وزارت آیوش کے مرکزی وزیر مملکت (آزادانہ چارج)  جناب پرتاپ راؤ جادھو کی زیر صدارت ایک اعلیٰ اختیاراتی میٹنگ میں آیوش صنعت کی سرکردہ  کارپوریٹ شراکت داروں کو‘عالمی یوم یوگا’( آئی ڈی  وائی)-2025 ’ یوگا پارک کی پہل کے لئے فعال شراکت داری  اور سی ایس آر  تعاون کا پتہ لگانے کے لئے ایک ساتھ لایا گیا۔

آئی ڈی وائی 21 جون 2025 کو اپنے 11 ویں ایڈیشن کا انعقاد کرے گا  اور یہ تقریب ایک سنگ میل کا جشن بھی منا ئے گی  - یوگا کی عالمی پہچان کی دہائی جو وزیر اعظم جناب نریندر مودی کی قیادت میں 2014 میں اقوام متحدہ کے ذریعہ اپنانے کے بعد سے ایک تحریک ہے۔

اجتماع سے خطاب کرتے ہوئے، آیوش کی وزارت کے مرکزی وزیر مملکت (آزادانہ چارج) جناب پرتاپ راؤ جادھو نے مجموعی فلاح و بہبود کو مرکزی دھارے میں لانے میں صنعت کے  کلیدی کردار پر زور دیا۔  جناب  پرتاپ راؤ جادھو نے کہا کہ‘‘آئیے ہم ایک صحت مند  ملک بنائیں، ایک وقت میں ایک یوگا پارک بنائیں ۔ تعاون کے ذریعے، ہم ایسے مقاماے بنا سکتے ہیں جو نہ صرف ہمارے ورثے کا جشن منا تے ہیں  بلکہ مقصد اور مستقل مزاجی کے ساتھ اپنی برادریوں کی خدمت بھی کرتے ہیں۔’’  انہوں نے آیوش صنعتوں، کارپوریٹس اور پبلک سیکٹر انٹرپرائزز پر زور دیا کہ وہ اپنے سی ایس آر مینڈیٹ کا فائدہ اٹھاتے ہوئے یوگا پارکس کو کمیونٹی کی فلاح و بہبود کے اثاثوں کے طور پر  فروغ دینے میں مدد کریں۔ یہ پارکس روزانہ یوگا سیشنز، گائیڈڈ پریکٹسز،  ارتکاز( میڈیئیشن )زونز اور صحت کی تعلیم کے لیے کھلی فضا میں جگہیں پیش کریں گے، جو ایک پائیدار احتیاطی صحت کی دیکھ بھال کی ثقافت کو فروغ دیں گے۔

اس سال کے آئی ڈی وائی تھیم–‘‘یوگا فار ون ارتھ، ون ہیلتھ’’ ہے جو ہندوستان کےجی - 20 ویژن کی بازگشت ہے، کو آگے  بڑھاتے ہوئے - آیوش کی وزارت کے سکریٹری، ویدیہ راجیش کوٹیچا نے کہا- ‘‘ہم صرف ایک جشن کا اہتمام نہیں کر رہے ہیں، ہم ایک تحریک کے لیے بنیادی ڈھانچہ ترتیب دے رہے ہیں۔ یوگا پارک وراثت کے بارے میں ہے جو کہ ہماری برادری کا  آخری اثر ہے۔’’  انہوں نے وشاکھاپٹنم میں 5 لاکھ سے زیادہ لوگوں کی شرکت کی توقع کرتے ہوئے 1 لاکھ مقامات پر یوگا سیشن منعقد کرنے کے وزارت کے منصوبوں کی تفصیلات پیش کیں ، جہاں وزیر اعظم قومی تقریب کی قیادت کریں گے۔

