مرکزی آلودگی کنٹرول بورڈ (سی پی سی بی) کے ذریعہ جاری کردہ روزانہ اے کیو آئی بلیٹن کے مطابق‘ آج  دہلی کا روزانہ اوسط ایئر کوالٹی انڈیکس(اے کیو آئی) 209 (‘ ناقص’زمرہ) پر ریکارڈ کیا گیا’۔ ‘خراب’ ہوا کے معیار کے زمرے میں201-300 کے درمیان دہلی کی اوسط/مجموعی ہوا کے معیار کو درج کرنے کے پیش نظر جی آر اے پی – گریپ پر سی اے کیو ایم سب کمیٹی نے دہلی-این سی آرکی موجودہ ہوا کے معیار کا جائزہ لینے کے لیے آج میٹنگ کی۔اس  خطہ میں ہوا کے معیار کے ساتھ ساتھ آئی ایم ڈی/آئی آئی ٹی ایم کی پیشین گوئیوں اور دہلی کے اے کیو آئی کا جامع جائزہ لیتے ہوئے، مندرجہ ذیل باتیں پائی گئیں:

• دہلی کے اے کیو آئی نے بڑھتے ہوئے رجحان کو دیکھا ہے اور7 جون 2025کو 209 پر ریکارڈ کیا گیا تھا۔ مزید برآں، آئی ایم ڈی/آئی آئی ٹی ایم کی پیشن گوئی یہ بھی پیش گوئی کرتی ہے کہ آنے والے دنوں میں اے کیو آئی بنیادی طور پر‘ناقص’ زمرے میں رہے گا۔

اس لیے ذیلی کمیٹی پورے این سی آر میں جی آر اے پی- گریپ فیز-I ( ہوا کا ناقص ‘خراب’ معیار) کے تحت تمام کارروائیوں کو فوری طور پر نافذ کرنے کا فیصلہ کرتی ہے۔ جی آر اے پی- گریپ فیز-I کے تحت کیے گئے اقدامات کو این سی آر میں تمام متعلقہ ایجنسیوں کے ذریعے لاگو کیا جائے گا، ان کی نگرانی کی جائے گی اور ان کا جائزہ لیا جائے گا تاکہ یہ یقینی بنایا جا سکے کہ اے کیو آئی کی سطح مزید گر نہ جائے۔ تمام عمل آور ایجنسیاں اس کی باریک بینی سے نگرانی کریں گی اور جی آر اے پی- گریپ کے اصولوں کے تحت اقدامات کو تیزی سے نافذ کریں گی۔

 اس کے علاوہ  ذیلی کمیٹی این سی آر کے شہریوں سے بھی اپیل کرتی ہے کہ وہ جی آر اے پی- گریپ کو لاگو کرنے میں تعاون کریں اور جی آر اے پی- گریپ فیز- I کے سٹیزن چارٹر میں مذکور نکات پر عمل کریں:

• اپنی گاڑی/گاڑیوں کے انجن کو اچھی حالت میں رکھیں۔
• گاڑیوں کے ٹائر وں میں مناسب پریشر کو برقرار رکھیں۔
• اپنی گاڑی کے پی یو سی سرٹیفکیٹس کو اپ ڈیٹ رکھیں۔
• اپنی گاڑی کو بے کار نہ کریں، سرخ بتی(ریڈ لائٹ) پر انجن بھی بند کر دیں۔
• گاڑیوں کی آلودگی کو کنٹرول کرنے کے لیے ہائبرڈ گاڑیوں یا ای وی(ای وہیکلز) کو ترجیح دیں۔
• کھلی جگہوں پر کچرا نہ پھینکیں۔
• 311 ایپ، گرین دہلی ایپ، سمیر ایپ وغیرہ کے ذریعے فضائی آلودگی پھیلانے والی سرگرمیوں کی اطلاع دیں۔
• زیادہ سے زیادہ درخت لگائیں۔
• تہوار ماحول دوست طریقوں سے منائیں - پٹاخے نہ پھوڑیں۔
• 10/15 سال سے زیادہ پرانی ڈیزل/پٹرول گاڑیاں نہ چلائیں۔

جی آر اے پی –گریپ  کے فیز-I کے مطابق 27 نکاتی ایکشن پلان پورے  این سی آر  میں فوری طور پر لاگو ہوتا ہے۔ اس 27 نکاتی ایکشن پلان میں این سی آر ریاستوں کے آلودگی کنٹرول بورڈ اور ڈی پی سی سی سمیت مختلف ایجنسیوں کے ذریعہ یقینی بنانے کے اقدامات شامل ہیں۔ یہ اقدامات درج ذیل ہیں:

