ہندوستان میں ، یہاں مذکور لوگوں کے زمروں پر گرمی کے دباؤ کے اثرات کی حد کی نشاندہی کرنے کے لیے گرمی کے اثرات سے متعلق کوئی اعداد و شمار یا تحقیقی مطالعات موجود نہیں ہیں ۔ تاہم ، دنیا کے دیگر حصوں میں کیے گئے کچھ مطالعات سے پتہ چلتا ہے کہ غریب ، پسماندہ ، مہاجر ، روزی روٹی کے لیے کام کرنے والے مزدور ، خواتین اور بزرگ افراد گرمی کے دباؤ کے اثرات کا زیادہ شکار ہوتے ہیں ۔

ہندوستان کے محکمہ موسمیات (آئی ایم ڈی) نے کلائمیٹ ہیزارڈ اینڈ ولنریبلٹی اٹلس آف انڈیا شائع کیا ہے ، جو ملک بھر میں گرمی کی لہروں کے  بارے میں  معلومات کے لیے تیار کیا گیا ہے ، اور یہ شدید گرمی کی لہروں سے  ہونے والی  ہلاکتوں پر مبنی ہے ۔ یہ بنیادی طور پر قدرتی  آفات کے انتظام وانصرام  کے شعبوں کے صارفین کے لیے ہے کہ وہ گرمی کی لہر سے متاثرہ اضلاع کی شناخت کر سکیں   اور اس سے متعلق  احتیاطی تدابیراور موافقت پذیر اقدامات کی جا سکیں ۔ خطرات سے متعلق جائزے  اور  تشخیص ضلعی سطح پر اس سائٹ پر دستیاب ہے ۔ https://imdpune.gov.in/hazardatlas/abouthazard.html.

پرانے زمانے میں  محققین کو یہ معلوم تھا کہ شہری علاقوں میں درجہ حرارت دیہی علاقوں سے زیادہ ہوتا ہے ۔ ہیٹ ایکشن پلان (ایچ اے پی) 2013 کے موسم گرما کے دوران احمد آباد میں تجرباتی بنیاد پر کام کرنے لگا ، اور آج تک ، یہ 23 ریاستوں میں نیشنل ڈیزاسٹر مینجمنٹ اتھارٹی  یعنی قدرتی آفات  کی بندوبست کرنے والی قومی اتھارٹی(این ڈی ایم اے) کے ذریعے مختلف ریاستی اور مرکزی ایجنسیوں کے ساتھ مل کر کام کر رہا ہے ، جس میں  آئی ایم ڈی ، جو گرمی کی لہر کے حالات کا باعث بننے والے اعلی درجہ حرارت سے دوچار ہیں  اور گرمی کا ایکشن پلان تیار کر رہے ہیں شامل ہیں۔

ایچ اے پیز کو مقامی سطح کی ایجنسیوں کے ذریعے ڈیزائن کیا جاتا ہے ، جو زمینی سطح پرانتظامی اور ادارہ جاتی  ضروریات کو مدنظر رکھتے ہیں ۔ آئی ایم ڈی موسم کے بارے میں معلومات اور انتباہی خدمات فراہم کرکے اہم کردار ادا کرتا ہے ۔ اس کے بعد ، مقامی حکومت کے اداروں اور متعلقہ این جی اوز کے مختلف اسٹیک ہولڈرز کے ذریعے اقدامات کیے جاتے ہیں ۔ آئی ایم ڈی موسم کے بارے میں معلومات کے لیے ایچ اے پیز کی سطح کی ترقی ، روزمرہ کے حالات کی نگرانی ،  سیزن  سےلے کر  ماہانہ پیمانے پر پیش گوئی ، بروقت تیاری کے لیے ابتدائی انتباہ اور تخفیف کے اقدامات کے نفاذ میں ضرورت پڑنے پر تمام  طرح کی مدد فراہم کرتا ہے ۔

یہ معلومات آج لوک سبھا میں سائنس اور ٹیکنالوجی ، ارضیاتی سائنس کے مرکزی وزیر مملکت (آزادانہ چارج) ، وزیر اعظم کے دفتر کے وزیر مملکت ، عملہ ، عوامی شکایات اور پنشن کے وزیر مملکت ، ایٹمی توانائی کے محکمے اور خلا  کے محکمے کے وزیر مملکت ڈاکٹر جتیندر سنگھ نے  ایک تحریری جواب میں فراہم کی ۔

***********

 

ش ح۔م م ع۔ م ذ

 (UN. 4989)

(Release ID: 2158552)