ಕೇಂದ್ರ ಬೃಹತ್ ಕೈಗಾರಿಕಾ ಸಚಿವರಾದ ಶ್ರೀ ಹೆಚ್.ಡಿ. ಕುಮಾರಸ್ವಾಮಿ ಅವರು ನವೀನ ವಾಹನ ಬೆಳವಣಿಗೆಯಲ್ಲಿ ಪಿಎಂ ಎಲೆಕ್ಟ್ರಿಕ್ ಡ್ರೈವ್ ಕ್ರಾಂತಿ (PM E-DRIVE) ಯೋಜನೆಯ ಅವಧಿಯನ್ನು ಎರಡು ವರ್ಷದಿಂದ ನಾಲ್ಕು ವರ್ಷಗಳಿಗೆ ವಿಸ್ತರಿಸಲಾಗಿದೆ ಎಂದು ತಿಳಿಸಿದರು. ಮೊದಲು ಸೆಪ್ಟೆಂಬರ್ 29, 2024 ರಂದು ಎರಡು ವರ್ಷಗಳ ಅವಧಿಗೆ ₹10,900 ಕೋಟಿ ವೆಚ್ಚದೊಂದಿಗೆ ಅಧಿಸೂಚನೆ ಹೊರಡಿಸಲಾಗಿತ್ತು, ಆದರೆ ಈಗ ಈ ಯೋಜನೆಯನ್ನು ಅದೇ ವೆಚ್ಚದೊಳಗೆ ಮಾರ್ಚ್ 31, 2028 ರವರೆಗೆ ಕಾರ್ಯಗತಗೊಳಿಸಲಾಗುತ್ತದೆ.  ಆದರೂ, ನೋಂದಾಯಿತ ಇ-2ಡಬ್ಲ್ಯೂ, ನೋಂದಾಯಿತ ಇ-ರಿಕ್ಷಾಗಳು ಮತ್ತು ಇ-ಕಾರ್ಟ್ಗಳು ಮತ್ತು ನೋಂದಾಯಿತ ಇ-3ಡಬ್ಲ್ಯೂ (ಎಲ್ 5) ಗಳ   ಮುಕ್ತಾಯದ ದಿನಾಂಕ ಮಾರ್ಚ್ 31, 2026 ರಲ್ಲಿ ಬದಲಾವಣೆ ಇಲ್ಲ.

ನಮ್ಮ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ದೂರದೃಷ್ಟಿಯ ನಾಯಕತ್ವದಲ್ಲಿ, ದೇಶವು ಭಾರತದಲ್ಲಿ ಇ-ಚಲನಶೀಲತೆಯನ್ನು ವೇಗಗೊಳಿಸುವತ್ತ ತ್ವರಿತ ಹೆಜ್ಜೆ ಇಡುತ್ತಿದೆ ಎಂದು ಸಚಿವರು ಹೇಳಿದರು. ಪಿಎಂ ಇ-ಡ್ರೈವ್ ಯೋಜನೆಯು ತನ್ನ ಹಂತ ಹಂತವಾದ ಉತ್ಪಾದನಾ ಕಾರ್ಯಕ್ರಮದ ಮೂಲಕ ಮೇಕ್ ಇನ್ ಇಂಡಿಯಾವನ್ನು ಸಕ್ರಿಯಗೊಳಿಸುತ್ತದೆ ಎಂದು ಹೇಳಿದರು.

