ویتنام کےتھانھ تام پاگوڈا میں بنھ چنھ ضلع کے ہوچی منھ سٹی میں واقع ایک لاکھ سے زائد عقیدت مندوں نے  بھگوان بودھ کے مقدس آثارکے درشن کئے۔ یہ مقدس آثار ہندوستان سے مرکزی وزیر جناب کرن رجیجو اور آندھرا پردیش کے وزیر جناب  کنڈولا درگیش کی قیادت میں ایک سرکاری وفد کے ذریعے لائے گئے، جن کے ہمراہ کچھ سینئر راہب اور حکام بھی تھے۔

صبح سویرے سے عقیدت مندوں نے اس اسٹوپا میں مسلسل حاضری دی، جس میں مقدس آثار موجود ہیں اور جو بھارت کے قومی خزانے کے طور پر پہچانا گیا ہے۔ ہفتہ کے روز تقریباً تین کلومیٹر طویل قطار لگی، جو ویتنامی عوام کے اندر گہری روحانی ہم آہنگی اور عقیدت کو اجاگر کرتی ہے۔

مقدس آثار، جن میں بھگوان بودھ (شکیمونی) کی کھوپڑی کا ایک حصہ شامل ہے، 1898 میں برطانوی آثار قدیمہ کے ماہر ولیم کلاکشٹن پیپے نے کپل وستو میں کھود نکالے تھے جو بھارت-نیپال سرحد کے قریب واقع ہے۔ یہ آثار سونے سے چمکائے گئے اسٹوپا میں محفوظ ہیں، جوکہ 1997 میں تھائی کاریگروں کے ذریعہ تیار کیا گیا تھا۔ جس کے بلند ترین مقام پر 109 گرام سونا موجود ہے اور یہ بودھ کے عالمی عزت و احترام کا ایک گواہ ہے۔

بھارتی فضائیہ کے طیارے پر منتقل کیے گئے، یہ مقدس آثار 2 مئی 2025 کو تان سن نات انٹرنیشنل ایئرپورٹ پر پہنچے اور انہیں تقریباً تھانھ تام پاگوڈا تک عزت و احترام کے ساتھ پہنچایا گیا۔ عوامی نمائش کے دوران ان آثار کی حفاظت کے سخت انتظامات کیے گئے ہیں، جو ان کی مذہبی اور سفارتی اہمیت کو ظاہر کرتے ہیں اور جو کسی ریاستی رہنما کے دورے کے مساوی سمجھی جاتی ہے۔

مقدس آثار 21 مئی 2025 تک ویتنام میں رہیں گے، جو اقوام متحدہ کے ویسک دن کی تقریبات کا حصہ ہیں۔ وہ اہم بودھ مت کے مقامات جیسے کہ با ڈین ماؤنٹین نیشنل ٹورِسٹ ایریا (تائی نن، کوان سو پگوڈا (ہنوئی)، اور تم چک پیگوڈا (ہا نم) کا سفر کریں گے، جس سے بھارت اور ویتنام کے درمیان روحانی اور ثقافتی تعلقات مزید مستحکم ہوں گے۔

اقوام متحدہ کا ویسک دن 2025، جس کا موضوع ’’انسانی وقار کے لیے اتحاد اور شمولیت: عالمی امن اور پائیدار ترقی کے لیے بودھ مت کی بصیرت‘‘ ہے، 6 سے 8 مئی تک منایا جائے گا۔ اس عالمی تقریب میں 85 ممالک اور علاقوں سے 1,200 سے زائد مندوبین کی شرکت متوقع ہے، جن میں ریاستی سربراہان، مذہبی رہنما، اور اسکالرز شامل ہیں۔

بھارت کی شرکت اور ان مقدس آثار کی میزبانی دونوں ممالک کے درمیان گہرے تہذیبی رشتے اور مشترکہ بودھ مت ورثے کی نمائندگی کرتی ہے۔

******

ش ح۔ ش ا ر۔ ول

Uno-548

(Release ID: 2126730) Visitor Counter : 16