પ્રથમ વર્લ્ડ ઓડિયો વિઝ્યુઅલ એન્ડ એન્ટરટેઈનમેન્ટ સમિટ (WAVES), મીડિયા એન્ડ એન્ટરટેઈનમેન્ટ (એમએન્ડઈ) ક્ષેત્ર માટે એક સીમાચિહ્નરૂપ ઇવેન્ટ છે, જેનું આયોજન ભારત સરકાર દ્વારા 1 થી 4 મે, 2025 દરમિયાન કરવામાં આવશે. WAVES ભારતની રચનાત્મક શક્તિને વધારવા માટે તૈયાર છે, જે કન્ટેન્ટ સર્જન, બૌદ્ધિક સંપત્તિ અને તકનીકી નવીનતા માટેના કેન્દ્ર તરીકેની તેની સ્થિતિને વિસ્તૃત કરશે. ઉદ્યોગો અને ક્ષેત્રો પર ધ્યાન કેન્દ્રિત કરવામાં આવ્યું છે જેમાં બ્રોડકાસ્ટિંગ, પ્રિન્ટ મીડિયા, ટેલિવિઝન, રેડિયો, ફિલ્મો, એનિમેશન, વિઝ્યુઅલ ઇફેક્ટ્સ, ગેમિંગ, કોમિક્સ, સાઉન્ડ અને મ્યુઝિક, એડવર્ટાઇઝિંગ, ડિજિટલ મીડિયા, સોશિયલ મીડિયા પ્લેટફોર્મ્સ, જનરેટિવ એઆઇ, ઓગમેન્ટેડ રિયાલિટી (એઆર), વર્ચ્યુઅલ રિયાલિટી (વીઆર) અને એક્સટેન્ડેડ રિયાલિટી (એક્સઆર)નો સમાવેશ થાય છે.

વેવ્સ એક્સઆર ક્રિએટર હેકાથોન (એક્સસીએચ) એક અગ્રણી પડકાર છે, જે સમગ્ર ભારતના ડેવલપર્સને ઓગમેન્ટેડ અને વર્ચ્યુઅલ રિયાલિટીમાં નવી સરહદો શોધવા માટે આમંત્રિત કરે છે. વેવલેપ્સ, ભારતએક્સઆર અને એક્સડીજી દ્વારા માહિતી અને પ્રસારણ મંત્રાલયની ભાગીદારીમાં આયોજિત એક્સસીએચ (XCH) અત્યાધુનિક નવીનતાઓ માટે લોન્ચપેડ તરીકે કામ કરે છે. જે ટેકનોલોજી સાથે માનવીય આદાનપ્રદાનને પુનઃવ્યાખ્યાયિત કરે છે. ભાગ લેનારાઓને વર્લ્ડ ઓડિયો વિઝ્યુઅલ એન્ડ એન્ટરટેઇનમેન્ટ સમિટ (વેવ્સ) 2025માં તેમના સ્વપ્નદ્રષ્ટા ઉકેલો પ્રસ્તુત કરવાની તક મળશે.

XR અને 3D વિઝ્યુલાઇઝેશનથી યોગ બની રહ્યા છે સ્માર્ટ

હવે તમને એક્સટેન્ડેડ રિયાલિટી (XR) ટેકનોલોજીથી યોગાભ્યાસમાં માર્ગદર્શન મળશે. જ્યારે યોગ સમગ્ર વિશ્વમાં તંદુરસ્તી અને માનસિક શાંતિનું પ્રતીક બની ગયું છે, ત્યારે 36% યોગ સાધકોને ખોટી મુદ્રાને કારણે પીડા અને અન્ય સમસ્યાઓનો સામનો કરવો પડે છે. પરંતુ હવે, એક્સટેન્ડેડ રિયાલિટી (XR) ટેકનોલોજી આ સમસ્યાનો ઉકેલ લાવવા માટે તૈયાર છે!

XR ક્રિએટર હેકાથોન: જ્યાં ઈનોવેશનને રાષ્ટ્રીય પ્લેટફોર્મ મળે છે

આ પડકારનો ઉકેલ પોઝપરફેક્ટ (PosePerfect) છે - એક AI-સક્ષમ "યોગ સૂર્યનમસ્કાર પોઝ કરેક્શન" સિસ્ટમ જે વપરાશકર્તાઓને રીઅલ-ટાઇમ ફીડબેક અને મુદ્રા સુધારણા આપે છે. પરંતુ પ્રશ્ન એ છે કે, તેમને આવી નવીન ટેકનોલોજી વિકસાવવાની તક કેવી રીતે મળી?

