لوک سبھا کے اسپیکر جناب اوم برلا نے آج کہا  ہےکہ بھارت  اور ازبکستان کے درمیان تاریخ اور ورثے کے لازوال تعلقات ہیں ۔ انہوں نے زور دے کر کہا کہ دونوں ممالک کے درمیان اس صدیوں پرانے  تعلقات اور تعاون کو روایتی شعبوں کے ساتھ ساتھ ڈیجیٹل ٹیکنالوجی ، مصنوعی ذہانت ، قابل تجدید توانائی اور جوہری توانائی جیسے ابھرتے ہوئے شعبوں میں وسعت دینے کی ضرورت ہے ۔ جناب برلا نے یہ  اظہار خیالات ازبکستان کے صدر  عزت مآب   شوکت مرزیوئیف کے ساتھ آج تاشقند میں بین پارلیمانی یونین کی 150 ویں اسمبلی کے موقع پر اپنی ملاقات کے دوران کئے ۔

بھارت  کی قدیم جمہوری روایات کو اجاگر کرتے ہوئے جناب برلا نے کہا کہ آئین کی رہنمائی میں ہ بھارت نے اپنی جمہوری اقدار کو مسلسل وسعت دی ہے اور سماجی شمولیت کو ترجیح دی ہے ۔ انہوں نے مزید کہا کہ بھارت نے اپنی مقامی سطح کی حکمرانی میں خواتین کے لیے 33 فیصد ریزرویشن کو یقینی بنا کر زمینی  سطح پر جمہوریت کو مضبوط کیا ہے ۔ جناب برلا نے بتایا کہ نئی پارلیمنٹ کی عمارت میں "ناری شکتی وندن ایکٹ" کو پہلے قانون کے طور پر متعارف کروا کر ، بھارت نے نہ صرف اپنی جمہوری اخلاقیات کے لیے اپنے عزم کا اعادہ کیا بلکہ ریاستی اور مرکزی قانون سازوں میں خواتین کی زیادہ نمائندگی کو بھی یقینی بنایا ۔ ہے۔

جناب برلا نے  اس بات کو بھی اجاگر کیا  کہ بھارت "واسودھیو کٹمبکم" (  یعنی دنیا ایک  کنبہ ہے) اور "سروجن ہیتایا" ( یعنی سب کی فلاح و بہبود کے لیے) کی اقدار ہ بھارتی  روایت کا لازمی  حصہ ہے  اور بھارت  کا آئین بھی ان اقدار سے  درخشاں  ہے ۔ اس بات کا ذکر کرتے ہوئے کہ پچھلے سال بھارت نے آئین کے  75 سال مکمل ہونے  کا جشن منایا ، جناب برلا نے کہا کہ بھارتی پارلیمنٹ کے ذریعے منظور کیے گئے متعدد   اہم  قانون بھارت میں وسیع پیمانے پر سماجی و اقتصادی تبدیلیوں کو سمجھنے میں اہم رہے ہیں ۔
حالیہ برسوں میں ہند-ازبکستان کے تعلقات کو اسٹریٹجک  شراکت داری  تک بڑھانے اور نئی جہتوں کے اضافے پر زور دیتے ہوئے جناب برلا نے اس بات  کو اجاگر کیا کہ دونوں ممالک نے معیشت ، دفاع ، تعلیم اور تجارت جیسے مختلف شعبوں میں تعاون کو مضبوط کیا ہے ۔ انہوں نے کہا کہ  بھارت  اب ازبکستان کے 10 سب سے بڑے تجارتی شراکت داروں میں سے ایک ہے ۔ جناب برلا نے باہمی مفادات پر خیالات کے تبادلے اور عوام سے عوام کے رابطوں کو مستحکم کرنے کے لیے دونوں پارلیمانوں کے درمیان پارلیمانی تعاون بڑھانے کی اہمیت پر بھی روشنی ڈالی ۔ انہوں نے پارلیمانی تبادلوں کو فروغ دینے کی تجویز پیش کی تاکہ دونوں ممالک کے عہدیداروں کو ایک دوسرے کے نظام اور بہترین طریقوں کو بہتر طور پر سمجھنے میں مدد ملے ۔

اس کے علاوہ ، جناب برلا نے ازبکستان میں ہندوستانی ثقافت ، خاص طور پر موسیقی ، رقص اور یوگا میں بڑھتی دلچسپی کے ساتھ ساتھ ازبک تعلیمی اداروں میں  بھارتی  طلباء کی بڑھتی ہوئی تعداد کو سراہا ۔ انہوں نے اس اعتماد کا  بھی اظہار کیا کہ  اس  ملاقات  سے  بھارت  اور ازبکستان کے درمیان سفارتی اور پارلیمانی تعلقات کو فروغ ملے گا   جو  کہ  باہمی تعاون کی کوششوں میں ایک نیا باب ہے ۔

جناب برلا اور ہندوستانی وفد کے ارکان نے تاشقند میں ہندوستان کے سابق وزیر اعظم جناب لال بہادر شاستری کے مجسمے پر پھولوں کی چادر چڑھائی ۔

