کمیونٹی کی شمولیت اور نوجوانوں کی ہنرمندی کی ترقی کو مضبوط بنانے کے لیے بھارت سرکار کے وسیع تر وژن کے ایک حصے کے طور پر ، نوجوانوں کے امور اور کھیلوں کی وزارت ، محکمہ دواسازی کے تعاون سے ، قومی مہم ’سیوا سے سیکھیں - لرن بائی ڈوئنگ‘ کے تحت یکم جون 2025 سے جن اوشدھی کیندر (جے اے کے) تجرباتی سیکھنے کا پروگرام شروع کر رہی ہے۔

اس 15 روزہ تجرباتی اقدام میں ملک بھر میں ہر ضلع میں 5 جن اوشدھی کیندر میں پانچ نوجوان رضاکاروں کو رکھا گیا ہے، جو انھیں ان مراکز کے کام کاج سے براہ راست واقف کراتے ہیں جو بھارتی شہریوں کو سستی، معیاری جنرک دوائیں فراہم کرنے میں بنیادی کردار ادا کرتے ہیں۔

اس پروگرام میں ایم وائی بھارت، این ایس، ایم وائی بی کیندرا، فارمیسی کالجز اور دیگر نوجوانوں کی تنظیموں جیسے پلیٹ فارمز سے شرکا کو راغب کیا جاتا ہے۔ رضاکاروں کو متعدد ذمہ داریوں میں شامل کیا جائے گا، بشمول:

1. روزمرہ کے آپریشنز اور کسٹمر کے تعامل میں مدد کرنا۔
2. انوینٹری اور ادویات کے انتظام کی سپورٹ۔
3. جنرک ادویات اور صحت عامہ کی خواندگی کے بارے میں آگاہی کو فروغ دینا۔
4. بیک اینڈ لاجسٹکس اور سپلائی چین کے عمل کا مشاہدہ ۔

نوجوان رضاکاروں کو جن اوشدھی کیندروں میں شامل کرکے یہ پروگرام نہ صرف سیکھنے کو فروغ دیتا ہے بلکہ خدمت، نظم و ضبط اور کمیونٹی پر مبنی پیشہ ورانہ مہارت کی اقدار کو بھی فروغ دیتا ہے۔

یہ اقدام نوجوانوں کی ترقی اور صحت عامہ کے درمیان ایک اہم ربط پیدا کرتا ہے جس سے پی ایم بی جے پی کی رسائی میں اضافہ ہوتا ہے جبکہ بھارت کی نوجوان افرادی قوت میں عملی مہارت، روزگار اور شعبے کی تیاری پیدا ہوتی ہے۔

نوجوانوں کے لیے اہم فوائد:

1. جن اوشدھی مراکز کے کام کاج سے عملی واقفیت حاصل کرنا۔
2. انوینٹری مینجمنٹ اور بنیادی ریکارڈ رکھنا سیکھنا۔
3. کاروباری نظم و ضبط اور کسٹمر ہینڈلنگ کی مہارت کو فروغ دینا۔
4. قابل رسائی صحت کی دیکھ بھال کی اہمیت کو سمجھنا۔

اس پروگرام کے ذریعے نوجوانوں کے امور اور کھیلوں کی وزارت نوجوانوں کو قومی ترقی میں فعال شراکت داروں کے طور پر بااختیار بنانے کے اپنے مشن کو تقویت دے گی۔

***

(ش ح – ع ا)

U. No. 1319

(Release ID: 2132998)