الیکٹرانکس اور اطلاعاتی ٹیکنالوجی کی وزارت (ایم ای آئی ٹی وائی) اپنے ڈیجیٹل انڈیا ویژن منصوبوں کے تحت ڈیجیٹل گورننس میں اپنی صلاحیت سازی کے اقدامات کو نافذ کرتی ہے ۔ اس کے ایک حصے کے طور پر ، ملک بھر میں مرکزی اور ریاستی حکومتوں کے عہدیداروں کے لیے نیشنل ای-گورننس ڈویژن (این ای جی ڈی) ایم ای آئی ٹی وائی کے ذریعے 11 سے 14 اگست 2025 تک انڈین انسٹی ٹیوٹ آف مینجمنٹ ، احمد آباد میں ’ ادارہ اور معیشت کی ڈیجیٹل تبدیلی‘پر 4 روزہ تربیتی پروگرام کا انعقاد کیا گیا ۔ آندھرا پردیش ، بہار ، نئی دہلی ، لکشدیپ ، مدھیہ پردیش ، پڈوچیری ، راجستھان ، تلنگانہ ، اتر پردیش اور مغربی بنگال سمیت مختلف مرکزی وزارتوں اور ریاستوں/مرکز کے زیر انتظام علاقوں کے کل 27 افسران نے اس پروگرام میں حصہ لیا۔

پروگرام کا افتتاح 11 اگست 2025 کو این ای جی ڈی ، ایم ای آئی ٹی وائی کے سی او او اور ڈائریکٹر جناب رجنیش کمار نے کیا ۔ جناب کمار نے ڈی پی آئی-شناخت ، ادائیگیوں اور ڈیٹا کے تبادلے سے چلنے والے ہندوستان کے اہم ڈیجیٹل سفر پر روشنی ڈالی اور شہریوں پر مرکوز خدمات کی فراہمی پر زور دیا ۔ انہوں نے ڈیجیٹل تبدیلی کے مستقبل کی تشکیل کے لیے کیس اسٹڈیز ، پالیسی فریم ورک اور اثرات کی تشخیص پر زور دیا ۔

یہ پروگرام سرکاری اہلکاروں کو ڈیجیٹل معیشت کی جامع تفہیم سے آراستہ کرنے کے لیے ڈیزائن کیا گیا ہے ، جس میں گورننس اور خدمات کی فراہمی میں ڈیجیٹل پبلک انفراسٹرکچر (ڈی پی آئی) اور مصنوعی ذہانت جیسی ڈیجیٹل ٹیکنالوجیز کے تبدیلی لانے والے کردار پر زور دیا گیا ہے ۔ موضوعاتی ماڈیولز اور انٹرایکٹو سیشنز کے ذریعے ، شرکاء ذمہ دار ڈیجیٹل تبدیلی ، ڈیٹا پر مبنی فیصلہ سازی ، جامع خدمات کی فراہمی اور ابھرتی ہوئی ٹیکنالوجیز کی اسٹریٹجک قدر سمیت کلیدی شعبوں کو  دریافت کر سکتے ہیں ۔ یہ نصاب ،صحت ، حکمرانی اور اس کے علاوہ دیگر  شعبوں میں اختراعی سوچ اور عملی اطلاق کو فروغ دینے کے لیے لیکچرز ، کیس اسٹڈیز اور عملی سرگرمیوں کا ایک امتزاج ہے ۔

ڈیجیٹل انڈیا پروگرام کے تحت صلاحیت سازی اسکیم کا مقصد تمام سرکاری سطحوں پر مناسب اور متعلقہ  صلاحیتوں کوتیار کرنا اور ای-گورننس پروجیکٹوں کے تصور ، قیادت ، ڈیزائن اور ان پر عمل درآمد کے لیے ضرورت پر مبنی تربیت فراہم کرنا ہے ۔ بڑی تعداد میں سرکاری اہلکاروں تک پہنچنے اور انہیں متعلقہ مہارتوں کی تربیت دینے کی بھرپور کوششیں کی گئی ہیں ۔

* * * *

)ش ح –     ع  ح      -  م ذ(

UN.4701

(Release ID: 2156366)