मुंबई, 15 जुलै 2025

 

भारतातील सर्वात मोठी एकात्मिक ऊर्जा कंपनी नॅशनल थर्मल पॉवर कॉर्पोरेशन (एनटीपीसी) लिमिटेड आणि गोवा सरकारचा वीज विभाग (ईडी-गोवा) यांच्यात आज वीज खरेदी करार (पीपीए) झाला.

छत्तीसगडमधील बिलासपूर जिल्ह्यात असलेल्या सिपत स्टेज-III मधून वीज वाटपासाठी गोवा वीज विभागाच्या कार्यालयात हा करार करण्यात आला. एनटीपीसी डब्ल्यूआर-आय मुख्यालयाचे महाव्यवस्थापक (वाणिज्यिक) पी. आर. जेना आणि गोवा वीज विभागाचे मुख्य विद्युत अभियंता स्टीफन फर्नांडिस यांनी करारावर स्वाक्षरी केली.

गोव्याच्या वीज पायाभूत सुविधांना बळकटी देण्यासाठी आणि राज्याला दीर्घकालीन, खात्रीलायकपणे वीज पुरवठा करण्यासाठी हा करार एक महत्त्वाचा टप्पा आहे. शाश्वत आणि खात्रीशीर वीज निर्मितीद्वारे भारताच्या ऊर्जेच्या गरजा पूर्ण करण्यासाठी एनटीपीसीची दृढ वचनबद्धता याचे हा करार एक द्योतक आहे. विकासासह, कार्यक्षमता, जबाबदारी आणि नाविन्यपूर्णतेने राष्ट्राला वीजपुरवठा करण्याच्या दिशेने एनटीपीसी वाटचाल करत आहे.

 

* * *

पीआयबी मुंबई | शैलेश पाटील/प्रज्ञा जांभेकर/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(रिलीज़ आईडी: 2145407) आगंतुक पटल : 14