'نیشنل ایکشن فار میکینائزڈ سینیٹیشن ایکو سسٹم (نمستے) ڈے کے موقع پر، سماجی انصاف اورتفویض اختیارات کے مرکزی وزیر مملکت جناب بی ایل و رما نے آج لکھنؤ میں کچرا چننے والوں کے لیے ہیلپ لائن 14473 کا افتتاح کیا اور سیور اینڈ سیپٹک ٹینک ورکرز(ایس ایس ڈبلیوز) اور کچرا چننے والوں کو پی پی ای کٹس اورکٹس اور آیوشمان کارڈ تقسیم کیے۔

پروگرام سے خطاب کرتے ہوئے جناب  ورما نے کہا کہ وزیر اعظم جناب نریندر مودی نے ان لوگوں کی عزت اور احترام کیا ہے جن کی پرواہ نہیں کی گئی۔ انہوں نے کہا کہ 2014 میں بابائے قوم مہاتما گاندھی کے یوم پیدائش کے موقع پر وزیر اعظم نے ملک میں سوچھ بھارت ابھیان کا آغاز کیا تھا۔ اس مہم کے بعد سے ملک کی تصویر یکسر بدل گئی ہے۔ وزیر موصوف نے کہا کہ صفائی صرف حکومت کی ذمہ داری نہیں ہے، یہ معاشرے کی اجتماعی ذمہ داری ہے۔ انہوں نے کہا کہ حکومت نمستے اسکیم کے ذریعےہاتھوں سے صفائی کے عمل کو روکنے، انسانی رابطے کے بغیر جدید ٹیکنالوجی کا استعمال کرتے ہوئے صفائی ستھرائی کے کام اور صفائی کارکنوں کے تحفظ اور احترام کو یقینی بنانے کے لیے مسلسل کام کر رہی ہے۔

جناب  ورما نے مزید کہا کہ نمستے یوجنا صرف ایک اسکیم نہیں ہے بلکہ ایک قرارداد ہے جس کے تحت ملک بھر میں گٹروں اور سیپٹک ٹینکوں میں کام کرنے والے مزدوروں کی زندگیوں کو محفوظ اور باوقار بنانے کے لیے ٹھوس اقدامات کیے گئے ہیں۔ انہوں نے بتایا کہ اس اسکیم کے تحت اب تک 85,067 سیور سیپٹک ٹینک کارکنوں کی پروفائلنگ کی جاچکی ہے اور 45,871 سیور ایس ایس ڈبلیو کو پی پی ای کٹس فراہم کی گئی ہیں، جبکہ 40,166 کارکنوں کو آیوشمان کارڈ فراہم کیے گئے ہیں۔ وزیر نے کہا کہ وزیر اعظم مودی نے خود کابینہ میں یہ پیغام دیا تھا کہ ہم سب کی ذمہ داری ہے کہ ہم نہ صرف اپنے گھروں کو بلکہ اپنے دفاتر کو بھی صاف رکھیں۔ انہوں نے کہا کہ اس کے نتیجے میں جب حکومت ہند کی وزارتوں نے اپنے پرانے کباڑ کو صاف کیا اور اسے پہلی بار نیلام کیا تو اسسے 61 کروڑ روپے موصول ہوئے۔

اس پروگرام میںایس ایس ڈبلیوز کی پیشہ ورانہ حفاظت کی تربیت کے لیے ایک اے آر ؍وی آرٹریننگ ماڈیول شروع کیا گیا اور نمستے سکیم کے تحت پی پی ای کٹس کی اہمیت اور افادیت کو سمجھانے کے لیے ایک فیشن شو کا بھی اہتمام کیا گیا۔ اس موقع پر، لکھنؤ میں کل 933 اور 1563 کچرا چننے والوں کی پروفائلنگ میں تصدیق کی گئی ہے، جن میں سے 20 ایس ایس ڈبلیو اور 20 کچرا چننے والوں کو علامتی طور پر پی پی ای کٹس اور 24 صفائی کارکنوں کو آیوشمان کارڈ دیے گئے۔ ایمرجنسی رسپانس سینی ٹیشن یونٹس کے لیے حفاظتی سامان بھی تقسیم کیا گیا۔

اس تقریب میں پسماندہ افراد کے لیے وقار کے لیے حکومت کی وابستگی کی تصدیق کی گئی، اس بات کو یقینی بناتے ہوئے کہ جو لوگ تاریخی طور پر کم خدمت یا نظر انداز کیے گئے ہیں، انھیں مناسب مدد فراہم کی جائے جس کے وہ مستحق ہیں۔ پسماندہ افراد کو ترجیح دینے کے لیے یہ لگن حکومت کے وکست بھارت کے وسیع تر وژن کی عکاسی کرتی ہے، جہاں ہر فرد کو بھارت کے ترقیاتی سفر میں اپنا حصہ ڈالنے اور اس سے فائدہ اٹھانے کا موقع ملتا ہے۔

اس موقع پر موجود معززین میں سماجی بہبود کے وزیر، اتر پردیش حکومت، جناب ارون عاصم، پسماندہ ذات کی ترقی اورپی ڈبلیو ڈیزکو بااختیار بنانے کے ریاستی وزیر، جناب نریندر کشیپ، سینئر مالیاتی مشیر، سماجی انصاف اور بااختیار بنانے کی مرکزی وزارت، محترمہ یوگیتا سوروپ، یو این ڈی پی کیبھارت میں نمائندہ محترمہ انجیلا لوسیگی، مرکز اور ریاستی حکومتوں کے دیگر سینئر افسران شامل تھے۔

نمستے اسکیم کا پس منظر

نیشنل ایکشن فار میکینائزڈ سینی ٹیشن ایکو سسٹم (نمستے) اسکیم حکومت کا ایک انسان پر مبنی نقطہ نظر ہے، جہاں کسی بھی صفائی ملازم کو اپنے ہاتھوں سے گٹر اور سیپٹک ٹینکوں کی صفائی کا مؤثر کام نہیں کرنا پڑتا ہے۔ اس اسکیم کو سماجی انصاف اور بااختیار بنانے کی مرکزی وزارتوں اور ہاؤسنگ اور شہری امور نے مشترکہ طور پر شروع کیا تھا۔ اس کا نفاذ نیشنل صفائی کرمچاری فنانس اینڈ ڈیولپمنٹ کارپوریشن (این ایس کے ایف ڈی سی) کے ذریعہ مالی سال 2023-24 سے 2025-26 تک تین سال کی مدت کے لئے کیا جا رہا ہے، جس میں 349.73 کروڑ روپے کا بجٹ مختص کیا گیا ہے۔

یہ سکیم سیور اور سیپٹک ٹینک ورکرز(ایس ایس ڈبلیوز) کے لیے بہت سے حقوق فراہم کرتی ہے۔ایس ایس ڈبلیوز کو ایک ڈیجیٹل ایپلیکیشن کے ذریعے پروفائل کیا جا رہا ہے اور پی پی ای کٹس، حفاظتی آلات تک رسائی، پیشہ ورانہ حفاظت کی تربیت، صحت کی انشورنس کوریج اور حفظان صحت سے متعلق سبسڈی والی گاڑیوں؍مشینوں کے ذریعے صفائی کے شعبے میں روزی روٹی کے مواقع فراہم کیے جا رہے ہیں۔ ان کی حوصلہ افزائی کی جا رہی ہے کہ وہ مناسب صلاحیت کی تعمیر کے ذریعے اپنے صفائی کے منصوبے (سانی-پرینیورشپ) شروع کریں۔

***

(ش ح۔اص)

UR No2822

(Release ID: 2145363)