શું તમે ક્યારેય વિચાર્યું છે કે મશીન લર્નિંગ એન્જિનિયરિંગ સમસ્યાઓ હલ કરવાની રીતને કેવી રીતે બદલી શકે છે? અથવા તમે આ શક્તિશાળી સાધનનો ઉપયોગ ઉત્પાદન, ઊર્જા અથવા સ્માર્ટ ઇન્ફ્રાસ્ટ્રક્ચર જેવા ઉદ્યોગોમાં કાર્યક્ષમતા, નવીનતા અને નિર્ણય લેવાની પ્રક્રિયામાં સુધારો કરવા માટે કેવી રીતે કરી શકો છો? જો તમે એક એન્જિનિયર અથવા ટેક્નોલૉજિસ્ટ છો, જો તમારી કુશળતાને વધારવા માગો છો, તો એક રોમાંચક તક શોધવા માટે આગળ વાંચો.

આઇઆઇટી ગાંધીનગર (આઇઆઇટીજીએન)એ 'એપ્લિકેશન્સ ઓફ મશીન લર્નિંગ ઇન એન્જિનિયરિંગ' (એએમએલઇ)માં એક વિશિષ્ટ ઇ-માસ્ટર્સ ડિગ્રી પ્રોગ્રામ શરૂ કર્યો છે. જેનો ઉદ્દેશ વ્યાવસાયિકોને એન્જિનિયરિંગમાં મશીન લર્નિંગની સંભવિતતાનો ઉપયોગ કરવામાં મદદરૂપ થાય છે. આ પ્રોગ્રામ સહભાગીઓને પ્રક્રિયાઓમાં સુધારો કરવા, સિસ્ટમોને ઓપ્ટિમાઇઝ કરવા અને ઓટોમેશન, આગાહી જાળવણી અને ઊર્જા વ્યવસ્થાપન સહિતના વિવિધ ઇજનેરી ક્ષેત્રોમાં વાસ્તવિક પડકારોને ઉકેલવા માટે મશીન લર્નિંગ (એમએલ) તકનીકોને કેવી રીતે લાગુ કરવી તે શીખવવા માટે બનાવવામાં આવ્યો છે.

બે વર્ષનો આ ફ્લેક્સિબલ પ્રોગ્રામ વર્કિંગ પ્રોફેશનલ્સ માટે યોગ્ય છે, જે સ્વ-ગતિશીલ લર્નિંગ મોડ્યુલ્સની સાથે સાંજ અને સપ્તાહના અંતમાં લાઇવ ઇન્ટરેક્ટિવ સેશન ઓફર કરે છે. પ્રવેશ માટે ગેટ (GATE) લાયકાતની જરૂર પડતી નથી, જે કારકિર્દીને આગળ ધપાવવા ઇચ્છતા વિવિધ ઇજનેરો અને ટેક પ્રોફેશનલ્સ માટે સુલભ છે.

કેમિકલ એન્જિનિયરિંગના એસોસિએટ પ્રોફેસર અને પ્રોગ્રામ કોઓર્ડિનેટર, એએમએલઇના પ્રોફેસર પ્રત્યુષ દયાલના જણાવ્યા અનુસાર: "એન્જિનિયરિંગમાં મશીન લર્નિંગના એપ્લિકેશન્સમાં ઇ-માસ્ટર્સ ડિગ્રી પ્રોગ્રામ, એન્જિનિયરિંગમાં ડેટા-સંચાલિત તકનીકો લાગુ કરી શકે તેવા વ્યાવસાયિકોની વધતી માંગને પહોંચી વળવા માટે તૈયાર કરવામાં આવ્યો છે. સૈદ્ધાંતિક પાયાને હેન્ડ્સ-ઓન લર્નિંગ સાથે સંકલિત કરીને, આ પ્રોગ્રામ સહભાગીઓને વાસ્તવિક ઇજનેરી પડકારોનો સામનો કરવા અને એમએલ પદ્ધતિઓનો ઉપયોગ કરીને પ્રક્રિયાઓને ઓપ્ટિમાઇઝ કરવા માટે તૈયાર કરશે."

અભ્યાસક્રમ ઉદ્યોગના નિષ્ણાતોના ઇનપુટ સાથે ડિઝાઇન કરવામાં આવ્યો છે, જે મૂળભૂત જ્ઞાન અને હેન્ડ્સ-ઓન એપ્લિકેશન્સ બંને પર ધ્યાન કેન્દ્રિત કરે છે. સહભાગીઓ બે ઉદ્યોગ-સંચાલિત કેપસ્ટોન પ્રોજેક્ટ્સ પર કામ કરશે, જે એન્જિનિયરિંગ સોલ્યુશન્સમાં એમએલ લાગુ કરવામાં વાસ્તવિક અનુભવ મેળવશે. આ કાર્યક્રમ માર્ગદર્શન, કારકિર્દી સહાય અને આઇઆઇટી ગાંધીનગરના ભૂતપૂર્વ વિદ્યાર્થીઓનો દરજ્જો પણ પૂરો પાડે છે, જે સહભાગીઓને તેમના વ્યાવસાયિક નેટવર્ક અને તકો વિકસાવવામાં મદદ કરે છે.

મશીન લર્નિંગ એન્જિનિયરિંગમાં સતત થતા પરિવર્તનથી આ પ્રોગ્રામનો હેતુ પરંપરાગત એન્જિનિયરિંગ અને આધુનિક કમ્પ્યુટેશનલ તકનીકો વચ્ચેના અંતરને દૂર કરવાનો છે. ઝડપથી વિકસતા ઇજનેરી લેન્ડસ્કેપમાં આગળ રહેવાનો આ એક ઉત્તમ માર્ગ છે.

નોંધણી કરવામાં રસ ધરાવતા લોકો માટે એપ્લિકેશન પોર્ટલ ખુલ્લું છે અને પ્રથમ બેચ ઓગસ્ટ 2025માં શરૂ થશે. લાયકાત અને કેવી રીતે અરજી કરવી તેની વધુ માહિતી માટે મુલાકાત લોઃ આઇઆઇટી ગાંધીનગર ઇ-માસ્ટર્સ.

AP/IJ/GP/JD

(Release ID: 2117851) Visitor Counter : 52