نیتی آیوگ کے معزز ممبر ڈاکٹر اروند ورمانی نے 28 مارچ 2025 کو نئی دہلی میں مالی سال 2025 کی سہ ماہیII (جولائی تا ستمبر) کے لیے’’ٹریڈ واچ سہ ماہی‘‘ اشاعت کا دوسرا ایڈیشن جاری کیا۔

سہ ماہی کے لیے ہندوستان کی تجارتی پوزیشن کا ایک جامع تجزیہ پیش کرنے کے علاوہ، یہ ایڈیشن ٹیکسٹائل کے شعبے کا جائزہ لیتا ہے، جو برآمدی فروغ، روزگار کی تخلیق، خواتین کو بااختیار بنانے، اور ہندوستان کے بھرپور ورثے اور ثقافت کی نمائندگی کے ذریعے اقتصادی ترقی میں کلیدی معاون ہے۔

مالی سال‘25  کی دوسری سہ ماہی کے دوران، ہندوستان کی تجارتی کارکردگی بدستور برقرار ہے، 2023 کی اسی مدت کے مقابلے اپریل-ستمبر 2024 میں کل تجارت میں 5.67 فیصد کے ساتھ مسلسل اضافہ ہوا ہے۔ برآمدات کی ساخت پچھلی سہ ماہی کے مقابلے میں کافی حد تک مستحکم رہی، الیکٹریکل مشینری اور نیوکلیئر ری ایکٹرز کی برآمدات میں سال بہ سال اضافے کے ساتھ، جبکہ معدنی ایندھن اور لوہے اور اسٹیل میں مالی سال 25 کی دوسری سہ ماہی میں سال بہ سال کمی دیکھی گئی۔ علاقائی طور پر، شمالی امریکہ اور یورپییونین ہندوستان کی برآمدات پر حاوی ہیں، جو تقریباً 40 فیصد ہیں، جب کہ شمال مشرقی ایشیا اور مغربی ایشیا اہم درآمدی ذرائع ہیں۔

ٹریڈ واچ سہ ماہی کا یہ ایڈیشن ہندوستان کے ٹیکسٹائل سیکٹر کا بھی جائزہ لیتا ہے، ایک ایسا شعبہ جو صنعتی پیداوار، روزگار، اور برآمدی آمدنی میں نمایاں رول ادا کر رہا ہے۔ ہندوستان دنیا کے ٹاپ 10 برآمد کنندگان میں سے ایک ہے اور ہندوستان کا عالمی تجارت میں 4فیصد حصہ ہے۔

ہندوستان قدرتی فائبر پر مبنی ٹیکسٹائل، خاص طور پر کپاس اور قالینوں میں مسابقت رہتا ہے، جو اس کی ٹیکسٹائل کی برآمدات کا تقریباً 70فیصدحصہ ہے۔ جب کہ ملک نے تاریخی طور پر قدرتی فائبر پر مبنی ٹیکسٹائل میں شاندار کارکردگی کا مظاہرہ کیا ہے، عالمی منڈی دستکاری اور تکنیکی ٹیکسٹائل کی طرف بڑھ رہی ہے اور یہ تبدیلی ہندوستان کے لیے اپنی برآمدات کو متنوع بنانے، قدر میں اضافے اور سپلائی چین کے انضمام کو مضبوط کرنے کا موقع فراہم کرتی ہے۔

اس موقع پر خطاب کرتے ہوئے، ڈاکٹر ورمانی نے ایک جامع تجارتی اشاعت کے ساتھ آنے کے لیے پوری ٹیم کو مبارکباد دی اور کہا کہ مستقبل ان معیشتوں کا ہے جو موافقت پذیر ہوں، اور ہندوستان کا تجارتی منظرنامہ جرات مندانہ پیش رفت کے ساتھ بدل رہا ہے۔ انہوں نے ذکر کیا کہ اس کے کلیدی شعبوں میں، ٹیکسٹائل ہندوستان کی صنعتی ترقی اور عالمی تجارت کے ایک ستون کے طور پر کھڑے ہیں۔

ڈاکٹر ورمانی نے تکنیکی ٹیکسٹائل اور ملبوسات کی برآمدات کی بڑھتی ہوئی عالمی طلب کو حل کرنے کی اہمیت پر بھی روشنی ڈالی، جہاں مانگ کا کافی حصہ مرکوز ہے۔ انہوں نے ابھرتی ہوئی جغرافیائی سیاسی پیشرفتوں کے درمیان عالمی تجارت پر گہری نظر رکھنے کی اہمیت پر بھی زور دیا۔ مزید برآں، انہوں نے نوٹ کیا کہ اس اشاعت کے نتائج پالیسی سازوں، صنعت کے رہنماؤں، اور ماہرین تعلیم کے لیے قابل قدر معلومات فراہم کرتے ہیں، جو ہندوستان کی تجارتی حکمت عملیوں کو بڑھانے کے لیے ایک مضبوط بنیاد کے طور پر کام کرتے ہیں۔

مکمل اشاعت کے لئے یہاں سے رسائی حاصل کی جا سکتی ہے: https://www.niti.gov.in/sites/default/files/2025-03/Trade-Watch-Quarterly-%28July-September%5BQ2%5D-FY25%29.pdf

۔۔۔۔۔۔۔۔۔۔۔

ش ح۔ع و۔ن  م۔

U-9135

                          

(रिलीज़ आईडी: 2116291) आगंतुक पटल : 35