مردہ بچے کی پیدائش یا پیدائش کے فوراً بعد بچے کے انتقال کے باعث ماں کو ہونے والے ممکنہ جذباتی صدمے کو مدنظر رکھتے ہوئے، اس محکمہ نے 2 ستمبر 2022 کو مرکزی حکومت کے خواتین ملازمین کو ایسے حالات میں 60 دن کی خصوصی زچگی رخصت فراہم کرنے کا انتظام کیا ہے۔

دوسری جانب، کسی دوسرے انسان کی زندگی بچانے یا بہتر بنانے کے لیے اعضاء کا عطیہ کرنے کے نیک اور بے لوث عمل کو تسلیم کرتے ہوئے اور مرکزی حکومت کے ملازمین میں اعضاء کے عطیہ کو فروغ دینے کے مقصد سے، اس محکمہ نے 25 اپریل 2023 کو خصوصی کیزوئل رخصت (اسپیشل کیزوئل لیو) کے احکامات جاری کیے ہیں، جن کے تحت اعضاء کے عطیہ کے لیے زیادہ سے زیادہ 42 دن کی اسپیشل کیزوئل لیو دی جا سکتی ہے۔ یہ ایک خاص فلاحی اقدام کے طور پر عوامی مفاد میں بڑھائی گئی ہے۔

یہ معلومات آج لوک سبھا میں ڈاکٹر جیتندر سنگھ، وزیر مملکت (آزادانہ چارج) برائے سائنس و ٹیکنالوجی، ارضیاتی علوم، وزیر مملکت پی ایم او، وزیر مملکت پرسنل، عوامی شکایات و پنشنز، محکمہ ایٹمی توانائی اور محکمہ خلاء نے تحریری جواب میں دیں۔

*********

 

ش ح ۔ م م۔ ص ج

Urdu Release No-4994

 

(Release ID: 2158559)