انہوں نے کہا  کہ ’’وہ ہمارے عظیم مفکرین کی صفوں میں شامل ہیں  اور ان کے خیالات نسلوں کو متاثر کرتے رہیں گے‘‘۔

اپنے افتتاحی کلمات میں پروفیسر رمیش چندر گور نے لیکچر کا تعارف پیش کیا اور آئی جی این سی اے لائبریری اور اس کے نجی مجموعوں کے بارے میں بات کی، جس میں آچاریہ ہزاری پرساد دویدی کا ذاتی مجموعہ بھی شامل ہے۔  انہوں نے محققین اور دیگر وزیٹرس کو آئی جی این سی اے لائبریری کو معائنہ کرنے کی دعوت دی۔  لیکچر میں اسکالرز، محققین اور ثقافتی برادری کے ارکان نے شرکت کی، جنہیں آچاریہ دویدی کے خیالات کے ساتھ نئے سیاق و سباق میں سمجھنے کا موقع ملا۔  پروگرام کا اختتام شکریہ ادا کرنے کے ساتھ ہوا ۔

 

******

ش ح۔ ف ا۔ م ر

U-NO. 5221

(Release ID: 2160058)