1. تعمیراتی اور انہدام (سی اینڈ ڈی) سرگرمیوں میں دھول کم کرنے کے اقدامات اور سی اینڈ ڈی فضلہ کے اچھے ماحولیاتی انتظام کے بارے میں ہدایات/قواعدو ضوابط/ شرائط کے مناسب نفاذ کو یقینی بنائیں۔
2. ہدایات نمبر 11-18 کو مورخہ 11.06.2021 کی سختی سے تعمیل کو یقینی بنائیں اور 500 مربع میٹر یا اس سے زیادہ پلاٹ کے سائز والے پروجیکٹوں کے سلسلہ میں سی اینڈ ڈی سرگرمیوں کی اجازت نہ دیں جو متعلقہ ریاست/جی این سی ٹی ڈی کے ‘ویب پورٹل’ پر رجسٹرڈ نہیں ہیں اور/یا جو اوپر دی گئی ہدایات کے مطابق نگرانی کے دیگر تقاضوں کے اقدامات کو  پورا نہیں کرتے ہیں۔
3. میونسپل سالڈ ویسٹ ( ایم ایس ڈبلیو)، کنسٹرکشن اینڈ ڈیمالیشن (سی اینڈ ڈی) فضلہ اور مخصوص ڈمپ سائٹس سے خطرناک کچرے کو باقاعدگی سے اٹھانے کو یقینی بنائیں اور دیکھیں کہ کوئی بھی فضلہ غیر قانونی طور پر کھلے مقامات پر نہ پھینکا جائے۔
4. وقتاً فوقتاً  مشینی صفائی  اور سڑکوں پر پانی کا چھڑکاؤ کریں اور مخصوص مقامات/ لینڈ فلز پر جمع ہونے والی دھول کو سائنسی طریقے سے ٹھکانے لگانے کو یقینی بنائیں۔
5. اس بات کو یقینی بنائیں کہ سی این ڈی مواد اور فضلہ کو مناسب طریقے سے ذخیرہ/محفوظ کیا گیا ہے، اور احاطے میں مناسب طریقے سے ڈھانپ دیا گیا ہے۔ صرف ڈھکی ہوئی گاڑیوں کے ذریعے سی این ڈی مواد اور  سی اینڈ ڈی فضلہ کی نقل و حمل کو یقینی بنائیں۔
6. زیر تعمیر پروجیکٹ کے کل تعمیر شدہ رقبہ کے تناسب سے سی اینڈ ڈی سائٹس پر اینٹی اسموگ گنز کے استعمال کے لیے قانونی ہدایات اور اصولوں کو سختی سے نافذ کریں۔
7. سڑک کی تعمیر/چوڑا کرنے/مرمت کے منصوبوں اور دیکھ بھال کی سرگرمیوں میں اینٹی اسموگ گنز، پانی کے چھڑکاؤ اور دھول دبانے کے اقدامات کے استعمال کو تیز کریں۔
8. بایو ماس(بی ایم ) اور میونسپل سالڈ ویسٹ(ایم ایس ڈبلیو) کو کھلے عام جلانے پر پابندی کو سختی سے نافذ کریں۔ اوے اے   21/2014 میں 04.12.2014 اور 28.04.2015 کے معزز این جی ٹی کے احکامات کے مطابق خلاف ورزیوں پر زیادہ سے زیادہ  ای سی لگائیں۔
9. اس بات کو یقینی بنانے کے لیے سخت نگرانی رکھیں کہ لینڈ فل سائٹس/ڈمپ سائٹس میں کوئی کوڑا کرکٹ نہ جلایا جائے۔
10. ہموار ٹریفک کے لیے تمام شناخت شدہ  راہداریوں  پر ٹریفک پولیس تعینات کریں جہاں بھاری ٹریفک اور بھیڑ چوراہا ہوں۔
11. گاڑیوں کے لیے پی یو سی اصولوں کی سخت نگرانی اور نفاذ۔
12. صاف نظر آنے والے اخراج پر کوئی نرمی نہیں۔ زیادہ سے زیادہ جرمانہ اور/یا ضبطی کی کارروائی  کرکے آلودگی پھیلانے والی گاڑیوں کی سختی سے روک تھام۔
13. ایسٹرن اور ویسٹرن پیریفرل ایکسپریس وے کے ذریعے غیر مقصود ٹرک ٹریفک کو دہلی کی طرف موڑنے کے بارے میں سپریم کورٹ کے حکم کو سختی سے نافذ کریں۔
14. موجودہ قوانین کے مطابق پرانی ڈیزل/پٹرول گاڑیوں پر این جی ٹی /معزز سپریم کورٹ کے حکم کو سختی سے نافذ کریں۔
