بھارت میں اہم کلیدی ابتدائی مواد (کے ایس ایم) / ڈرگ انٹرمیڈیٹس (ڈی آئی) اور فعال فارماسیوٹیکل اجزاء (اے پی آئی) کی گھریلو مینوفیکچرنگ کو فروغ دینے کے لیے پیداوار سے منسلک ترغیباتی(پی ایل آئی) اسکیم کے تحت، 48 پروجیکٹوں کو منظوری دی گئی ہے۔ اسکیم کے تحت درخواست دہندگان/مستحقین کے حوالے سے تفصیلات ضمیمہ میں دی گئی ہیں۔

اس اسکیم کا مقصد اہم ادویات بنانے کے لیے استعمال ہونے والے اہم فعال فارماسیوٹیکل اجزاء (اے پی آئی) کی فراہمی میں رکاوٹ سے بچنا ہے جس کے لیے واحد ذریعہ پر ضرورت سے زیادہ انحصار کی وجہ سے سپلائی میں خلل کے خطرے کو کم کرکے کوئی متبادل نہیں ہے۔ پی ایل آئی اسکیم کے تحت پیداوار شروع ہونے سے پہلے اسکیم کے تحت مطلع شدہ اور منظور شدہ مصنوعات بنیادی طور پر درآمد کی جاتی تھیں۔ دسمبر 2024 تک، چھ سالوں کی مدت میں 3,938.5 کروڑ روپے کی سرمایہ کاری کے وعدے کے بالمقابل، اسکیم کے تحت 4,254 کروڑ روپے کی سرمایہ کاری پہلے ہی کی جا چکی ہے۔ اسکیم کے نتیجے میں، اسکیم کے آغاز سے لے کر دسمبر 2024 تک کی مدت میں 1,556 کروڑ روپے کی مجموعی فروخت کی اطلاع دی گئی ہے، جس میں 412 کروڑ روپے کی برآمدات شامل ہیں، اس طرح 1,144 کروڑ روپے کے بقدر کی درآمدات سے بچا گیا اور 25 شناخت شدہ کے ایس ایم / ڈی آئی / اے پی آئی کے لیے گھریلو مینوفیکچرنگ صلاحیت پیدا کی گئی۔

اسکیم کے آغاز کے وقت بیداری میں اضافہ کرنے اور اسکیم میں شرکت کی حوصلہ افزائی کے لیے کئی اقدامات کیے گئے اور اس کے تحت درخواستوں کی دعوت کے مختلف دور کیے گئے، جن میں درج ذیل نکات بھی شامل ہیں:

i انڈسٹری ایسوسی ایشنز اور ممکنہ درخواست دہندگان کے ساتھ ویبینرز اور اسٹیک ہولڈر مشاورتی اجلاسوں کا انعقاد؛

ii پریس ریلیز جاری کرنا، تفصیلی رہنما خطوط، اکثر پوچھے جانے والے سوالات (ایف اے کیو) کی شکل میں وضاحتیں اور اس کے جوابات اور سرکاری ویب سائٹس پر اسکیم کی اطلاعات؛

iii سوشل میڈیا مہمات کے ذریعے باقاعدہ رسائی؛

iv سکیم پورٹل کے ذریعے وقف ہیلپ ڈیسک سپورٹ اور استفسار کے حل کے طریقہ کار کی فراہمی؛ اور

v. پریس ریلیز کا اجراء اور سرکاری ویب سائٹس پر اس کی میزبانی کرنا۔

یہ اطلاع کیمیاوی اشیاء اور کھادوں کی مرکزی وزیر مملکت محترمہ انوپریہ پٹیل نے آج راجیہ سبھا میں ایک سوال کے تحریری جواب میں دی۔

ضمیمہ

**********

 (ش ح –ا ب ن)

U.No:3054

(Release ID: 2146994)