لوک سبھا اسپیکر نے ازبکستان کو 150 ویں آئی پی یو  اسبلی  کے کامیاب  انعقاد پر مبارکباد د پیش کی۔

لوک سبھا اسپیکر جناب اوم برلا نے اتوار کو تاشقند میں 150 ویں آئی پی یو اسمبلی کے موقع پر ازبکستان کی اولی مجلس کی چیئرپرسن  عزت مآب محترمہ تانزلا نوربیوا سے بھی ملاقات کی ۔  انہوں نے اسمبلی کی کامیابی سے میزبانی کرنے اور ہندوستانی پارلیمانی وفد کا پرتپاک استقبال کرنے پر چیئرپرسن کو مبارکباد دی ۔ مختلف شعبوں میں ازبکستان کی پیش رفت کا ذکر کرتے ہوئے جناب برلا نے  بھارت  اور ازبکستان کے درمیان بڑھتے ہوئےمضبوط سفارتی تعلقات پر  بھی روشنی ڈالی ۔

جناب برلا نے کہا کہ دونوں ممالک  آپس میں گہرے تاریخی روابط رکھتے ہیں اور انہوں نے ایس سی او ، اقوام متحدہ اور برکس جیسے مختلف کثیرجہتی فورموں میں تعاون کو فروغ دیا ہے ۔ جناب برلا نے روایتی شعبوں کے ساتھ ساتھ ڈیجیٹل ٹیکنالوجی ، مصنوعی ذہانت ، قابل تجدید توانائی اور جوہری توانائی جیسے ابھرتے ہوئے شعبوں میں تعاون بڑھانے کی اہمیت پر بھی زور دیا ۔

لوک سبھا اسپیکر کا بھارت اور اسرائیل کے  پارلمینٹ کے درمیان تعاون بڑھانے   کی اپیل

تاشقند میں ایک دن پہلے ، لوک سبھا اسپیکر جناب اوم برلا نے اسرائیلی پارلیمنٹ (پارلیمنٹ) کے اسپیکر عزت مآب   امیر اوہنا کے ساتھ دو طرفہ میٹنگ کی ۔ ۔ اس موقع پر جناب برلا نے اپریل 2023 میں نئی دہلی میں ان کی پچھلی ملاقات کی خوشگوار یادوں کو  یاد کیا اور اسرائیل کی ترقی میں  جناب  اوہانا کے غیر معمولی تعاون کو تسلیم کیا ۔

انہوں نے مشترکہ جمہوری اقدار اور باہمی امنگوں پر مبنی  بھارت  اور اسرائیل کے درمیان دیرینہ اسٹریٹجک شراکت داری پر روشنی ڈالی ۔ انہوں نے مزید کہا کہ دونوں ممالک نے ٹیکنالوجی ، زراعت اور دفاع جیسے مختلف شعبوں میں اعلی سطحی قائدانہ میٹنگوں اور باہمی تعاون کی کوششوں کے ذریعے اپنے تعلقات کو مضبوط کیا ہے ۔ انہوں نے بھارت  اور اسرائیل کے درمیان پارلیمانی  دوستانہ گروپ کے قیام کی ستائش کرتے ہوئے اسے پارلیمانی تعاون کو بڑھانے کی سمت میں ایک اہم قدم قرار دیا ۔

لوک سبھا اسپیکر نے ہندوستان اور قزاقستان کی پارلیمنٹ کے درمیان باضابطہ بات چیت اور بہترین عملے کے اشتراک کی اپیل کی

اتوار کو ، 150 ویں آئی پی یو اسمبلی کے موقع پر ، لوک سبھا اسپیکر جناب اوم برلا نے قزاقستان کی  مجلس (مزہلیس) کے چیئرپرسن جناب یرلان کوشانوف کے ساتھ  باہمی میٹنگ کی ۔ جناب برلا نے اس موقع پر قزا قستان کو اس کے آئین کی 30 ویں سالگرہ پر مبارکباد دی اور اس بات پر روشنی ڈالی کہ بھارت  نے بھی  پچھلے سال اپنے آئین کے 75 سال پورے کیے ، جو دونوں ممالک کے جمہوری سفر میں ایک اہم سنگ میل ہے ۔

انہوں نے اس بات پر بھی زور دیا کہ پچھلے 75 سالوں میں بھارت  کی ترقی آئینی اقدار کی رہنمائی میں ہوئی ہے جس کا مقصد ایک فلاحی ریاست کی تعمیر ہے ۔ جناب برلا نے تجویز پیش کی کہ ہندوستان اور قزاقستان کی پارلیمنٹ   بہترین طریقوں کے تبادلے اور تعاون کو بڑھانے کے لیے باقاعدہ ہ طور پر مکالمے قائم کریں ۔ انہوں نے دونوں ممالک کے درمیان اور  خاص طور پر دفاع ، سلامتی ، ڈیجیٹل ٹیکنالوجی ، توانائی اور خلا میں بڑھتے ہوئے  تعلقات  سمیت  سیاسی اور اقتصادی تعاون کو  بھی تسلیم کیا ، ۔

۔۔۔۔۔۔۔۔۔۔۔۔۔۔۔۔۔

ش ح۔ م م  ع۔ رض

Urdu No. 9م656