سہ فریقی خواتین کی کشتی رانی مہم کی ٹیم 04 جون 2025 کو سیشلز تک 1,800 ناٹیکل میل کا  عدیم مثال بین الاقوامی سفر مکمل کرنے کے بعد وطن واپس پہنچی۔ یہ تاریخی مہم جو کہ 07 اپریل 2025 کو شروع ہوئی تھی، پہلا بین الاقوامی اوپن سی سیلنگ مشن ہے جسے ہندوستانی مسلح افواج کی خواتین کی ٹیم نے شروع کیا تھا۔

لیفٹیننٹ جنرل اے کے رمیش، کمانڈنٹ، کالج آف ملٹری انجینئرنگ، ممبئی نے باضابطہ طور پر اس مہم کو جھنڈی دکھا کر روانہ کیا تھا۔ انہوں نے اس مشن کو صنفی سمیت آپریشنل عمدگی کی طرف سفر میں ایک سنگ میل قرار دیا۔ ٹیم کے حوصلے اور عزم کو سراہتے ہوئے انہوں نے مسلح افواج کی آپریشنل طاقت میں کلیدی شراکت داروں کے طور پر خواتین کے بڑھتے ہوئے کردار پر زور دیا۔

مقامی طور پر بنائے گئے انڈین آرمڈ سروسز جہاز ‘تروینی’ کی 56 فٹ لمبی کشتی پر سوار آرمی، نیوی اور ایئر فورس کی 11 خواتین افسران کی ٹیم نے تقریباً دو ماہ تک چیلنجنگ سمندری حالات میں یہ سفر کیا۔  سمندری  طوفانوں، سمندر کے ناہموار حالات اور طویل تھکاوٹ کا مقابلہ کرتے ہوئے عملے نے غیر معمولی برداشت اور عزم کا مظاہرہ کیا۔ عملہ پر مشتمل تھا:

ہندوستانی فوج - لیفٹیننٹ کرنل انوجہ، میجر کرم جیت، میجر تانیہ، کیپٹن اومیتا، کیپٹن ڈولی اور کیپٹن پراجکتا

ہندوستانی بحریہ - لیفٹیننٹ کمانڈر پرینکا

ہندوستانی فضائیہ - اسکواڈرن لیڈر ویبھا، اسکواڈرن لیڈر شردھا، اسکواڈرن لیڈر اروی اور اسکواڈرن لیڈر ویشالی

سیشلز میں اپنے قیام کے دوران  ٹیم کے عملہ نے کئی اعلیٰ سطحی دفاعی اور سفارتی مصروفیات میں حصہ لیا جس میں سیشلز کے وزیر خارجہ، چیف آف جوائنٹ ڈیفنس اسٹاف اور سیشلز میں ہندوستان کے ہائی کمشنر کے ساتھ باضابطہ بات چیت بھی شامل ہے۔ ان مصروفیات نے بحری سفارت کاری کو تقویت بخشی اور بحر ہند کے جزیرے والے ممالک کے ساتھ ہندوستان کی اسٹریٹجک شراکت داری کو آگے بڑھایا۔

یہ اقدام بحریہ کی ایک کامیابی سے بڑھ کر ہے – یہ ہندوستانی مسلح افواج میں ‘ناری شکتی’ کا  اتسو ہے۔ یہ تینوں  سروسز کے درمیان ہم آہنگی کی ایک بہترین مثال بھی ہے۔

چونکہ ہندوستان سمندر میں اپنی موجودگی اور صلاحیتوں کو بڑھا رہا ہے، اس دورے کی کامیابی سے تکمیل مسلح افواج کی شاندار نمونہ  مساوات اور اسٹریٹجک ویژن کے عزم کی علامت ہے – جس کی قیادت فخر سے سمندر میں خواتین جنگجو کر رہی ہیں۔

*******

ش ح- ظ ا- ع ن

UR No. 1460