اسٹیل کے وزیر مملکت جناب بھوپتی راجو سرینواس ورما نے آج لوک سبھا میں ایک سوال کے تحریری جواب میں بتایا کہ گرین اسٹیل ٹیکسونومی کے مقاصد ' ماحولیات کے لئے ساز گار اسٹیل' کی وضاحت کرنا اور اسٹیل کی صنعتوں کو ماحولیات کے لئے ساز گار اسٹیل تیار کرنے کی ترغیب دینے کے لیے ایک فریم ورک تیار کرنا ہے ، جس میں توانائی کی بچت والی ٹیکنالوجی اور غیر روایتی ایندھن ، مثال کے طور پر قابل تجدید توانائی وغیرہ کو اپنایا جائے ۔   اسے مختلف شراکت داروں  کے ساتھ متعدد مشاورت اور غور و فکر کے بعد حتمی شکل دی گئی ہے۔  گرین اسٹیل سرٹیفکیٹ ان پلانٹس کو جاری کیے جائیں گے،  جو گرین اسٹیل کی درجہ بندی کے مطابق کاربن کے اخراج کی شدت کی سطح پر پورا اترتے ہوں۔  نیشنل انسٹی ٹیوٹ آف سیکنڈری اسٹیل ٹیکنالوجی (این آئی ایس ایس ٹی) اسٹیل کی وزارت کے تحت ایک تربیتی ادارہ ہے ، جو پیمائش ، رپورٹنگ اور تصدیق (ایم آر وی) کے ساتھ ساتھ اسٹیل کے لیے گرین اسٹیل سرٹیفکیٹ اور اسٹار ریٹنگ جاری کرنے کے لیے ایک نوڈل ایجنسی ہے ۔  اب تک لوہے اور اسٹیل کے 39  پروڈیوسرز  نے گرین اسٹیل سرٹیفکیٹ کے لیے درخواستیں جمع کی  ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م ع۔ ق ر)

U. No.3525

(Release ID: 2149868)