پرپل فیسٹ 2025جسکا شدت  سے انتظار تھا، آج راشٹرپتی بھون میں معذور افراد کی بہبودکا محکمہ(ڈی پی ڈبلیو ڈی)، مرکزی وزارت سماجی انصاف و  تفویض اختیارات کے زیر اہتمام منعقد کیا گیا۔ یہ ایونٹ امرت اُدیان  میں شاندار جوش و خروش کے ساتھ شروع ہوا، جس میں 23,500 سے زائد شرکاء نے شرکت کی۔

یہ دن بھر جاری رہنے والا میلہ رنگا رنگ سرگرمیوں سے بھرپور رہا، جس میں ادبی مباحثے، کھیلوں کی سرگرمیاں اور کارپوریٹ شراکت داری شامل تھیں، جن کا مقصد ایک جامع اور ہم آہنگ معاشرے کو فروغ دینا تھا۔ اس فیسٹ نے شمولیت، خودمختاری اور صلاحیتوں کا جشن منایا، جہاں مختلف شعبوں سے تعلق رکھنے والے افراد، مفکرین اور کارپوریٹ شراکت دار ایک ساتھ آئے تاکہ دیویانگجن کے لیے ایک زیادہ قابل رسائی مستقبل کی تشکیل کی جا سکے۔

 صدرجمہوریہ ہندمحترمہ دروپدی مرمو نے اس موقع کی رونق بڑھائی اور دیویانگجن کی شاندار ثقافتی کارکردگی کو دیکھا،جو ان کی غیر معمولی ہمت اور صلاحیتوں کا عکاس تھی ۔(پریس ریلیز: یہاں دیکھیں: https://pib.gov.in/PressReleasePage.aspx?PRID=2113850).) ۔دیگر معزز شخصیات میں مرکزی وزیر برائے سماجی انصاف و  تفویض اختیارات، ڈاکٹر وریندر کمار اور وزیر مملکت(ایس جے اینڈ ای)، جناب بی ایل ورما بھی شامل تھے، جنہوں نے تقریب کو رونق بخشی۔

ڈاکٹر وریندر کمار نے اس موقع پر کارپوریٹ اور سوشل امپیکٹ اقدامات کا آغاز کیا، جو معذور افراد کے لیے نئے مواقع کے ایک دور کا آغاز ثابت ہوں گے۔ اس ایونٹ میں ٹاٹا پاور، امریکن انڈیا فاؤنڈیشن(اے آئی ایف)، ہنس انڈیا، ٹیک مہندرا فاؤنڈیشن اور دیگر اہم شراکت داروں کے ساتھ تاریخی شراکت داریوں کا مشاہدہ کیا گیا۔

یہ اشتراک دیویانگجن کی زندگیوں میں پائیدار مثبت تبدیلیاں لانے میں مدد دے گا، خاص طور پر تعلیم، ہنر سازی، روزگار، اور قابل رسائی ماحول کے فروغ کے ذریعے۔

اس موقع کی اہمیت میں مزید اضافہ کرتے ہوئے، متعدد مفاہمت ناموں  پر دستخط کیے گئے، جو قابل رسائی ماحول، اقتصادی خودمختاری اور جامع ترقی کے فروغ کے لیے اجتماعی عزم کا اعادہ کرتے ہیں۔

پرپل فیسٹ 2025 میں کئی دلچسپ سیشنز منعقد کیے گئے، جن میں ’میٹ دی ڈائرکٹر‘ اور ’آتھرز سیشنز‘ شامل تھے، جو ادبی زون کے تحت منعقد کیے گئے۔ ان سیشنز کا مقصد کہانی سنانے والوں اور فلم سازوں کی آوازوں کو اجاگر کرنا تھا۔مزید برآں، بلائنڈ کرکٹ، بوچا، اور وہیل چیئر باسکٹ بال جیسے حالات کے مطابق ڈھل جانے والے  کھیلوں کا بھی انعقاد کیا گیا، جنہوں نے دیویانگ ایتھلیٹس کی مہارت اور صلاحیتوں کو نمایاں کیا۔

************

ش ح ۔ ف ا ۔  م  ص

 (U:8714)

(Release ID: 2114006) Visitor Counter : 7