حکومت ہند(جی او آئی) نے (i) نئی سرکاری سیکوریٹیز 2040 کی فروخت (اجراء/ دوبارہ اجرا) کا اعلان16,000 کروڑ روپے(علامتی) کے لیے یِیلڈ پر مبنی نیلامی کے ذریعےکثیر قیمت طریقہ کار استعمال کرتے ہوئے کیا ہے اور(ii)6.90 فیصد سرکاری سیکوریٹیز 2065 کی فروخت16,000 کروڑروپے (علامتی) کے لیے قیمت پر مبنی نیلامی کے ذریعے کثیر قیمت طریقہ کار کے تحت کی جائے گی۔ حکومتِ ہند کے پاس ہر ایک مذکورہ سیکوریٹیز کے خلاف 2,000 کروڑروپے تک کی اضافی خریداری برقرار رکھنے کا اختیار ہوگا۔ یہ نیلامیاں ریزرو بینک آف انڈیا، ممبئی دفتر، فورٹ، ممبئی کی جانب سے 4 جولائی، 2025 (جمعہ) کو منعقد کی جائیں گی۔

سرکاری سیکوریٹیز کی فروخت کی مقررہ رقم کا 5؍فیصد تک حصہ اہل افراد اور اداروں کو حکومتی  سیکوریٹزکی نیلامی میں غیر مسابقتی بولی سہولت کی اسکیم" کے تحت الاٹ کیا جائے گا۔

نیلامی کے لیے مسابقتی اور غیر مسابقتی دونوں قسم کی بولیاں 4 جولائی، 2025 کو ریزرو بینک آف انڈیا کے کور بینکنگ سلوشن (ای-کوبر سسٹم) پر الیکٹرانک شکل میں جمع کرائی جانی چاہئیں۔ غیر مسابقتی بولیاں صبح 10:30 بجے سے 11:00 بجے کے درمیان جمع کرائی جائیں، جبکہ مسابقتی بولیاں صبح 10:30 بجے سے 11:30 بجے کے درمیان جمع کرائی جائیں۔

نیلامیوں کے نتائج کا اعلان 4 جولائی، 2025 (جمعہ) کوکیےجائیں گے اور کامیاب بولی دہندگان کو ادائیگی 7 جولائی، 2025 (پیر) کو کرنی ہوگی۔

یہ سیکوریٹیز ‘وین ایشوڈ’ ٹریڈنگ کے لیے اہل ہوں گے، جیسا کہ ریزرو بینک آف انڈیا کی جانب سے جاری کردہ سرکلر نمبر RBI/2018-19/25 مؤرخہ 24 جولائی، 2018 کے تحت مرکزی حکومت کے سیکوریٹیز میں‘وین ایشوڈ’ لین دین سے متعلق ہدایات میں وقتاً فوقتاً کی جانے والی ترامیم کے مطابق ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م ع ن- ش ب ن)

U. No.2320

(Release ID: 2141026)