مرکزی وزیر ڈاکٹر جتیندر سنگھ، جو ادھم پور-کٹھوا-ڈوڈا لوک سبھا حلقہ سے رکن پارلیمنٹ ہیں، نے آج ویڈیو کانفرنسنگ کے ذریعے حلقہ کی سطح کی ایک جامع میٹنگ بلائی تاکہ مودی حکومت کے 11 سال مکمل ہونے کی یاد میں ایک ماہ تک جاری رہنے والی سرگرمیوں کو حتمی شکل دی جا سکے۔

ڈاکٹر جتیندر سنگھ جنہوں نے حال ہی میں جموں میں آر ایس پورا میں مرکزی وزیر زراعت کے ساتھ ’’وکست بھارت کرشی سنکلپ ابھیان‘‘ کا آغاز کیا ہے، نے  حکام سے اس امر کو یقینی بنانے کی اپیل کی کہ یہ مہم ہر ضلع اور منڈل تک پہنچے۔ آیوشمان بھارت جیسی فلیگ شپ اسکیموں کی صد فیصد تکمیل پر زور دیتے ہوئے، انہوں نے عہدیداروں پر زور دیا کہ وہ کسی بھی مستفید کو غیر رجسٹرڈ نہ چھوڑیں۔ انہوں نے کہا، ’’ہر شہری کو مودی حکومت کی تبدیلی کی اسکیموں کے اثرات کا تجربہ کرنا چاہیے۔‘‘

سائنس پر مبنی زراعت میں حالیہ پیشرفت کو اجاگر کرتے ہوئے، ڈاکٹر جتیندر سنگھ نے خطے کی زرعی معیشت کو نئی شکل دینے والے تبدیلی کے اقدامات کی ایک سیریز کی نمائش کی۔ کٹھوعہ میں بائیوٹیک انڈسٹریل پارک کو فعال بنایا گیا ہے اور اسے بایوٹیک کسان کلسٹرس کے ساتھ مربوط کیا گیا ہے، جو اختراعات اور کسان سائنسدانوں کے تعاون کے مرکز کے طور پر کام کر رہا ہے۔ جامنی انقلاب، آئی آئی آئی ایم جموں کے تعاون سے بھدرواہ میں لیوینڈر کی کامیاب کاشت کے ذریعے نشان زد کیا گیا، اب ہمساچل پردیش اور اتراکھنڈ جیسی پڑوسی ریاستوں میں پھیل چکا ہے، جس سے نوجوان زرعی صنعت کاروں کو اعلیٰ درجے کی پرفیوم مارکیٹوں میں فروخت کے ذریعے لاکھوں کمانے کے قابل بنایا گیا ہے۔

ڈاکٹر جتیندر سنگھ یکم جون کو بھدرواہ میں دو روزہ لیوینڈر میلے کا آغاز کرنے والے ہیں۔ جموں و کشمیر میں گل پروری کے مشن کے تحت، 385 ہیکٹر سے زیادہ رقبہ کو زیر کاشت لایا گیا ہے، جس سے 3,000 سے زیادہ کسانوں کو براہ راست فائدہ پہنچا ہے، جن میں جینیاتی طور پر انجنیئرڈ گلاب جیسی کامیابیاں ہیں جو مطلوبہ رنگوں اور موسموں میں کھل سکتے ہیں۔ مزید برآں، پالم پور سے ایودھیا تک ٹیولپ کی کاشت کی کامیاب توسیع، یہاں تک کہ غیر موسمی ادوار کے دوران، ہندوستان کے پھولوں کی زراعت کے اثرات کو بڑھانے میں سائنسی اختراع کی طاقت کا ثبوت ہے۔

ڈاکٹر جتیندر سنگھ نے ایٹمی توانائی اور ڈی بی ٹی کے محکمے کی جانب سے فصلوں کی شیلف لائف اور پیداواری صلاحیت کو بڑھانے کے لیے ایک پیش رفت پروجیکٹ پر بھی روشنی ڈالی- تاکہ کشمیری سیب اب جموں میں آم کے ساتھ اگنے کے قابل  ہو سکیں۔

