بھارت میں بیورو آف انڈین اسٹینڈرڈز (بی آئی ایس)  مصنوعات اور خدمات کے معیار کو یقینی بنانے کے لیے وقف  ہے۔ بی آئی ایس کے ذریعے وضع کردہ بھارتی معیارات مصنوعات کی سرٹیفکیشن اسکیموں کے لیے بنیاد فراہم کرتے ہیں، جو صارفین کو مصنوعات کے معیار کی تیسرے فریق سے تصدیق فراہم کرتے ہیں۔ ملک کے معیار کے ماحولیاتی نظام کو مستحکم کرنے کے لیے بھارت کی حکومت نے مختلف کوالٹی کنٹرول آرڈرز (کیو سی اوز) جاری کیے ہیں، جو مختلف مصنوعات بشمول صنعتوں اور تعمیراتی شعبوں کے لیے بی آئی ایس سرٹیفکیشن کی ضرورت کو لازمی بناتے ہیں۔ بی آئی ایس ایکٹ 2016 کی دفعات کے تحت، بی آئی ایس سرٹیفکیشن کے لیے لازمی مصنوعات کو متعلقہ ریگولیٹر یا بھارتی حکومت کی  متعلقہ وزارت کے ذریعے کوالٹی کنٹرول آرڈرز (کیو سی اوز) کے تحت مختلف وجوہات کی بنا پر نوٹیفائی کیا جاتا ہے، جیسے عوامی مفاد، انسانی، جانوری یا نباتاتی صحت کا تحفظ، ماحولیاتی تحفظ، غیر منصفانہ تجارتی طریقوں کی روک تھام اور قومی سلامتی۔ کیو سی اوز کے اجراء کے ذریعے، نوٹیفائی کردہ مصنوعات متعلقہ بھارتی معیارات کے تقاضوں بشمول حفاظتی معیارات کے مطابق ہوں گی اور ان مصنوعات کے تیار کنندگان کو بی آئی ایس سے سرٹیفکیشن حاصل کرنا لازمی ہوگا۔ اب تک، مختلف ریگولیٹرز اور بھارتی حکومت کی وزارتوں کے ذریعے بی آئی ایس کے لیے لازمی سرٹیفکیشن کے لیے 769 مصنوعات پر مشتمل 187 کوالٹی کنٹرول آرڈرز نوٹیفائی کیے گئے ہیں، جن کی فہرست یہاں دستیاب ہے: https://www.bis.gov.in/product-certification/products-under-compulsory-certification/.

مزیدبرآں، درج ذیل دو افقی  کیوسی اوز صرف مصنوعات کے حفاظتی پہلوؤں کے لیے بھی بھارتی حکومت نے نوٹیفائی کیے ہیں:

1. گھریلو، تجارتی اور اسی طرح کے برقی آلات کی حفاظت (معیار کنٹرول) حکم، 2024 وزارت تجارت و صنعت کے تحت صنعت و داخلی تجارت کے فروغ کے محکمے کی طرف سے جاری کیا گیا۔ اس کیوسی او کے ذریعے، تمام برقی آلات جو گھریلو، تجارتی یا اسی طرح کی ایپلی کیشنز کے لیے مخصوص ہیں اور جن کی درجہ بندی وولٹیج 250 وولٹ سنگل فیز الٹرنیٹنگ  کرنٹ یا 415 وولٹ تھری فیز الٹرنیٹنگ  کرنٹ سے تجاوز نہیں کرتی اور جو بھارتی معیارات ایکٹ کے تحت کسی دوسرے معیار کنٹرول حکم کے دائرہ کار میں نہیں آتے، بی آئی ایس کے لازمی سرٹیفکیشن کے تحت آتے ہیں۔
2. مشینری اور برقی آلات کی حفاظت (جامع تکنیکی ضابطہ) حکم، 2024 وزارت بھاری صنعتیں، بھارتی حکومت کی طرف سے جاری کیا گیا۔ اس کیو سی او کے ذریعے، مشینری اور برقی آلات کی 20 کیٹیگریز اور ان کے سب اسمبلی / اجزاء بی آئی ایس کے لازمی سرٹیفکیشن کے تحت آتے ہیں۔

بی آئی ایس کے برانچ دفاتر نے گوالیار، حیدرآباد، چندی گڑھ، ہبلی، چنئی، دہرادون جیسے مختلف شہروں میں کام کی جگہ پر لیبر سیفٹی کے موضوع پر مانک منتھن کا انعقاد کیا۔ ان سیشنز نے  فریقوں  بشمول سرکاری اداروں، صنعتوں اور معیاری تنظیموں کے درمیان کام کی جگہ پر حفاظتی طریقوں کو بہتر بنانے اور لیبر سیفٹی کے معیارات کے بارے میں بیداری پیدا کرنے اور ان کے نفاذ کو فروغ دینے میں سہولت فراہم کی۔

کام کی جگہ کی حفاظت پیشہ ورانہ صحت کا ایک اہم جز ہے، ملازمین کی فلاح و بہبود کو یقینی بناتا ہے اور ان خطرات کو کم کرتا ہے جو چوٹوں یا ہلاکتوں کا باعث بن سکتے ہیں۔ نئے وضع کردہ حفاظتی معیارات کا تعارف اور ان  پر عمل درآمد کام کی جگہ کے خطرات کو کم کرنے کے لیے جامع رہنما خطوط فراہم کرتے ہیں ۔ بیورو آف انڈین اسٹینڈرڈز (بی آئی ایس) نے مجموعی طور پر پیشہ ورانہ صحت اور حفاظت (او ایچ ایس)، کارکنوں کی حفاظت اور کام کرنے کے محفوظ ماحول کو فروغ دینے کے لیے سانس کی حفاظت، گرنے سے بچاؤ، اور آگ سے  تحفظ  سے متعلق مختلف  بھارتی  معیارات قائم کیے ہیں۔

