ઇન્ડિયન ઇન્સ્ટિટ્યૂટ ઓફ ટેકનોલોજી ગાંધીનગર (આઇઆઇટીજીએન) એમયુબીઆઇ અને એલાયન્સ ફ્રાન્કેઇસ, અમદાવાદના સંયુક્ત ઉપક્રમે આઇઆઇટીજીએન કેમ્પસમાં 29-31 માર્ચ, 2025 દરમિયાન Art@IITGN ફિલ્મ ફેસ્ટિવલની બીજી આવૃત્તિનું આયોજન કરશે. આ પ્રતિષ્ઠિત ઇવેન્ટ Art@IITGN પહેલનો એક ભાગ છે, જેનો ઉદ્દેશ કેમ્પસની અંદર અને વ્યાપક સમુદાય એમ બંનેમાં કલાત્મક જોડાણને પ્રોત્સાહન આપવાનો છે.

પ્રસિદ્ધ ફિલ્મ નિર્માતા ડોન પલાથારા દ્વારા આયોજિત આ ફેસ્ટિવલમાં આંતરરાષ્ટ્રીય સિનેમા, સ્વતંત્ર ભારતીય ફિચર્સ, ફ્રેન્ચ ન્યૂ વેવ ક્લાસિક અને વિવેચકો દ્વારા વખણાયેલી શોર્ટ ફિલ્મોની વૈવિધ્યસભર અને આકર્ષક લાઇનઅપ પ્રદર્શિત કરવામાં આવશે. સ્ક્રીનિંગ ઉપરાંત, આ ફેસ્ટિવલમાં અગ્રણી ફિલ્મ નિર્માતાઓ, સિનેમેટોગ્રાફર્સ અને અન્ય ઉદ્યોગ વ્યાવસાયિકો સાથે સમૃદ્ધ માસ્ટરક્લાસ, પેનલ ડિસ્કશન અને ઇન્ટરેક્ટિવ સેશન્સની શ્રેણીનું આયોજન કરવામાં આવશે.

આ કાર્યક્રમમાં મુખ્ય  પુષ્પેન્દ્ર સિંહ દ્વારા અભિનેતાઓનું દિગ્દર્શન કરવા અને તોજો ઝેવિયર દ્વારા સિનેમેટોગ્રાફી પર માસ્ટરક્લાસ સામેલ છે. એક પેનલ ડિસ્કશનમાં આહનાસ મુહમ્મદ સાથેની વાતચીતમાં સુમંત ભટ, જીથિન આઇઝેક થોમસ, નિથ્યાન માર્ટિન અને હિમાદ્રી મહેશ જોવા મળશે. આ ઉપરાંત સુભદ્રા મહાજન શ્રીજીથા ચેરુવુપલ્લી સાથે પણ ચર્ચામાં જોડાશે.

આઇઆઇટીજીએન કેમ્પસમાં ત્રણ સ્થળોએ ફિલ્મ સ્ક્રીનિંગનું આયોજન કરવામાં આવશે, જેમાં જિબાબેન પટેલ (કનીસા) મેમોરિયલ ઓડિટોરિયમ, એકેડેમિક બ્લોક 10/103 અને નવા સ્થપાયેલા પીસી (પંચાંગના)નો સમાવેશ થાય છે. એમયુબીઆઈના સહયોગથી, આ ફેસ્ટિવલ રાષ્ટ્રવ્યાપી યુનિવર્સિટીના વિદ્યાર્થીઓને વિશેષ લાભ પણ પૂરો પાડે છે, જે તેમને સ્ટ્રીમિંગ પ્લેટફોર્મ પર 60-દિવસનું મફત સબ્સ્ક્રિપ્શન પ્રદાન કરે છે. આ ઉપરાંત વિડિયો આર્ટ પર એક ખાસ કાર્યક્રમનું પણ આયોજન કરવામાં આવ્યું છે, જેમાં મીઠુ સેન, ગીગી સ્કેરિયા, રિયાસ કોમુ, સુમેધ રાજેન્દ્રન અને રામિથ કુન્હીમંગલમ જેવા કલાકારોની કૃતિઓ રજૂ કરવામાં આવશે. કુન્હિમંગલમ પણ આ મહોત્સવમાં રૂબરૂ હાજરી આપશે.

પ્રો.જેસન એ મંજલી, જસુભાઈ મેમોરિયલ ચેર પ્રોફેસર, હ્યુમેનિટીઝ એન્ડ સોશિયલ સાયન્સિસ (કોગ્નિટિવ એન્ડ બ્રેઇન સાયન્સિસ ડિપાર્ટમેન્ટ સાથે સંયુક્ત રીતે) ફેસ્ટિવલ ડિરેક્ટર તરીકે સેવા આપી રહ્યા છે, અને ટોની ઝેવિયર અને હિમાંશુ કોઠારી અનુક્રમે ફેસ્ટિવલ કો-ઓર્ડિનેટર અને ડિઝાઇન અને માર્કેટિંગ હેડ છે.

ઇવેન્ટ અને સંપૂર્ણ શેડ્યૂલ વિશે વધુ માહિતી માટે, કૃપા કરીને મુલાકાત લો: https://art.iitgn.ac.in/film-festival-2-0.

(Release ID: 2116478) Visitor Counter : 49