ایک اہم پالیسی اعلان میں، ڈاکٹر جتیندر سنگھ نے آئی آئی آئی ایم جموں اور پرائیویٹ پارٹنرز کے ساتھ مل کر دواؤں اور کینسر کی دوائیں بنانے کے لیے بھنگ کی کاشت کے آئندہ اقدام کا انکشاف کیا۔ انہوں نے روزگار اور آمدنی پیدا کرنے کے لیے سیلف ہیلپ گروپس (ایس ایچ جی ) کو بااختیار بنانے کا بھی ذکر کیا۔

مزید برآں، انہوں نے جموں و کشمیر کے لیے اے آئی پر مبنی زرعی فیصلہ سازی کے نظام کی ترقی پر روشنی ڈالی، جس کا مقصد کاشتکاری کے روایتی طریقوں کو تبدیل کرنا ہے۔

گرام کرشی سیوا یوجنا کے ایک حصے کے طور پر، کپواڑہ، بارہمولہ، کٹھوا، اور ریاسی میں چار نئے ضلعی سطح کے ایگرومیٹ یونٹوں کے ساتھ لداخ، سری نگر، جموں میں چار ایگرومیٹ آبزرویٹریوں کو شروع کیا گیا ہے، جنہیں ایس کے یو اے ایس ٹی کی حمایت حاصل ہے۔

ملک کی تاریخی اور ثقافتی شناخت کے بارے میں بات کرتے ہوئے، ڈاکٹر جتیندر سنگھ نے اہم قومی سنگ ہائے میل اور تحریکوں کو یاد رکھنے اور ان کا احترام کرنے کی اہمیت پر زور دیا۔ انہوں نے 1975 کی ایمرجنسی کو "یوم سیاہ" کے طور پر یاد کرتے ہوئے، جمہوریت اور شہری آزادی کی قدر کی یاد دہانی کے طور پر 26 جون کو اس کی 50 ویں سالگرہ منانے کی ضرورت پر زور دیا۔

5 جون کو ماحولیات کے عالمی دن کی توقع میں، انہوں نے 'ایک پیڑ ماں کے نام' مہم کے لیے نئے جوش و جذبے کی ہدایت کی، شہریوں کو زیادہ لگن اور جوش کے ساتھ شرکت کرنے کی ترغیب دی۔ ڈاکٹر جتیندر سنگھ نے بین الاقوامی یوگا ڈے (21 جون) پر خاص طور پر بڑے سیاحتی مقامات پر شاندار تقریبات منانے کی بھی وکالت کی تاکہ صحت اور ذہن سازی میں ہندوستان کی عالمی قیادت کو اجاگر کیا جا سکے۔ مزید برآں، انہوں نے ترنگا یاترا کو سراہتے ہوئے اسے آپریشن سندور کی کامیابی سے جوڑ دیا، اور اسے قومی فخر اور اجتماعی خود اعتمادی کی علامت کے طور پر منانے پر زور دیا۔

رکن پارلیمنٹ کے طور پر، ڈاکٹر جتیندر سنگھ نے مودی حکومت کے 11 سال مکمل ہونے پر مہینہ بھر کی تقریبات کے لیے ایک جامع شیڈول تیار کیا۔ منصوبہ بند سرگرمیوں میں عوامی نمائشیں، میڈیا کی بات چیت، پیشہ ورانہ ملاقاتیں، اور مربوط نچلی سطح کی کوششیں شامل ہیں جن کا مقصد وسیع پیمانے پر عوامی شمولیت اور بیداری کو یقینی بنانا ہے۔ یہ پہل قدمیاں  سرکار کی حصولیابیوں کو پیش کرنے اور ایک وکست بھارت کی تصوریت میں شہریوں کی فعال شراکت داری کی حوصلہ افزائی  کے لیے وضع کی گئی ہیں۔

**********

 (ش ح –ا ب ن- ت ع )

U.No:1323