سائنس اور ٹیکنالوجی ، ارضیاتی سائنسز کے مرکزی وزیر مملکت (آزادانہ چارج) ، وزیر اعظم کے دفتر کے وزیر مملکت،عملہ ، عوامی شکایات اور پنشن ، نیزایٹمی توانائی کے محکمے اور خلائی محکمے کے وزیر مملکت ڈاکٹر جتیندر سنگھ نے آج لوک سبھا میں ایکسوال کے تحریری جواب میں بتایا کہ  شری چترا ترونال انسٹی ٹیوٹ فار میڈیکل سائنسز اینڈ ٹیکنالوجی (ایس سی ٹی آئی ایم ایس ٹی) تروننت پورم میں مریضوں کے علاج کو متاثر کرنے والے نیورو اور پیری فیرل انٹروینشنل طریقہ کار کے لیے آلات کی فراہمی میں کوئی کمی نہیں ہے ۔

ایس سی ٹی آئی ایم ایس ٹی کے پاس اکتوبر ، 2025 ء تک نیورو اور پیری فیرل انٹروینشنل طریقہ کار کے لیے اشیاء کی خریداری کے لیے قیمت کا کنٹریکٹ ٹینڈر ہے ۔تین کلیدی سپلائرز نے قیمتوں میں اضافے کی ضرورت کا حوالہ دیتے ہوئے جولائی ، 2025 ء کے بعد آلات کی فراہمی سے انکار کر دیا ۔ مئی،  2025 ء میں ، ایس سی ٹی آئی ایم ایس ٹی کے امیجنگ سائنسز اینڈ انٹروینشنل ریڈیولوجی (آئی ایس اینڈ آئی آر) کےشعبے نے سرکاری ایجنسی امرت فارمیسی کے ذریعے اشیاء کی خریداری کی سفارش کی ۔ اس طرح 10 جولائی ، 2025 ء کو ایچ ایل ایل لائف کیئر لمیٹڈ (ایچ ایل ایل) کے ساتھ ایک مفاہمت نامے پر دستخط کیے گئے تاکہ مریضوں کی دیکھ بھال پر اگر کوئی اثر پڑے تو اس سے بچنے کے لیے سرکاری خرید کی ایجنسی امرت فارمیسی کے ذریعے اشیاء کی خریداری کی جا سکے ۔

ایچ ایل ایل کے ساتھ موجودہ مفاہمت نامے کی قیمتیں قومی اداروں جیسے ایمس ، پی جی آئی ایم ای آر وغیرہ کے برابر ہیں اور اس میں قیمتوں میں کمی کی شق شامل ہے ، جو اس بات کو یقینی بناتی ہے کہ ایس سی ٹی آئی ایم ایس ٹی کو ایچ ایل ایل کی طرف سے دوسری جگہوں پر اسی اشیاء کے لیےادا کی جانے والی سب سے کم قیمتوں کا فائدہ ہو ، اوراس طرح نیورو اور انٹرونشنل ریڈیولوجی کے طریقہ کار میں لاگت میں اضافے کو روکا جا سکے ۔

ایچ ایل ایل کے ساتھ مفاہمت نامہ، سرکاری خریداری ایجنسی، امرت فارمیسی کے ذریعے آلات اور استعمال کی اشیاء کی بلارکاوٹ فراہمی کو یقینی بنائے گا ۔ حکومت ہند کے ذریعہ مقرر کردہ اصولوں کے مطابق گورنمنٹ ای مارکیٹ پلیس (جی ای ایم) کے ذریعے خریداری کے عمل کو ہموار کرنے کے لیے بھی مسلسل کوششیں کی جا رہی ہیں ۔قومی سطح کے اس اہم ادارے میں سپلائی میں رکاوٹوں سے بچنے کے لیے ، قیمت سے متعلق معاہدوں ، اے ایم آر آئی ٹی فارمیسیز یا جی ای ایم پورٹل کے ذریعےسامان کی خریداری کے لیے استحکام فراہم کیاجاتا ہے ۔

*******

U.No. 4986

(ش ح۔  م ع  ۔ ع ا)

(Release ID: 2158507)