تجارت، معیشت، سائنٹفک، تکنیکی اور ثقافتی باہمی تعاون پر بھارت – روس بین حکومتی کمیشن کے فریم ورکت کے تحت جدیدیت اور صنعتی تعاون کے موضوع پر بھارت – روس ورکنگ گروپ کا 11واں اجلاس آج نئی دہلی کے وانجیہ بھون میں منعقد ہوا۔

بھارت کی جانب سے اس اجلاس کی مشترکہ صدارت صنعت اور داخلی تجارت کے فروغ کے محکمے (ڈی پی آئی آئی ٹی) کے سکریٹری، تجارت و صنعت کی وزارت، جناب امردیپ سنگھ بھاٹیا نے کی، جبکہ روسی کی جانب سے اس اجلاس کی مشترکہ  صدارت روسی وفاق کے صنعت و تجارت کے نائب وزیر عزت مآب جناب الیگزی گروزدیف نے کی۔

میٹنگ میں 10ویں سیشن کے بعد سے ہونے والی پیش رفت کا جائزہ لیا گیا اور اہم شعبوں میں تعاون کو مضبوط کرنے کے لیے ایک پلیٹ فارم فراہم کیا۔ بات چیت میں جدیدیت، کان کنی، کھاد، اور ریلوے ٹرانسپورٹ کے ساتھ ساتھ تعاون کے ابھرتے ہوئے شعبوں پر ذیلی گروپوں کی تازہ کارییں شامل تھیں۔

اہم توجہ کے شعبوں میں ایک جدید ونڈ ٹنل کی سہولت کا قیام، چھوٹے طیاروں کے پسٹن انجنوں کی تیاری، اور کاربن فائبر ٹیکنالوجی میں مشترکہ ترقی، اضافی مینوفیکچرنگ، اور تھری ڈی  پرنٹنگ سمیت ایرو اسپیس سائنس اور ٹیکنالوجی میں تعاون شامل ہے۔ طرفین نے ریئر ارتھ اور اہم معدنیات نکالنے، زیر زمین کوئلہ گیسیفیکیشن، اور جدید صنعتی انفراسٹرکچر کی تخلیق کے مواقع بھی تلاش کیے۔

طرفین نے ایلومینیم، کھاد، اور ریلوے ٹرانسپورٹ کے ساتھ ساتھ کان کنی کے شعبے کے آلات، تلاش، اور صنعتی اور گھریلو فضلہ کے انتظام میں صلاحیت سازی اور ٹیکنالوجی کی منتقلی میں بڑھی ہوئی مصروفیت کا خیرمقدم کیا۔

میٹنگ کا اختتام دونوں شریک چیئرمینوں کے 11ویں اجلاس کے پروٹوکول پر دستخط کے ساتھ ہوا، جس میں بھارت-روس کی اسٹریٹجک شراکت داری اور صنعتی اور اقتصادی تعاون کو گہرا کرنے کے مشترکہ عزم کا اعادہ کیا گیا۔

سیشن میں 80 کے قریب مندوبین نے شرکت کی جس میں سینئر سرکاری حکام، شعبے کے ماہرین، اور صنعت کے نمائندوں سمیت دونوں طرف کی نمائندگی شامل تھی۔

**********

 

 (ش ح –ا ب ن)

U.No:4209

(Release ID: 2153281)