ارضیاتی سائنس کی وزارت (ایم او ای ایس) نے گرام پنچایت سطح کی موسم کی پیش گوئی (جی پی ایل ڈبلیو ایف) پہل شروع کی ہے ۔ ہندوستان کے محکمہ موسمیات (آئی ایم ڈی) نے پنچایتی راج کی وزارت (ایم او پی آر) کے تعاون سے 24 اکتوبر 2024 کو ملک بھر کی تقریبا تمام گرام پنچایتوں کے لیے جی پی ایل ڈبلیو ایف  پہل کا آغاز کیا ہے۔
اس وقت دادرا نگر حویلی سمیت ملک بھر میں مقامی موسمی حالات کی نگرانی مختلف آلات بشمول سیٹلائٹ (انسیٹ-3 ڈی آر اور 3 ڈی ایس) ریڈار ، ریڈیو سندیس ، آٹومیٹک ویدر اسٹیشن (اے ڈبلیو ایس) وغیرہ کے ذریعے کی جاتی ہے ۔

مقامی موسمی حالات کی نگرانی کرنا ایک مشکل کام ہے ۔ تاہم ، حالیہ برسوں میں ملک میں ریڈار سمیت موسم کی نگرانی کے نیٹ ورک میں بہتری کے ساتھ ساتھ مقامی موسم کی نگرانی اور ابتدائی انتباہ میں کافی بہتری آئی ہے ۔ آنے والے سالوں میں ریڈار نیٹ ورک اور  نگرانی کے  دیگر نیٹ ورک میں اضافے کے ساتھ ساتھ  مقامی موسمی حالات ، خاص طور پر شدید موسمی حالات کی نگرانی اور اس سے متعلق  ابتدائی انتباہ میں مزید بہتری آئے گی ۔

فی الحال ، ڈی ڈبلیو آر کوریج ملک کے ایک بڑے حصے (ملک کے کل رقبے کا تقریبا 87 فیصد) کے لیے دستیاب ہے ۔ آنے والے سالوں میں ضرورت کے مطابق مزید ریڈار قائم کیے جائیں گے تاکہ باقی  بچ جانے والے علاقوں کا احاطہ کیا جا سکے اور  اس سے متعلق معلومات فراہم کی جاسکے۔

گرام پنچایت کی سطح پر موسم کی پیش گوئی ڈیجیٹل پلیٹ فارم جیسے ای-گرام سوراج (https://egramswaraj.gov.in/) میری پنچایت ایپ ، ایم او پی آر کی ای-منچترا ، اور آئی ایم ڈی کے موسم گرام (https://mausamgram.imd.gov.in/)پر دستیاب ہے  اور یہ قابل رسائی ہے۔ جی پی ایل ڈبلیو ایف کا بنیادی مقصد گرام پنچایت کی سطح تک موسم کی پیش گوئی فراہم کرنا ہے ، جس میں درجہ حرارت ، بارش ، نمی ، ہوا اور بادل کے حالات جیسے اہم پیرامیٹرز کا احاطہ کیا جاتا ہے۔ ضروری اعداد و شمار ہے  جو کسانوں کو بوائی ، کٹائی اور آبپاشی کے حوالے سے باخبر   رہنے اورفیصلہ سازی کے لیے درکار ہوتے ہیں ۔ یہ پلیٹ فارم مدھیہ پردیش سمیت ملک بھر میں پنچایت کی سطح پر موسم کی پیش گوئی کی معلومات کو کسی بھی وقت اور کہیں بھی قابل رسائی بناتا ہے ۔ موسم کی یہ معلومات زراعت اور کسانوں کی وبہبود کی وزارت اور دیہی ترقی کی وزارت کے ساتھ ساتھ دیگر سیلف ہیلپ گروپوں  یعنی اپنی مدد آپ گروپوں (ایس ایچ جی) کے تحت پشو سخیوں اور کرشی سخیوں کے ذریعے بڑی تعداد میں لوگوں تک پہنچتی ہے۔  جی پی ایل ڈبلیو ایف کسانوں کو مقامی موسمی معلومات تک رسائی حاصل کرنے میں مدد کرتا ہے جو فی گھنٹہ 36 گھنٹے کی لیڈ پیریڈ تک ، 36 گھنٹے سے اگلے پانچ دن تک 3 گھنٹے ، اور اگلے 5 دن سے 10 دن تک ہر 6 گھنٹے تک دستیاب ہوتی ہے ۔

یہ معلومات آج لوک سبھا میں سائنس اور ٹیکنالوجی ، ارضیاتی سائنس کے مرکزی وزیر مملکت (آزادانہ چارج) ، وزیر اعظم کے دفتر کے وزیر مملکت ، عملہ ، عوامی شکایات اور پنشن کے وزیر مملکت ، ایٹمی توانائی کے محکمے اور خلا کے  محکمے کے وزیر مملکت ڈاکٹر جتیندر سنگھ نے ایک تحریری جواب میں فراہم کی ۔

************

ش ح۔م م ع۔ م ذ

 (UN. 4988)

(Release ID: 2158527)