اسمارٹ نینو مٹیریل کا ایک نیا سینڈوچ اب نقصان دہ کیمیکلز بشمول دھماکہ خیز مواد جیسے ٹی این ٹی اور آر ڈی ایکس کا پتہ لگانے میں مدد کر سکتا ہے یہاں تک کہ ٹریس لیول پر بھی ۔   یہ ہوائی اڈے کی حفاظت اور ماحولیاتی آلودگی کی نگرانی جیسے شعبوں میں اہم کردار ادا کرسکتا ہے ۔

حالیہ برسوں میں ، ہماری روزمرہ کی زندگیوں کو متاثر کرنے والے نقصان دہ کیمیکلز کا پتہ لگانے کے لیے متعدد طریقے سامنے آئے ہیں ۔  ان میں ، سرفیس – ان ہانسڈرمن اسپیکٹروسکوپی (ایس ای آر ایس) اپنی غیر معمولی حساسیت اور معتبریت کے لیے نمایاں ہے ۔  ایس ای آر ایس کیمیکلز کے مالیکیولر "فنگر پرنٹ" سگنلز کو بہتر بنانے کی بنیاد پر کام کرتا ہے ، جس سے انتہائی کم ارتکاز پر بھی درست شناخت کی جاسکتی ہے ۔

سونے اور چاندی جیسی نوبل دھاتیں روایتی طور پر سگنل کو بڑھانے کے لیے اہم رہی ہیں ۔  تاہم ، سونے کی زیادہ قیمت اور چاندی کا ناقص طویل مدتی استحکام ان کی تجارتی عملداری میں اہم رکاوٹیں بنی ہوئی ہیں ۔

سائنس اور ٹیکنالوجی کے محکمے (ڈی ایس ٹی) کے تحت ایک خود مختار ادارہ سینٹر فار نینو اینڈ سافٹ میٹر سائنسز (سی ای این ایس) بنگلورو کے محققین نے شیشے کے سبسٹریٹ پر  ریڈیوسڈ گرافین آکسائیڈ (آر جی او) سلور نینو پارٹیکلز (اے جی) اور سیریم آکسائیڈ (سی ای او 2) کو ملا کر ایک جدید کثیر پرت والی نینو میٹریل تیار کی ہے ۔  ہر پرت ایک مخصوص فعل میں حصہ ڈالتی ہے ۔  ٹیم نے جسمانی بخارات جمع کرنے کی تکنیکوں کا استعمال کرتے ہوئے جامع مواد تیار کیا ، جس کے نتیجے میں ایک یکساں اور توسیع پذیر سینسنگ پلیٹ فارم بنا ۔

 

تصویر: آر جی او/اے جی/سی ای او 2 سبسٹریٹ طویل مدتی استحکام اور حساس دھماکہ خیز مواد کا پتہ لگانے کی متوازن کارکردگی پیش کرتا ہے ، جو اے جی پر مبنی پلازمونک ان ہانسمینٹ اور سی ای او 2  میڈی ایٹڈ چارج ٹرانسفر کے درمیان ہم آہنگی سے چلتا ہے ۔

اگرچہ چاندی کے نینو پارٹیکلز رمن سگنلز کو بڑھانے میں بہترین ہوتے ہیں ، لیکن وہ آکسیڈیشن کا بہت زیادہ شکار ہوتے ہیں ، خاص طور پر مرطوب یا گرم حالات میں، جو وقت کے ساتھ ساتھ ان کی تاثیر کو کم کر دیتے ہیں ۔  سیریم آکسائڈ کی پتلی پرت کی کوٹنگ سے دو اہم فوائد حاصل ہوتے ہیں ۔  یہ میٹریل اور اینالیٹ کے درمیان چارج کی منتقلی کو بڑھاتا ہے ، اینالیٹ مالیکیول کا فنگر پرنٹ رمن سگنل کو مزید فروغ دیتا ہے اور حفاظتی رکاوٹ کے طور پر بھی کام کرتا ہے ، چاندی کو نمی اور درجہ حرارت سے پیدا ہونے والے انحطاط سے بچاتا ہے اور طویل مدتی استحکام کو یقینی بناتا ہے ۔

ماحولیاتی چیمبر ٹیسٹ سے پتہ چلتا ہے کہ سبسٹریٹ نے انتہائی حالات یعنی 90 فیصد نمی اور 70 ڈگری سیلسیس میں بھی اپنی اعلی کارکردگی کو برقرار رکھا جو اس کے غیر معمولی استحکام اور معتبریت کو ثابت کرتا ہے۔

دریں اثنا ، آر جی او پرت ایک اہم کردار ادا کرتی ہے ، جو چاندی کے نینو پارٹیکلز سے خارج ہونے والے زبردست فلوروسینس کو مؤثر طریقے سے بجھاتی ہے ، جو بصورت دیگر اینالائٹ کے الگ رمن فنگر پرنٹس کو ختم کر دیتی ہے ۔  یہ کلیور سپریشن اس بات کو یقینی بناتا ہے کہ حقیقی ڈیٹیکشن سگنلز وضاحت اور درستگی کے ساتھ چمکیں ۔

محققین نے ماڈل اینالائٹ کے طور پر 4-مرکیپٹوبینزوئک ایسڈ (ایم بی اے) کا استعمال کرتے ہوئے میٹریل کی اعلی کارکردگی کا مظاہرہ کیا ، جس سے ڈیٹیکشن  کی حد 10 این ایم تک کم ہو گئی ۔  زیادہ متاثر کن طور پر ، سبسٹریٹ نے نینوملر ارتکاز پر ٹی این ٹی اور آر ڈی ایکس سمیت دھماکہ خیز مواد کی ایک وسیع رینج کا پتہ لگانے کی صلاحیت کا مظاہرہ کیا ، جس سے ٹریس - لیول کے آلودگیوں کا پتہ لگانے کی اس کی وسیع صلاحیت کو اجاگر کیا گیا ۔

اس کی بہترین حساسیت ، استحکام اور سادہ فیبریکشن پروسس کے ساتھ ، یہ جدید ایس ای آر ایس سبسٹریٹ حقیقی دنیا کی ایپلی کیشنز جیسے ہوائی اڈے کی حفاظت اور ماحولیاتی آلودگی کی نگرانی کے لیے موثر طریقے سے کام کرنے کی صلاحیت رکھتا ہے،  جہاں کیمیکلز کا تیزی سے اور درست طریقے سے پتہ لگانے سے بڑا  فرق پڑ سکتا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح – م م۔ ق ر)

U. No.3029

(Release ID: 2146828) Visitor Counter : 4