روحانی اور ثقافتی تعلقات کو فروغ دینے کے مقصد سے ایک اہم مصروفیت  کے تحت تھائی لینڈ کا ایک اعلیٰ سطحی وفد 18 جون سے گجرات کے دورے پر ہے۔ وفد نے گجرات کے وزیر اعلیٰ بھوپیندر بھائی پٹیل سے ملاقات کے ساتھ اپنی رسائی کا آغاز کیا۔ میٹنگ میں تھائی لینڈ کے آٹھ مندوبین اورانٹرنیشنل بدھسٹ کنفیڈریشن(آئی بی سی) کے دو نمائندوں نے شرکت کی، ریاست کے سینئر حکام کے ساتھ میٹنگ کے دوران گجرات کے وزیر اعلیٰ بھوپیندر پٹیل نے ہندوستان اور تھائی لینڈ کے درمیان دیرینہ اور خوشگوار تعلقات کے بارے میں بات کی۔ ان کے ہمراہ م وزیر برائے سیاحت، ثقافت، جنگلات، ماحولیات و ماحولیاتی تبدیلی جناب مولوبھائی بیرا،ایڈیشنل چیف سکریٹری جناب منوج کمار داس،سکریٹری محترمہ اونتیکا سنگھ اولکھ، اور سیکریٹری برائے سیاحت،  دیوستھانم مینجمنٹ، سول ایوی ایشن اور زیارت ڈاکٹر راجندر کمار بھی موجود تھے۔

میٹنگ  کے دوران تھائی وفد نےمذہبی شناخت کےلیے مقدس آثارِ کی نمائش کی درخواست کی۔ حکومتِ گجرات نے اس درخواست کی حمایت کی اور وفد کو مشورہ دیا کہ وہ اپنی درخواست حکومتِ ہند کے ذریعے پیش کریں۔ان کے روحانی پیشوا نے احمد آباد میں حالیہ المناک فضائی حادثے پر دلی تعزیت کا اظہار کیا۔ وزیر اعلیٰ نے گجرات کے بھرپور بودھ مت ورثے کا ایک رنگا رنگ اور جامع جائزہ بھی پیش کیا، جس میں دیونی موری، وڈنگر (جہاں چینی زائر ہیوئن سانگ نے دورہ کیا تھا) اور اوپرکوٹ کی غاروں جیسے اہم مقامات کو اجاگر کیا گیا اور ہندوستان  اور تھائی لینڈ کے درمیان تاریخی مضبوط تعلقات پر زور دیا۔

دوپہر کے بعد  وفد نے 1880 میں قائم تاریخی گجرات یونیورسٹی میں رکھے گئے مقدس آثار کامشاہدہ کیا ۔  وائس چانسلر پروفیسر دھرمیش پٹیل نے اساتذہ اور ڈینز کے ساتھ ان کا پرتپاک استقبال کیا ۔  دونوں فریقوں کے درمیان تحائف کا تبادلہ ہوا  اور وفد نے آثار کی عوامی نمائش کے لیے اپنی خواہش کا اعادہ کیا ۔  یونیورسٹی انتظامیہ کو مشورہ دیا گیا کہ وہ ضروری اجازتوں کے لیے مرکزی حکومت سے رابطہ کرے ۔

اس کے بعد یہ وفد دوارکا کے لیے روانہ ہوا  اور اپنا سفر جاری رکھنے سے پہلے پوجا کی رسم کے لیے سنکلپ بھومی پر ایک مختصر روحانی وقفہ کیا ۔  دوارکا پہنچنے پر کرنل اتھولے اور دوارکا کے سب ڈویژنل مجسٹریٹ نے وفد کا استقبال کیا ۔

20جون کو  وفد قابل مقدس دوارکا دیش مندر کےلیے روانہ ہوئے ، جہاں مقامی انتظامیہ اور مندر کے ٹرسٹیز نے ان کا استقبال کیا ۔وفد کے روحانی پیشوا اور دس مندروں کے سادھوؤں کے درمیان ایک فکر مند تبادلہ ہوا ، جس میں ہندو اور بودھ فلسفوں پر تبادلۂ خیال کیا گیا ۔  کولکاتا کی جادھو پور یونیورسٹی میں بطور طالب علم اپنے وقت کی عکاسی کرتے ہوئے  عزت مآب روحانی پیشوا نے کہا کہ کرشنا شہر کا دورہ کرنا ایک طویل عرصے سے ذاتی خواہش تھی ۔

ہمدردی اور خدمت کے لیے اپنے عزم کا اظہار کرتےہوئے انہوں نے پسماندہ لوگوں کو امداد کے لیے مندر ٹرسٹ کو ایک لاکھ روپے کا عطیہ دیا ۔  اس موقع پر سادھوؤں کی طرف سے خصوصی پوجا کی گئی ۔

اس دن کا اختتام شام کو سراج پور بیچ کے دورے کے ساتھ ہوا ،جہاں ایک روحانی طور پر بھرپور اور سفارتی طور پر بامعنی دورہ مکمل ہوا، جس نے ہندوستان اور تھائی لینڈ کے درمیان صدیوں کے مشترکہ ورثے اور ثقافتی گونج کی نشاندہی کی ۔  اس سے قبل یہ وفد دہلی پہنچا تھا اور اس نے ثقافت اور سیاحت کے وزیر جناب گجیندر سنگھ شیخاوت اور پارلیمانی امور کے وزیر جناب کرن رجیجو سے ان کی رہائش گاہ پر ملاقات کی تھی ۔

........................................................................................................

) ش ح –م عن-  شب ن )

U.No. 2035

(ریلیز آئی ڈی: 2138832) وزیٹر کاؤنٹر : 20