دہشت گردی کے خلاف ہندوستان کی مسلسل جدوجہد کے تسلسل میں ، لوک سبھا رکن پارلیمنٹ محترمہ کنی موجھی کروناندھی کی سربراہی میں تمام جماعتوں کے ایک وفد نے 23 مئی 2025 کو روسی پارلیمنٹ کے دو ایوانوں اور ماہرین کے گروپوں کے ساتھ متعدد سمجھوتے کیے ۔

.2وفد نے فیڈریشن کی کونسل کی کمیٹی برائے بین الاقوامی امور کے پہلے نائب صدر جناب آندرے ڈینیسوف اور دیگر سینیٹرز کے ساتھ تفصیلی بات چیت کی ۔ یہ مکالمہ دہشت گردی کے خلاف عالمی جنگ میں قانون سازی کی ہم آہنگی کو بہتر بنانے پر مرکوز تھا ۔ ہندوستانی فریق نے دہشت گردی کے خلاف ملک کی لڑائی میں ردعمل کے طور پر آپریشن سندور پر روشنی ڈالی ۔

3. بعد میں، وفد نے ریاست ڈوما کی بین الاقوامی امور کمیٹی کے اعزازی چیئرمین عزت مأب جناب لیونیڈ سلٹسکی سے ملاقات کی اور ریاستی ڈوما کے اراکین کے ساتھ تبادلۂ خیال کیا۔دونوں جانب سے بھارت اور روس کے تاریخی اور دیرینہ تعلقات کو دہرایا گیا، جو باہمی اعتماد اور احترام پر مبنی ہیں۔ مذاکرات میں مختلف اہم موضوعات زیر بحث آئے، جن میں عالمی سلامتی کا ڈھانچہ، ابھرتی ہوئی جغرافیائی سیاسی صف بندیاں اور کثیر الجہتی تعاون شامل تھے۔ بھارتی وفد نے دہشت گردی کے خلاف مشترکہ اقدام کی اہمیت پر زور دیا، بشمول ایسے مؤثر بین الاقوامی نظام کی ضرورت جس کے ذریعے دہشت گرد عناصر کو محفوظ پناہ گاہیں، مالی معاونت اور سیاسی جواز فراہم کرنے سے روکا جا سکے۔

4. وفد نے بعد ازاں روسی فیڈریشن کےنائب وزیر خارجہ عزت مآب  جناب آندرے رودینکو سے ملاقات کی اور دو طرفہ علاقائی اور عالمی امور پر تفصیلی بات چیت کی۔ اس بات چیت میں کثیر القطبی اور بین الاقوامی نظام کے لیے مشترکہ عزم پر زور دیا گیا۔ہندوستانی فریق نے دہشت گردی کے خلاف اپنی عدم برداشت کی پالیسی کا اعادہ کیا اور زور دیا کہ ہندوستان کسی بھی جوہری بلیک میلنگ کو برداشت نہیں کرے گا۔ دونوں اطراف نے انسداد دہشت گردی کے اقدامات کو مضبوط بنانے اور دہشت گردی کی تمام شکلوں اور مظاہر کے خاتمے کی ضرورت پر اتفاق کیا۔

5. وفد نے سابق وزیر اعظم  عزت مأب جناب میخائل فریڈکوف کے ساتھ بھی بصیرت انگیز بات چیت کی، جو روسی انسٹی ٹیوٹ فار اسٹریٹجک اسٹڈیز (آر آئی ایس ایس) کے سربراہ ہیں۔ وفود نے بنیاد پرستی کے راستوں، دہشت گرد گروہوں کے ذریعے استعمال ہونے والی غلط معلومات کے ماحولیاتی نظام اور علاقائی امن کو نقصان پہنچانے والے ریاستی سرپرستی میں ہونے والے پروپیگنڈے کے بارے میں تفصیلی تبادلہ خیال کیا۔ دونوں فریقوں نے تکثیریت، خودمختاری اور بین الاقوامی قانون میں جڑے بیانیہ کے فریم ورک پر اتفاق کیا۔ دونوں فریقوں نے دہشت گردی کے بین الاقوامی رابطوں سے متعلق مشترکہ تجزیاتی کام کے لیے تھنک ٹینکس کے ساتھ قریبی تعاون پر اتفاق کیا۔

6. یہ اعلیٰ سطحی بات چیت دہشت گردی کے خلاف جنگ میں تعاون کو بڑھانے، عالمی استحکام کو فروغ دینے اور اپنی خصوصی اور مراعات یافتہ اسٹریٹجک شراکت داری کو مزید مضبوط بنانے کے لیے ہندوستان اور روس کے مشترکہ عزم کی تصدیق کرتی ہے۔ وفد نے دہشت گردی کواسٹیٹ پالیسی کے ایک آلے کے طور پر استعمال کرنے والوں کو بے نقاب اور الگ تھلگ کرنے کے ہندوستان کے عزم کا اظہار کیا اور اس سلسلے میں بین الاقوامی یکجہتی کی اہمیت کا اعادہ کیا۔

-----------------------------------------------------

ش ح۔  ش ت۔ص ج

UN-NO-1092

(Release ID: 2131256)