یوگا کے بین الاقوامی دن(آئی ڈی وائی) 2025 کے تحت 10 سنگنیچر تقریبات میں سے ایک کے طور پر یوگا پارک کی پہل موجودہ عوامی  مقامات کو وقف شدہ فلاح و بہبود کے علاقوں میں تبدیل کرنے کی کوشش کرتی ہے-  جس میں کمیونٹی کی صحت اور ذہن سازی کو فروغ دینا شامل ہے۔ آیوش کی وزارت کی سربراہی میں اس اقدام کو شہری مقامی اداروں، پنچایتوں اور یوگا اداروں کے اشتراک سے لاگو کیا جا رہا ہے، جس میں کارپوریٹ شراکت داروں کی طرف سے سی ایس آر ، پبلک سیکٹر یونٹس، ریزیڈنٹ ویلفیئر ایسوسی ایشنز ( آر ڈبلیو ایز) اور سماجی تنظیموں کے ذریعے  انتہائی مستحکم  تعاون حاصل ہے۔ یہ یوگا پارکس صحت کے ضروری بنیادی ڈھانچے سے لیس ہوں گے -  جس میں یوگا پلیٹ فارم،  میڈئیشن کے زون، پیدل چلنے کے راستے، آرام  کرنےکے علاقے  اور صفائی کی سہولیات - ایسی جگہیں بنائیں جو روزانہ یوگا کی  پریکٹس  اور احتیاطی صحت کو فروغ دیا جاسکے۔ ان  پارکوں کو زمین کی تزئین، روشنی،  سکیورٹی اور سہولیات کی باقاعدگی سے دیکھ بھال کے ذریعہ پائیدار طور پر برقرار رکھا جائے گا، اس بات کو یقینی بناتے ہوئے کہ وہ ملک بھر کی کمیونٹیز کے لیے مجموعی فلاح و بہبود کے متحرک مرکز بنے رہیں۔ یہ بات قابل غور ہے کہ یہ اقدام  آئی ڈی وائی - 2025سرگرمیوں کے ساتھ شروع ہو رہا ہے، تاہم اسے ایک سال تک جاری رکھنے کا  خاکہ پیش یا گیا ہے۔

آیوش کی وزارت نے آئی ڈی وائی - 2025 کے تحت یوگا پارک اقدام کی حمایت کرنے کے لیے کارپوریٹ سماجی ذمہ داری ( سی ایس آر) کے ذریعے صنعت کی شرکت کی پرزور حوصلہ افزائی کی ہے۔ کمپنیاں باقاعدہ یوگا سیشنز کا انعقاد، پسماندہ اور دیہی برادریوں کے لیے فلاح و بہبود کے کیمپوں کا انعقاداور بیداری کی مہم چلا کر جو بچاؤ کی صحت کو فروغ دیتی ہیں اور بہتر زندگی گزار سکتی ہیں۔ اس کے علاوہ، سی ایس آر پارٹنرز کو پارک کے بنیادی ڈھانچے میں شریک برانڈنگ کے مواقع میسر ہوں گے، جس سے وہ کمیونٹی کی مصروفیت کو بڑھاتے ہوئے اپنے برانڈ کو قومی فلاح و بہبود کی تحریک کے ساتھ ہم آہنگ کر سکیں گے۔ یہ تعاون پر مبنی نقطہ نظر صنعت کے لیے ایک طاقتور پلیٹ فارم پیش کرتا ہے تاکہ وہ جامع صحت، سماجی اثرات، اور  ملک کی تعمیر کے لیے اپنی وابستگی کا مظاہرہ کرے۔

این ایس ایس او کے تازہ ترین سروے کے مطابق ہندوستان کا یوگا ماحولیاتی نظام پہلے سے ہی ایک ارب ڈالر کی صنعت ہے، جس میں 5 کروڑ سے زیادہ گھرانے روزانہ یوگا کی مشق کرتے ہیں۔ یوگا پارک کی پہل نہ صرف صحت عامہ کو مضبوط کرتی ہے بلکہ صنعت کے برانڈ کی نمائش، کمیونٹی کی شمولیت، اور سماجی اثرات بھی پیش کرتی ہے۔

*******

ش ح۔ ظ ا-ص ج

UR  No.1269

(Release ID: 2132583)