کمپٹیشن کمیشن آف انڈیا نے 360 ون کے ذریعے بٹلی والا اینڈ کرنی سیکیورٹیز پرائیویٹ لمیٹڈ اور بٹلی والا اینڈ کرنی فنسرو پرائیویٹ لمیٹڈ کے حصول سے متعلق مجوزہ امتزاج کی منظوری دی ہے۔

360 ون ڈبلیو اے ایم لمیٹڈ (360 ون/ حصول کنندہ) (بشمول اس کے گروپ اداروں) ہندوستان میں دولت اور اثاثہ جات کا انتظام کرنے والی فرم ہے۔

بٹلی والا اینڈ کرنی سیکیورٹیز پرائیویٹ لمیٹڈ (ٹارگٹ 1) دوسرے کاموں کے ساتھ، ایکویٹی بروکنگ، مالیاتی مصنوعات کی تقسیم، سرمایہ کاری بینکنگ اور تحقیقی تجزیہ کے کاروبار میں مصروف ہے۔

بٹلی والا اینڈ کرانی فنسرو پرائیویٹ لمیٹڈ (ٹارگٹ 2) مالیاتی مصنوعات کی تقسیم کے کاروبار میں مصروف ہے۔

مجوزہ مجموعہ ٹارگٹ 1 اور ٹارگٹ 2 میں حصول کنندہ کی جانب سے جناب ساحل مرارکا، بٹلی والا اور کرنی ریسورسز مینجمنٹ (بی کے آر ایم) اور محترمہ سوپنا مرارکا سے شیئر ہولڈنگ کے حصول سے متعلق ہے۔ جزوی غور کے طور پر، جناب ساحل مرارکا اور بی کے آر ایم حصول کنندہ (مجوزہ مجموعہ) میں کچھ شیئر ہولڈنگ بھی حاصل کریں گے۔

کمیشن کا تفصیلی آرڈر بعد میں آئے گا۔

**********

 

ش ح۔ ف ش ع

                                                   U: 960

(Release ID: 2130115)