دہرادون: نیشنل ای-گورننس ڈویژن (این ای جی ڈی ) نے انفارمیشن ٹیکنالوجی ڈیولپمنٹ ایجنسی (آئی ٹی ڈی اے )، حکومتِ اتراکھنڈ کے تعاون سے 19 اور 20 مئی 2025 کو دہرادون کے ہوٹل اکیٹا، راج پور روڈ پر اوپن فورج پلیٹ فارم پر دو روزہ ورکشاپ کا انعقاد کیا۔

اس ورکشاپ کا مقصد اوپن سورس تعاون کو فروغ دینا، شفافیت میں اضافہ کرنا، اور اوپن فورج پلیٹ فارم کے استعمال کی عملی تربیت کے ذریعے ڈیجیٹل گورننس کو مضبوط بنانا تھا۔ ہر دن 65 سے زائد شرکاء، جن میں ڈیولپرز، سافٹ ویئر انجینئرز، اور پراجیکٹ مینیجرز شامل تھے، نے حکومتِ اتراکھنڈ کے 50 سے زائد محکموں کی نمائندگی کرتے ہوئے سرگرم شرکت کی۔ یہ ورکشاپ جدید ترقیاتی ٹولز کے استعمال اور سرکاری سافٹ ویئر منصوبوں میں ایک اشتراکی ماحول کو فروغ دینے کی ایک اہم کوشش ثابت ہوئی۔

اوپن فورج بھارت کا سرکاری اوپن سورس پلیٹ فارم ہے جو "ڈیجیٹل انڈیا" مہم کے تحت تیار کیا گیا ہے۔ اس کا مقصد ای-گورننس ایپلیکیشنز میں شفاف، محفوظ اور قابلِ استعمال سافٹ ویئر ڈیولپمنٹ کو فروغ دینا ہے۔ یہ پلیٹ فارم ورژن کنٹرول، پراجیکٹ ڈیش بورڈز، ایشو ٹریکنگ، سی آئی/سی ڈی انضمام، اور مشترکہ ڈاکیومنٹیشن جیسی سہولیات فراہم کرتا ہے۔

ورکشاپ کی  اہم  جھلکیاں

ورکشاپ کا افتتاح محترمہ نیتیکا کھنڈیل وال (آئی اے ایس) ، ایڈیشنل سیکرٹری، انفارمیشن ٹیکنالوجی، حکومتِ اتراکھنڈ نے کیا۔ انہوں نے عوامی نظام میں محفوظ اور مؤثر سافٹ ویئر طریقہ کار کی اہمیت پر زور دیا۔

جناب تیرتھ پال سنگھ، ایڈیشنل ڈائریکٹر، آئی ٹی ڈی اے  نے اس اقدام کو سراہا اور اس کے ریاست گیر نفاذ کی حمایت کی۔

جناب رام اُنیال، ڈی جی ایم، آئی ٹی ڈی اے  نے شرکاء کو اپنے محکمہ جاتی ترقیاتی عمل میں اوپن فورج کو شامل کرنے کی ترغیب دی۔

جناب جے ایل گپتا، ڈائریکٹر، این ای جی ڈی  نے شرکاء کے جوش و خروش کی تعریف کی اور حکومت میں اشتراکی اور اوپن سورس طریقوں کو اپنانے پر زور دیا۔

این ای جی ڈی  کے ماہرین جناب امیت کمار (ڈی جی ایم، این ای جی ڈی ) اور جناب سنجے پٹیل (سینئر مینیجر) نے اوپن فورج پلیٹ فارم کی مکمل صلاحیتوں کا عملی مظاہرہ اور تربیت فراہم کی۔

جناب روی شنکر سنگھ، ہیڈ  ایس ای ایم ٹی، اتراکھنڈ اور جناب ارون بشٹ، سینئر ایگزیکٹو، آئی ٹی ڈی اے  نے سیشنز کو مہارت کے ساتھ معتدل انداز میں چلایا۔

ورکشاپ میں شامل ماڈیولز:

• اوپن فورج کا تعارف اور "ڈیجیٹل انڈیا" میں اس کی  اسٹریٹجک  اہمیت
• اہم فیچرز کا عملی مظاہرہ جیسے جی آئی ٹی پر مبنی ورژن کنٹرول، پراجیکٹ مینجمنٹ، اور  سی آئی / سی ڈی پائپ لائنز
• اوپن فورج پر کامیاب ای-گورننس منصوبوں کے کیس اسٹڈیز
• ریپوزیٹریز، ورک فلو، اور ڈاکیومنٹیشن کی تخلیق و انتظام میں عملی تربیت

شرکت کرنے والے  محکمے

• ورکشاپ میں مختلف محکموں کی بھرپور شرکت دیکھنے میں آئی، جن میں آئی ٹی ڈی اے، یو پی سی ایل، پی ٹی سی یو ایل ،اسٹیٹ ٹیکس، زراعت، لائیو اسٹاک ڈیولپمنٹ بورڈ، پلوشن کنٹرول بورڈ، این ایچ ایم، ایس سی ای آر ٹی، اعلیٰ تعلیم، اسمارٹ سٹی لمیٹڈ، لیبر، آیوش، اور دیگر کئی محکمے شامل تھے۔
• یہ تقریب سوال و جواب کے سیشن، فیڈبیک کے حصول اور تمام شرکاء میں سرٹیفکیٹس کی تقسیم کے ساتھ اختتام پذیر ہوئی۔ یہ اقدام ریاست میں سافٹ ویئر ڈیولپمنٹ کی صلاحیت کو بڑھانے کے لیے آئی ٹی ڈی اے  کے عزم کی عکاسی کرتا ہے اور این ای جی ڈی  کے اُس وسیع تر وژن کے مطابق ہے جس کا مقصد ایک اشتراکی، شفاف، اور توسیع پذیر ڈیجیٹل عوامی انفراسٹرکچر کی تعمیر ہے۔
• حکومتی محکموں کو اوپن فورج جیسے پلیٹ فارمز کو استعمال کرنے کے قابل بنا کر، یہ ورکشاپ "ڈیجیٹل انڈیا" کے اہداف کی تکمیل کی جانب ایک اہم قدم ہے، جو ایک مربوط، مؤثر اور کھلا ای-گورننس نظام قائم کرنے کی راہ ہموار کرتا ہے۔

****

ش ح ۔ ف ا۔ م ت

U - 992

(Release ID: 2130412)