بھارت سی آئی ایس او کے کانکلیو اور بھارت سائبرسیکیوریٹی اسٹارٹ اپ نمائش، بھارت نیشنل سائبرسیکیوریٹی ایکسرسائز (بھارت این سی ایکس) 2025 کے لازمی اجزاء، کا آج نئی دہلی میں کامیابی کے ساتھ افتتاح کیا گیا۔ قومی سلامتی کونسل سکریٹریٹ کے ذریعہ راشٹریہ رکھشا یونیورسٹی کے تعاون سے منعقد کئے گئے، یہ تقریبات سائبر سیکورٹی لچک کو بڑھانے، اختراع کو فروغ دینے، اور ہمارے سائبر اسپیس کو محفوظ بنانے کے لئے کراس سیکٹر تعاون کو فروغ دینے کے ہندوستان کے عزم کی تصدیق کرتے ہیں۔

سی آئی ایس او کے کنکلیو نے ملک کے سائبر سیکیورٹی فریم ورک کو مضبوط بنانے پر توجہ مرکوز کرنے والے اسٹریٹجک بات چیت اور علم کے تبادلے کی سہولت فراہم کی۔ کلیدی سیشنز میں’جیو پولیٹیکل تناؤ کے دور میں سائبرسیکیوریٹی‘ پر پینل ڈسکشنز شامل تھے، جو عالمی حرکیات کے درمیان ابھرتے ہوئے چیلنجوں سے نمٹتے ہیں، اورافراتفری سے کنٹرول تک: ایک مؤثر واقعہ رسپانس فریم ورک کی تعمیر، جس میں واقعہ کے انتظام اور تنظیمی لچک کے لیے بہترین طریقوں پر زور دیا گیا تھا۔ ان مباحثوں نےسی آئی ایس او اور سائبرسیکیوریٹی لیڈروں کے لیے خطرے کے پیچیدہ مناظر سے نمٹنےاور وقوعہ کی تیاری کو مضبوط بنانے کے بارے میں قیمتی بصیرت فراہم کی۔

اپنے کلیدی خطاب میں، انڈین کمپیوٹر ایمرجنسی رسپانس ٹیم کے ڈائریکٹر جنرل، ڈاکٹر سنجے بہل نے سائبر خطرات کی بڑھتی ہوئی پیچیدگی پر روشنی ڈالی اوربھارت کے ڈیجیٹل انفراسٹرکچر کی حفاظت کے لیے فعال، تعاون پر مبنی اور ٹیکنالوجی پر مبنی نقطہ نظر کی ضرورت پر زور دیا۔ انہوں نے ایک لچکدار قومی سائبر سیکیورٹی پوزیشن بنانے کے لیے جدید ٹیکنالوجیز کو مربوط کرنے اور کثیر حصہ داروں کے تعاون کو فروغ دینے کی اہمیت پر زور دیا۔

ساتھ ہی، بھارت سائبرسیکیوریٹی اسٹارٹ اپ نمائش نےبھارت کے متحرک اسٹارٹ اپ ایکو سسٹم کے اختراعی حلوں کی نمائش کی، بشمول ڈیجیٹل فرانزک اینڈ انسیڈینٹس ریسپانس ، سیکیورٹی آپریشن سینٹر ، لچک کی پختگی کی تشخیص، صنعتی کنٹرول سسٹمز میں سیکیورٹی اورمصنوعی ذہانت میں ترقی، سائبرسیکیوریٹی نمائش نے مقامی اختراعات کے ذریعے جدید ترین سائبر خطرات سے نمٹنے کے لیے بھارت کی بڑھتی ہوئی صلاحیتوں پر روشنی ڈالی، جو کہ جدید سائبر سیکیورٹی ٹیکنالوجیز کے مرکز کے طور پر ملک کی بڑھتی ہوئی پوزیشن کی عکاسی کرتی ہے۔

***

 

(ش ح۔اص)

UR No 3648

 

(Release ID: 2150393)