ಪಿಎಂ ಇ-ಡ್ರೈವ್ ಯೋಜನೆಯು ವಿದ್ಯುತ್ ವಾಹನಗಳ (ಇವಿ) ಅಳವಡಿಕೆಯನ್ನು ವೇಗಗೊಳಿಸಲು, ಬಲವಾದ ಚಾರ್ಜಿಂಗ್ ಮೂಲಸೌಕರ್ಯವನ್ನು ಸ್ಥಾಪಿಸಲು ಮತ್ತು ದೇಶದಲ್ಲಿ ಇವಿ ಉತ್ಪಾದನಾ ಪರಿಸರ ವ್ಯವಸ್ಥೆಯನ್ನು ಬಲಪಡಿಸುವ ಗುರಿಯನ್ನು ಹೊಂದಿದೆ. ಇ-ಟ್ರಕ್ಗಳು, ಇ-ಬಸ್ಗಳು ಮತ್ತು ಪರೀಕ್ಷಿಸುವ ಏಜೆನ್ಸಿಗಳಿಗೆ ಅವುಗಳು ಎದುರಿಸುತ್ತಿರುವ ನಿರ್ದಿಷ್ಟ ಸವಾಲುಗಳಿಂದಾಗಿ 31 ಮಾರ್ಚ್ 2028 ರವರೆಗೆ ಈ ವಿಸ್ತರಣೆಯ ಅಗತ್ಯವಿದೆ. ಇ-ಟ್ರಕ್ಗಳ ಮಾರುಕಟ್ಟೆ ಇನ್ನೂ ಆರಂಭಿಕ ಹಂತದಲ್ಲಿದೆ. ಇದನ್ನು ಗಮನದಲ್ಲಿಟ್ಟುಕೊಂಡು, ಪೂರ್ಣ ಪ್ರಮಾಣದ ವಾಣಿಜ್ಯ ಉತ್ಪಾದನೆಯು ಇನ್ನೂ ಸ್ವಲ್ಪ ಹೆಚ್ಚು ಸಮಯ ತೆಗೆದುಕೊಳ್ಳುವ ಸಾಧ್ಯತೆಯಿದೆ. ಅದೇ ರೀತಿ, 14,028 ಘಟಕಗಳನ್ನು ನಿಯೋಜಿಸಲು ₹4,391 ಕೋಟಿ ಹಂಚಿಕೆಯಿಂದ ಬೆಂಬಲಿತವಾದ ಇ-ಬಸ್ಗಳಿಗೆ ಮಾರ್ಚ್ 2026 ರಿಂದ ಪ್ರಾರಂಭವಾಗುವ ಆಯ್ಕೆಯ ನಂತರದ ಪ್ರಕ್ರಿಯೆಯ ಅಗತ್ಯವಿರುತ್ತದೆ, ಅನುದಾನ ವಿತರಣೆಯನ್ನು 18 ತಿಂಗಳುಗಳಲ್ಲಿ ಮೈಲಿಗಲ್ಲುಗಳಿಗೆ ಹೊಂದಿಸಲಾಗಿದೆ, ಇದು ಹೆಚ್ಚುವರಿ ಸಮಯದ ಅಗತ್ಯವನ್ನು ಬೇಡುತ್ತದೆ. ಅಲ್ಲದೆ, ಪರೀಕ್ಷಿಸುವ  ಏಜೆನ್ಸಿಯ ಉಪಕರಣಗಳ ಖರೀದಿಗೆ ಈ ವಿಭಾಗಗಳಲ್ಲಿ ಗುಣಮಟ್ಟ ಮತ್ತು ಸುರಕ್ಷತಾ ಮಾನದಂಡಗಳನ್ನು ಕಾಪಾಡಿಕೊಳ್ಳಲು ಟೆಂಡರ್, ಮೌಲ್ಯಮಾಪನ, ಸಂಗ್ರಹಣೆ ಮತ್ತು ಕಾರ್ಯಾರಂಭಕ್ಕೆ ಹೆಚ್ಚಿನ ಸಮಯ ಬೇಕಾಗುತ್ತದೆ.

ಇದು ಸೀಮಿತ-ನಿಧಿಯ ಯೋಜನೆಯಾಗಿದೆ. ಒಟ್ಟು ಪಾವತಿಯನ್ನು ₹10,900 ಕೋಟಿಗಳ ಮಂಜೂರಾದ ವೆಚ್ಚಕ್ಕೆ ಸೀಮಿತಗೊಳಿಸಲಾಗಿದೆ. ಯೋಜನೆ ಅಥವಾ ಅದರ ಉಪ-ಘಟಕಗಳಿಗೆ ನಿಧಿಯು 31 ಮಾರ್ಚ್ 2028 ರ ಮುಕ್ತಾಯದ  ದಿನಾಂಕದ ಮೊದಲು ಖಾಲಿಯಾದರೆ, ಯೋಜನೆ ಅಥವಾ ಅದರ ಸಂಬಂಧಿತ ಉಪ-ಘಟಕಗಳನ್ನು ಮುಚ್ಚಲಾಗುತ್ತದೆ ಮತ್ತು ಯಾವುದೇ ಹೆಚ್ಚಿನ ಬೇಡಿಕೆ (ಕ್ಲೇಮ್)ಗಳನ್ನು ಸ್ವೀಕರಿಸಲಾಗುವುದಿಲ್ಲ.

 

*****
 

(Release ID: 2154515)