ٹیکسٹائل کے وزیر مملکت جناب پابترا مارگریٹا نے آج راجیہ سبھا میں ایک سوال کے تحریری جواب میں بتایا کہ  وزیر اعظم جناب نریندر مودی نے 30 مارچ2025  کو اپنے 120 ویں من کی بات پروگرام میں ٹیکسٹائل  فضلے کے مسئلے پر خطاب کیا ۔  انہوں نے، خاص طور پر ٹیکسٹائل ریکوری سہولیات (ٹی آر ایف) پر کام کرنے والے مختلف اسٹارٹ اپس کے ذریعے ٹیکسٹائل فضلے کے انتظام کے لیے کی جانے والی کوششوں کا بھی ذکر کیا۔

ٹیکسٹائل کی وزارت نے غیر سرکاری تنظیموں ، اسٹارٹ اپس ، ٹیکنالوجی فراہم کرنے والوں اور غیر منظم شعبے سمیت ملک میں پیدا ہونے والے ٹیکسٹائل فضلے کی مقدار اور اس کے  ویلیو چین کا نقشہ بنانے کے لیے ایک مطالعہ شروع کیا ہے ۔

ٹیکسٹائل کی وزارت نے ایک ماحولیاتی ، سماجی ، گورننس (ای ایس جی) ٹاسک فورس بھی تشکیل دی ہے ، جو ایک کثیر فریقی پلیٹ فارم ہے ، جس کا مقصد ٹیکسٹائل ویلیو چین میں ہاٹ اسپاٹ اور متعلقہ شراکت داروں کی شناخت کرنا اور ماحولیاتی اور سماجی محاذ پر منفی اثرات کو کم کرنے کے لیے ضروری مداخلت کرنا ہے ۔

2024 میں اسٹارٹ اپ انڈیا اور ڈی پی آئی آئی ٹی کے تعاون سے ایک ٹیکسٹائل اسٹارٹ اپ گرینڈ چیلنج بھی منعقد کیا گی، جس میں شفافیت اور پتہ لگانے اور ٹیکسٹائل کے شروع سے آخر تک بند و بست پر توجہ دی گئی ۔  بھارت ٹیکس 2025 میں 9 اسٹارٹ اپس کو فاتح قرار دیا گیا اور انہیں ایوارڈ سے نوازا گیا ۔

ٹیکسٹائل فضلے کے انتظام کے لیے مختلف ترقیاتی ایجنسیوں کے تعاون سے متعدد آزمائشی پروجیکٹوں کو بھی سہولت فراہم کی جا رہی ہے،  جن میں ری سائیکل مصنوعات کو فروغ دینے  والے ٹی آر ایف (ایس) کا قیام ، ٹیکسٹائل کو بار بار استعمال کرنے سے متعلق ، متعلقہ فریقوں کی صلاحیت سازی وغیرہ شامل ہیں ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م ع۔ ق ر)

U. No.4360

(Release ID: 2154112)