જવાબ છે XR ક્રિએટર હેકાથોન - એક અનોખી પહેલ જે ભારતના આશાસ્પદ XR ડેવલપર્સ અને ઇનોવેટર્સને રાષ્ટ્રીય સ્તરનું પ્લેટફોર્મ પૂરું પાડી રહી છે. આ હેકાથોનનું આયોજન વેવલેપ્સ (Wavelaps) દ્વારા માહિતી અને પ્રસારણ મંત્રાલય સાથે ભાગીદારીમાં WAVES પહેલ હેઠળ કરવામાં આવ્યું છે. ભારતમાં ઇમર્સિવ ટેકનોલોજીના ક્ષેત્રમાં અગ્રણી સોલ્યુશન પ્રદાતા અને માહિતી અને પ્રસારણ મંત્રાલયના ઉદ્યોગ ભાગીદાર વેવલેપ્સ, આ હેકાથોન દરમિયાન ફાઇનલિસ્ટ ટીમોને ટેકનોલોજી અને કન્સલ્ટિંગ માર્ગદર્શન પૂરું પાડી રહ્યા છે.

આ પ્લેટફોર્મે પોઝપરફેક્ટ જેવી ઘણી ટીમોને રાષ્ટ્રીય સ્તરે માન્યતા તો આપી છે જ, પરંતુ તેમને સતત માર્ગદર્શન, ટેકનિકલ સપોર્ટ અને નિષ્ણાત માર્ગદર્શન પણ પૂરું પાડ્યું છે. પરિણામે, પોઝપરફેક્ટ હવે ફાઇનલમાં પહોંચી ગયું છે, જે 1 થી 4 મે દરમિયાન WAVES Jio વર્લ્ડ કન્વેન્શન સેન્ટર, મુંબઈ ખાતે યોજાશે!

પોઝપરફેક્ટ: AI અને 3D વિઝ્યુલાઇઝેશનથી યોગને બનાવશે સલામત અને અસરકારક

પોઝપરફેક્ટ ટીમ - શામા કિરણ (ટીમ લીડ), દીપ્તિ કરણી, દિયા થલાંકી અને કૃતિ ભારદ્વાજ - એ AI-સંચાલિત યોગ મુદ્રા કરેક્શન સિસ્ટમ વિકસાવી છે જે પોઝનેટ, 3D વિઝ્યુલાઇઝેશન અને રીઅલ-ટાઇમ ફીડબેકનો ઉપયોગ કરીને યોગ મુદ્રાઓને વધુ અસરકારક અને સુરક્ષિત બનાવે છે.

આ સિસ્ટમ યૂઝર્સના પોસ્ચરને ટ્રેક કરે છે અને બ્લેન્ડર-એનિમેટેડ 3D અવતાર દ્વારા યોગ્ય મુદ્રા દર્શાવે છે. આનાથી યોગાભ્યાસુઓને ડાયરેક્ટ ઓન-સ્ક્રીન સુધારણા અને શારીરિક સંરેખણ (alignment)ની સટીક જાણકારી મળે છે, જેનાથી ખોટા પોસ્ચરને કારણે થનારી ઈજાઓને રોકી શકાય છે.  

ભારતએક્સઆર અને એક્સડીજીનું મહત્વપૂર્ણ યોગદાન

આ ઈનોવેટિવ સફરમાં Wavelapsને ભારતના બે ટોચના XR સમુદાયો - ભારતXR અને XDG –નો પણ ટેકો મળ્યો છે. આ સમુદાયોએ માત્ર ટેકનિકલ ઇનપુટ અને નિષ્ણાત માર્ગદર્શન પૂરું નથી પાડ્યું, પરંતુ સહભાગીઓને વ્યવહારુ અનુભવ અને XRમાં નવીનતમ સાધનોની ઍક્સેસ પણ આપી છે.

હવે નજર ફાઇનલ પર! કોણ વિજેતા બનશે?

પોઝપરફેક્ટ જેવી ટીમોની સફળતા સાબિત કરે છે કે XR ક્રિએટર હેકાથોન માત્ર એક સ્પર્ધા નથી પરંતુ ભારતમાં એક્સટેન્ડેડ રિયાલિટી (XR) નવીનતાને નવી ઊંચાઈઓ પર લઈ જવાનું એક મિશન છે.

હવે બધાની નજર 1-4 મેના રોજ WAVES, Jio વર્લ્ડ કન્વેન્શન સેન્ટર, મુંબઈ ખાતે યોજાનાર ગ્રાન્ડ ફિનાલે પર છે. અહીં પોઝપરફેક્ટ અને દેશભરની અન્ય ટોચની XR ટીમો અંતિમ વખત તેમના ઈનોવેશનનું પ્રદર્શન કરશે અને XR ટેકનોલોજીના ભવિષ્યને આકાર આપશે!

Project demo video: https://drive.google.com/file/d/1lG7JSM9eny_simtMU983O_KwrQ0tOwfN/view?usp=sharing

વધુ વિગતો જાણવા માટે અહીં ક્લિક કરો

AP/IJ/GP/JD

(Release ID: 2115312) Visitor Counter : 63