நாட்டின் பொருளாதார நிலை, தொழில்துறை முன்னேற்றம், இந்தியா- ஜப்பான் நாடுகளை பாதிக்கும் உலகளாவிய  காரணிகள்  போன்றவற்றில் கவனம் செலுத்துவது குறித்தும், எஃகுத் துறையில் இரு நாடுகளுக்குமிடையே ஒத்துழைப்பை வலுப்படுத்துவது குறித்தும் இருதரப்பு பேச்சு வார்த்தையில் விவாதிக்கப்பட்டன. இந்தியா, ஜப்பான் நாடுகளில் எஃகு தொழிலின் தற்போதைய நிலை, இந்தியாவில் உள்ள  தரக் கட்டுப்பாட்டு ஆணைகள் குறித்த தகவல்கள், சில நாடுகளில் கூடுதலாக உற்பத்தி செய்யப்படும் எஃகு காரணமாக ஏற்படும் விளைவுகள், திறன்  மேம்பாடு போன்ற அம்சங்களில் இரு நாடுகளும் இணைந்து செயல்படுவது குறித்து பேச்சுவார்த்தைகள் நடைபெற்றன.

இரு நாடுகளுக்கும் இடையே எஃகு உற்பத்தி துறையில் ஒத்துழைப்பை மேம்படுத்துவதற்காக மத்திய எஃகு அமைச்சகம் மற்றும் ஜப்பானின் பொருளாதாரம், வர்த்தகம் மற்றும் தொழில்துறை அமைச்சகங்களுக்கிடையே ஏற்கெனவே ஒத்துழைப்பு  குறித்த ஒப்பந்தம் கையெழுத்தாகியுள்ளது. எனினும், எஃகுத் துறையில் சீரமைக்கப்பட வேண்டிய நடவடிக்கைகள் காரணமாக மத்திய அரசின் குறுக்கீடுகள் ஏதுமின்றி எஃகு நிறுவனங்கள் வர்த்தக நலன் அடிப்படையில் முதலீடுகளுக்கான  முடிவுகளை மேற்கொள்கின்றன.

மாநிலங்களவையில் கேள்வி ஒன்றுக்கு எழுத்து மூலம் அளித்த பதிலில் எஃகு மற்றும் கனரகத் தொழில்கள் துறை இணையமைச்சர் திரு பூபதிராஜு சீனிவாச வர்மா இதனைத் தெரிவித்துள்ளார்.

***

(Release ID: 2113584)
TS/SV/AG/RR

(Release ID: 2113781) Visitor Counter : 21