یوم مزدور کے موقع پر انڈیا پوسٹ پیمنٹس بینک نے مزدوروں کی فلاح و بہبود کے لیے اپنے عزم کا اعادہ کیا ہے۔ آئی پی پی بی نے غیر منظم شعبے کے کارکنوں کے لیے انتیودیا شرمک سرکشا یوجناا (اے ایس ایس وائی) کا آغاز کیا، ایک بصیرت اور سستی انشورنس اسکیم جس کا مقصد غیر منظم شعبے کے کارکنوں کو جامع کوریج اور تحفظ فراہم کرنا ہے۔ یہ اسکیم گجرات کے معزز وزیر اعلیٰ نے 8 جولائی 2023 کو کھیڑا، گجرات میں شروع کی تھی۔

 اے ایس ایس وائی کے آغاز سے لے کر اب تک مزدوروں یا کارکنوں کو کل 6,97,531 پالیسیاں جاری کی گئی ہیں۔ کل 355 دعوے نمٹائے جا چکے ہیں اور 5,41,17,754 روپے کی کل  رقم ادا کی جا چکی ہے۔ یہ اسکیم آئی پی پی بی کے ذریعے پیش کی جا رہی ہے اور اس کے چھ انشورنس شراکت داروں کی طرف سے جس میں نیو انڈیا انشورنس، بجاج الیانز جنرل انشورنس، ٹاٹا اے آئی جی جنرل انشورنس، نیوا بوپا ہیلتھ انشورنس، آدتیہ برلا ہیلتھ انشورنس اور اسٹارٹ ہیلتھ شامل ہیں،پیش کی جا رہی ہے ۔

یوم مزدور پر اپنے خیالات کا اظہار کرتے ہوئے، انڈیا پوسٹ پیمنٹس بینک کے ایم ڈی اور سی ای او  جناب  آر، وشویسورن نے کہا، ‘‘ہم مزدوروں کی فلاح و بہبود اور ترقی کے لیے پرعزم ہیں۔ اسی وجہ سے، ہم نے مزدوروں کے لیے انتیودیا شرمک سرکشایوجنا نافذ کی تھی، جس سے لاکھوں مزدوروں کو ان کے معیار زندگی اور فلاح و بہبود کو بہتر بنانے میں مدد ملی ہے۔’’

اس طرح کے اقدامات کے ساتھ آئی پی پی بی زندگی بدلنے والے تجربے اور ہندوستان کے ہر گھر کی دہلیز پر ڈیجیٹل بینکنگ تک رسائی لانے کی کوشش کرتا ہے۔ آئی پی پی بی ہندوستان میں عام آدمی کے لیے سب سے زیادہ قابل رسائی، سستی اور بھروسہ مند بینک بنانے کے وژن کے ساتھ قائم کیا گیا ہے۔ انڈیا پوسٹ پیمنٹس بینک کا بنیادی مقصد بینک سے محروم(ان بینک) اور کم بینک والے(انڈر بینک)  لوگوں کے لیے رکاوٹوں کو دور کرنا اور پوسٹل نیٹ ورک سے فائدہ اٹھاتے ہوئے آخری میل تک پہنچنا ہے، جس میں 1,65,000 ڈاک خانے (140,000 دیہی علاقوں میں) اور 3,00,000 ڈاک ملازمین شامل ہیں۔

انڈیا پوسٹ پیمنٹ بینک کے بارے میں

انڈیا پوسٹ پیمنٹس بینک(آئی پی پی بی) محکمہ ڈاک، وزارت مواصلات کے تحت قائم کیا گیا ہے، جس کی 100فیصد ایکویٹی حکومت ہند کی ملکیت ہے۔ آئی پی پی بی کا آغاز یکم ستمبر 2018 کو کیا گیا تھا۔ بینک کو ہندوستان میں عام آدمی کے لیے سب سے زیادہ قابل رسائی، سستی اور قابل اعتماد بینک بنانے کے مقصد سے قائم کیا گیا ہے۔ انڈیا پوسٹ پیمنٹس بینک کا بنیادی مقصد بینکوں سے محروم اور کم بینک والے لوگوں کے لیے رکاوٹوں کو دور کرنا اور پوسٹل نیٹ ورک کا فائدہ اٹھاتے ہوئے آخری میل تک پہنچنا ہے، جس میں 1,65,000 ڈاک خانے (140,000 دیہی علاقوں میں) اور 3,00,000 ڈاک ملازمین شامل ہیں۔

آئی پی پی بی کی رسائی اور اس کا آپریٹنگ ماڈل انڈیا اسٹیک کے اہم ستونوں پر مبنی ہے - سی بی ایس انٹیگریٹڈ اسمارٹ فونز اور بائیو میٹرک آلات کے ذریعے سادہ اور محفوظ طریقے سے کسٹمر کی دہلیز پر پیپر لیس، کیش لیس اور موجودگی سے کم بینکنگ کو قابل بنانا۔ سستی اختراع کا فائدہ اٹھاتے ہوئے اور عوام کے لیے بینکنگ کو آسان بنانے پر ایک مضبوط توجہ کے ساتھ، Ippb 13 زبانوں میں دستیاب ایک بدیہی انٹرفیس کے ذریعے ہندوستان کے 5.57 لاکھ گاؤں اور قصبوں میں 11 کروڑ صارفین کو آسان اور سستی بینکنگ حل فراہم کرتا ہے۔

  آئی پی پی بی کم نقدی والی معیشت کو فروغ دینے اور ڈیجیٹل انڈیا کے وژن میں تعاون کرنے کے لیے پرعزم ہے۔ ہندوستان تب ترقی کرے گا جب ہر شہری کو مالی طور پر محفوظ اور بااختیار بننے کا مساوی موقع ملے گا۔

ہم سے رابطہ کریں: www.ippbonline.com marketing@ippbonline.in

سوشل میڈیا ہینڈلز:

ٹویٹر - https://twitter.com/IPPBOnline

انسٹاگرام - https://www.instagram.com/IPPBonline

 

لنکڈ ان - https://www.linkedin.com/company/india-post-paymentsbank

فیس بک - https://www.facebook.com/IPPBonline

YouTube- https://www.youtube.com/@IndiaPostPaymentsBank

********

ش ح۔ ش ت ۔ رض

U-580

 

(Release ID: 2126996) Visitor Counter : 5