15. تعمیل نہ کرنے والے اور غیر قانونی صنعتی یونٹس کے خلاف سخت تعزیری/قانونی کارروائی کو یقینی بنائیں۔
16. صنعتوں، اینٹوں کے بھٹوں اور ہاٹ مکس پلانٹس وغیرہ میں آلودگی پر قابو پانے کے تمام قواعد و ضوابط کو سختی سے نافذ کریں اور اخراج کے مقررہ معیارات پر سختی سے عمل کریں۔
17. اس بات کو یقینی بنائیں کہ این سی آر میں اینٹوں کے بھٹوں اور ہاٹ مکس پلانٹس سمیت صنعتوں کے ذریعہ صرف منظور شدہ ایندھن کا استعمال کیا جائے اور خلاف ورزی کی صورت میں انہیں بند کر دیا جائے۔
18. تھرمل پاور پلانٹس میں اخراج کے اصولوں کو سختی سے نافذ کریں اور عدم تعمیل کی صورت میں سخت کارروائی کریں۔
19. پٹاخوں پر پابندی سے متعلق معزز عدالتوں/ٹربیونلز کے احکامات پر سختی سے عمل درآمد کروایا جائے۔
20. صنعتی اور غیر ترقیاتی علاقوں سے صنعتی فضلہ کی باقاعدگی سے اٹھائی اور مناسب طریقے سے ٹھکانے لگانے کو یقینی بنایا جائے۔
21. ڈسکام این سی آر میں بجلی کی فراہمی میں رکاوٹوں کو کم سے کم کریں۔
22. اس بات کو یقینی بنائیں کہ ڈیزل جنریٹر سیٹ بجلی کی فراہمی کے باقاعدہ ذریعہ کے طور پر استعمال نہ ہوں۔
23. ہوٹلوں، ریستورانوں اور کھلے کھانے پینے کی جگہوں پر تندوروں میں ایندھن کے طور پر کوئلہ/آگ کی لکڑی پر موجودہ پابندی کو سختی سے نافذ کریں۔
24. اس بات کو بھی یقینی بنائیں کہ ہوٹلوں، ریستورانوں اور کھلے کھانے پینے کی جگہوں میں صرف الیکٹرک/گیس پر مبنی/صاف ایندھن پر مبنی سامان استعمال کیا جائے۔
25. سوشل میڈیا اور بلک ایس ایم ایس وغیرہ کے ذریعے معلومات پھیلانا۔ موبائل ایپس کا استعمال لوگوں کو آلودگی کی سطح، کنٹرول روم سے رابطہ کی تفصیلات سے آگاہ کرنے کے لیے کیا جانا چاہیے تاکہ وہ آلودگی پھیلانے والی سرگرمیوں/ذرائع کی اطلاع متعلقہ حکام کو دے سکیں اور انھیں حکومت کی طرف سے کیے جانے والے اقدامات کے بارے میں مطلع کر سکیں۔
26. آلودگی پھیلانے والی سرگرمیوں کو روکنے کے لیے 311 ایپ، گرین دہلی ایپ، سمیر ایپ اور اس طرح کے دیگر سوشل میڈیا پلیٹ فارمز پر شکایات کے ازالہ کے لیے فوری کارروائی کو یقینی بنائیں۔
27. سڑکوں پر ٹریفک کو کم کرنے کے لیے ملازمین کے لیے مربوط سفر متعارف کرانے کے لیے دفاتر کی حوصلہ افزائی کریں۔

تمام متعلقہ ایجنسیوں کو این سی آر میں فضائی آلودگی کو روکنے کے لیے کمیشن کی طرف سے جاری کی گئی جامع پالیسی میں مذکور مختلف کارروائیوں اور ٹارگٹ ٹائم لائنز کو نوٹ کرنے کی ضرورت ہے، خاص طور پر دہلی-این سی آر میں دھول دبانے کے اقدامات کے لیے اور اس کے مطابق فیلڈ میں مناسب کارروائی کرنے کی ضرورت ہے۔

کمیشن ہوا کے معیار پر گہری نظر رکھے گا اور دہلی میں ہوا کے معیار اور آئی ایم ڈی/آئی آئی ٹی ایم کی پیش گوئی کی بنیاد پر مزید مناسب فیصلوں کے لیے وقتاً فوقتاً صورتحال کا جائزہ لے گا۔

*******

 

ش ح۔ ظ ا-ف ر

UR  No.1584

(Release ID: 2135075)