1. سانس کے تحفظ کے معیارات اور پیشہ ورانہ صحت اور حفاظت میں ان کا کردار: کان کنی، تعمیرات، کیمیکل پروسیسنگ، اور صحت کی دیکھ بھال جیسی صنعتوں میں سانس کا تحفظ انتہائی اہم ہے، جہاں کارکنوں  کو  فضائی   آلودگیوں کا سامنا کرنا پڑتا ہے۔ سانس کے حفاظتی آلات کے لیے ہندوستانی معیارات (آئی ایس) اس بات کو یقینی بناتے ہیں کہ کارکنوں کو اعلیٰ معیار کے حفاظتی آلات تک رسائی حاصل ہو، جس سے سانس کی بیماریوں کا خطرہ کم ہوتا ہے۔ سانس کے تحفظ میں کلیدی   بھارتی  معیارات ذیل میں دیئے گئے ہیں۔

1. آئی ایس 9473: 2002– سانس کے حفاظتی آلات — ذرات سے بچانے کے لیے ہاف   ماسک کو فلٹر کرنا۔
2. آئی ایس 14166: 1994- سانس کے حفاظتی آلات - خود ساختہ اوپن سرکٹ کمپریسڈ  ایئربریدنگ  آلہ ۔
3. آئی ایس 14746: 1999– سانس کے حفاظتی آلات – خود ساختہ  کلوزڈ  سرکٹ  بریدنگ آلہ ۔
4. آئی ایس 15803: 2008- سانس کے حفاظتی آلات – پاورڈ  فلٹرنگ آلات جن میں ہیلمٹ یا ہڈ شامل ہے۔
5. آئی ایس 10245 (پارٹ 1): 1996– سانس کے حفاظتی آلات – خود ساختہ سانس لینے کا آلہ ۔
6. آئی ایس 10245 (پارٹ 2): 2023– صنعتی اور آگ بجھانے کا خود ساختہ سانس لینے کا  آلہ ۔
7. آئی ایس 10245(پارٹ 3): 1999– سانس کے حفاظتی آلات – کیمیائی آکسیجن  آلہ ۔
8. آئی ایس 10245 (پارٹ 4): 1982– سانس کے حفاظتی آلات – صنعتی اور کان کنی کے آکسیجن ریسپریٹر۔

2. گرنے سے بچاؤ کے معیارات اور پیشہ ورانہ صحت اور حفاظت میں ان کا کردار: اونچائی سے گرنا کام کی جگہ پر ہونے والی اموات اور چوٹوں کی ایک بڑی وجہ ہے۔ آئی ایس 3521 سیریز صنعتوں جیسے تعمیرات، مینوفیکچرنگ، اور گودام میں خطرات کو کم کرنے کے لیے  گرنےسے بچانے کے   ذاتی   تحفظ کے نظام پر رہنما خطوط فراہم کرتی ہے۔ گرنےکے واقعات کی  روک تھام میں کلیدی  بھارتی  معیارات درج ذیل ہیں:

1. آئی ایس 3521 (پارٹ 1): 2021 – مکمل باڈی ہارنسز۔
2. آئی ایس 3521 (پارٹ 2): 2021- لینیارڈز اور اینرجی  ایبزربرز۔
3. آئی ایس 3521 (پارٹ 3): 2000 –  سیلف ری ٹریکٹنگ لائف لائن ۔
4. آئی ایس 3521 (پارٹ 4): 2021– عمودی اینکریج سسٹمز۔
5. آئی ایس 3521 (پارٹ 5): 2021 – افقی اینکریج سسٹمز۔
6. آئی ایس 3521 (پارٹ 7): 2021 – کنیکٹر۔
7. آئی ایس 3521 (پارٹ 8): 2021 – بچاؤ کا سامان۔
8. آئی ایس 3521 (پارٹ 9): 2021 – اینکریج  آلات ۔

3. آگ سے تحفظ  کے معیارات اور پیشہ ورانہ صحت اور حفاظت میں ان کا کردار: آگ کام کی جگہ کی حفاظت کے لیے ایک اہم خطرہ ہے، خاص طور پر آتش گیر مواد کو سنبھالنے والی صنعتوں میں۔ آگ  سے  حفاظت کے سخت معیارات کا نفاذ اس بات کو یقینی بناتا ہے کہ کارکن جلنے، دھوئیں ، اور آگ سے متعلقہ دیگر خطرات سے مناسب طور پر محفوظ ہیں۔ فائر سیفٹی میں کلیدی  بھارتی  معیارات درج ذیل ہیں:

1. آئی ایس 16890: 2024 – آگ بجھانے والے عملہ کا  سوٹ۔
2. آئی ایس 16874: 2018 – آگ بجھانےوالے عملہ  کے دستانے۔
3. آئی ایس 15683: 2018 - آگ بجھانے والے آلات۔
4. آئی ایس 2745: 1983 – آگ بجھانےوالے عملہ  اور سول ڈیفنس کے اہلکاروں کے لیے غیر دھاتی ہیلمٹ۔
5. آئی ایس 18582 (پارٹ 6): 2024 – آگ بجھانے والے عملہ  کے ذریعے استعمال ہونے والے جوتے ۔

یہ معلومات صارفین کے امور، خوراک اور عوامی نظام تقسیم کی وزارت کے مرکزی وزیر مملکت جناب بی ایل ن ورما نے آج راجیہ سبھا میں ایک تحریری جواب  میں فراہم کیں۔

 

************

 

ش ح ۔   ف ا ۔  م  ص

 (U :  8864   )

(Release ID: 2114963) Visitor Counter : 19