மத்திய சுற்றுலா அமைச்சகம் 2014-15-ம் ஆண்டில் அடையாளம் காணப்பட்ட கருப்பொருள் அடிப்படையில் சுற்றுவழி  சுற்றுலா வசதிகளை மேம்படுத்தும் நோக்கத்துடன் தனது ஸ்வதேஷ் தர்ஷன் திட்டத்தை அறிமுகப்படுத்தியது. இதன் கீழ்  சுற்றுலா அமைச்சகம் நாட்டில் ரூ.5287.90 கோடி மதிப்பில் 76 திட்டங்களுக்கு ஒப்புதல் அளித்துள்ளது. நிலையான மற்றும் பொறுப்பான சுற்றுலாத் தலங்களை உருவாக்கும் நோக்கத்துடன் ஸ்வதேஷ் தர்ஷன் திட்டத்தை ஸ்வதேஷ் தர்ஷன் 2.0 (எஸ்டி 2.0) என அமைச்சகம் மாற்றியமைத்தது. எஸ்டி 2.0-ன் கீழ் ரூ .791.25 கோடிக்கு 34 திட்டங்களுக்கு ஒப்புதல் அளித்துள்ளது.

நாட்டில் உள்ள முக்கிய மற்றும் அதிகம் பிரபலமாகாத சுற்றுலாத் தலங்களுக்கு சாலை மற்றும் விமானம் உள்ளிட்ட இணைப்பை மேம்படுத்துவதற்காக சம்பந்தப்பட்ட தொடர்புடைய அமைச்சகங்கள் மற்றும் மாநில அரசுகளுடன் சுற்றுலா அமைச்சகம் தொடர்ந்து ஒருங்கிணைந்து செயல்பட்டு வருகிறது.

நாட்டின் வளமான கலாச்சார பாரம்பரியம், இயற்கை அழகு மற்றும் மாறுபட்ட இடங்களை ஆராய ஆர்வமுள்ள பயணிகள் மற்றும் பங்குதாரர்களுக்கான விரிவான ஆதாரமாக வியப்பூட்டும் இந்தியா டிஜிட்டல் தளத்தின் புதுப்பிக்கப்பட்ட பதிப்பை அமைச்சகம் 2024 செப்டம்பர் 27 அன்று அறிமுகப்படுத்தியுள்ளது. ஐ.ஐ.டி.பி.யின் புதிய அம்சங்களில் ஒன்று வியப்பூட்டும் இந்தியா உள்ளடக்க மையம் ஆகும். இது ஒரு விரிவான டிஜிட்டல் களஞ்சியமாகும். இதில் உயர்தர படங்கள், திரைப்படங்கள், பிரசுரங்கள் மற்றும் இந்தியாவில் சுற்றுலா தொடர்பான செய்திமடல்கள் ஆகியவற்றின் சிறந்த தொகுப்பு உள்ளது. சுற்றுலா ஏற்பாட்டாளர்கள், பத்திரிகையாளர்கள், மாணவர்கள், ஆராய்ச்சியாளர்கள், திரைப்பட இயக்குநர்கள், எழுத்தாளர்கள், உள்ளடக்க படைப்பாளர்கள் உள்ளிட்ட பல்வேறு தரப்பினரின் பயன்பாட்டிற்காக இந்தக் களஞ்சியம் வடிவமைக்கப்பட்டுள்ளது. நிகழ்நேர வானிலை முன்னெச்சரிக்கைகள், நகர ஆய்வு மற்றும் அத்தியாவசிய பயண சேவைகளை வழங்குவதன் மூலம் தனிப்பயனாக்கப்பட்ட பார்வையாளர் அனுபவங்களை ஐஐடிபி வழங்கும். விமானங்கள், ஹோட்டல்கள், ரயில்கள், பேருந்துகள் மற்றும் ஏ.எஸ்.ஐ நினைவுச் சின்னங்களுக்கான டிக்கெட்டுகளை தடையின்றி முன்பதிவு செய்வதற்காக பல ஆன்லைன் பயண முகவர்கள் மற்றும் சம்பந்தப்பட்டவர்களுடன் இந்த தளம் கூட்டு சேர்ந்துள்ளது.

மாநிலங்களவையில் இன்று கேள்வி ஒன்றுக்கு எழுத்து மூலம் அளித்த பதிலில் மத்திய சுற்றுலா மற்றும் கலாச்சாரத்துறை அமைச்சர் திரு. கஜேந்திர சிங் ஷெகாவத் இந்தத் தகவலைத் தெரிவித்தார்.

***

TS/PKV/RR/DL

(Release ID: 2113357) Visitor Counter : 20