دیہی ترقیات کے وزیر مملکت ڈاکٹر چندر شیکھر پیماسانی نے آج لوک سبھا میں ایک سوال کے تحریری جواب میں  بتایا کہ دین دیال انتیودیہ یوجنا- دیہی روزی روٹی کا قومی مشن (ڈی اے وائی-این آر ایل ایم) وزارت دیہی ترقیات (ایم او آر ڈی) کا غربت کے خاتمے کا ایک پروگرام ہے ،جو جون 2011 میں شروع کیا گیا تھا ۔  اسے پورے ملک میں (دہلی اور چنڈی گڑھ کو چھوڑ کر) نافذ کیا جا رہا ہے ، جس کا مقصد دیہی غریب کنبوں کو اپنی مدد آپ گروپوں (ایس ایچ جی) میں منظم کرنا اور ان کی مسلسل دیکھ بھال اور مدد کرنا ہے، جب تک کہ وہ ایک مدت کے دوران آمدنی میں قابل ذکر اضافہ حاصل نہ کر لیں اور اپنے معیار زندگی کو بہتر نہ بنا لیں اور شدید غربت کی سطح سے باہر نہ نکل جائیں۔   ان اپنی مدد آپ گروپوں  کو مزید دیہی تنظیموں (وی او) میں ضم کیا  گیا ہے ۔

مالی سال 23-2022 سے جون 2025 تک ڈی اے وائی-این آر ایل ایم کے تحت 15.61 لاکھ اپنی مدد آپ گروپ اور 0.94 لاکھ گاؤں کی تنظیمیں  تشکیل دی گئی ہیں ۔

ڈی اے وائی-این آر ایل ایم دور دراز کے دیہی علاقوں میں جہاں لوگوں کو بینکنگ خدمات تک زیادہ رسائی حاصل نہیں ہے ، قطار میں کھڑے آخری شخص تک مالیاتی خدمات کی  فراہمی کر رہا ہے ، اپنی مدد آپ گروپ خواتین کو کاروباری رابطہ  کار  ایجنٹوں کے طور پر تعینات کرکے ، جسے بی سی سکھی کے نام سے بھی جانا جاتا ہے ، جس میں ڈپازٹ ، کریڈٹ ، ترسیلات زر ، پنشن اور اسکالرشپ کی تقسیم ، منریگا اجرت کی ادائیگی اور انشورنس اور پنشن اسکیموں کے تحت اندراج سمیت مالیاتی خدمات فراہم کی جاتی ہیں ۔

مالی سال 23-2022 سے جون 2025 تک ، اپنی مدد آپ گروپوں کی 65,949  خواتین اراکین کی شناخت کی گئی ہے ، انہیں تربیت دی گئی ہے اور انہیں کاروباری رابطہ  کار   ایجنٹوں / بی سی سکھیوں کے طور پر تعینات کیا گیا ہے ۔

ایک لکھپتی دیدی اپنی مدد آپ گروپ کا رکن ہے ، جس کی سالانہ گھریلو آمدنی کم از  کم  10،000 روپے کی اوسط ماہانہ آمدنی کے ساتھ لگ بھگ 4 زرعی موسم اور یا کاروباری چکر کے لیے کم از کم  1,00,000 (ایک لاکھ روپے)ہے ۔   جون 2025  تک ، اپنی مدد آپ گروپ کی 1.48 کروڑ خواتین ممبر لکھپتی دیدی بن چکی ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م ع۔ ق ر)

U. No.3518

(Release ID: 2149842)