بھاری صنعتوں کی وزارت (ایم ایچ آئی) ’’نیشنل پروگرام آن ایڈوانسڈ کیمسٹری سیل (اے سی سی) بیٹری اسٹوریج‘‘ کے نام سے پروڈکشن سے منسلک ترغیبی (پی ایل آئی) اسکیم کا انتظام کرتی ہے۔  اس اسکیم کے تحت، 2 سال کی جسٹیشن / نشوونما کی مدت کے بعد 5 سال کی مدت کے لیے 50 جی ڈبلیو ایچ (گیگاواٹ آور) کی صلاحیت کے لیے کل اخراجات (آؤٹ لے)  18,100 کروڑ روپے ہیں۔  پی ایل آئی کے چار مستفیدین کے لیے دو قسطوں میں کل 40 جی ڈبلیو ایچ مختص کیا گیا ہے۔  مزید برآں، جولائی 2024 میں ای جی او ایس کی سفارش کے مطابق، ایم ایچ آئی نے نئی اور قابل تجدید توانائی کی وزارت (ایم این آر ای) کی مشاورت سے گرڈ اسکیل اسٹیشنری اسٹوریج (جی ایس ایس ایس) ایپلی کیشنز کے لیے بقیہ 10 جی ڈبلیو ایچ صلاحیت کے لیے بولی کے دستاویزات کو حتمی شکل دینے کا عمل شروع کیا ہے۔  اسکیم کی تفصیلات https://heavyindustries.gov.in/pli-scheme-national-programme-advanced-chemistry-cell-acc-battery-storage پر دیکھی جا سکتی ہیں۔ پی ایل آئی اے سی سی اسکیم کے مقاصد یہ ہیں:

1. دیسی پیداوار کو فروغ دینا
2. لاگت کی مسابقت کو بڑھانا
3. صاف توانائی اور پائیداری کو فروغ دینا
4. سرمایہ کاری اور اختراع کی حوصلہ افزائی
5. ایک مضبوط سپلائی چین تیار کرنا اور روزگار و اقتصادی ترقی کے مواقع پیدا کرنا
6. درآمد شدہ بیٹریوں پر انحصار کم کرنے کے لیے مقامی مینوفیکچرنگ کو فروغ دینا ، توانائی کے شعبے میں خود انحصاری کے وسیع تر ہدف کی حمایت کرنا

’’نیشنل مشن آن ٹرانسفارمیٹو موبیلٹی اینڈ بیٹری اسٹوریج‘‘ ہندوستان میں حکومت کی ایک پہل ہے، جس کا مقصد گیگا اسکیل بیٹری مینوفیکچرنگ یونٹس کی تیاری کو فروغ دے کر الیکٹرک گاڑیاں (ای وی) اور بیٹری اسٹوریج ٹیکنالوجیز کو اپنانے میں تیزی لانا ہے۔

یہ اسکیم بیٹری کی لاگت کو کم کرکے، ای وی کو زیادہ سستی بنا کر اور اپنانے میں تیزی لاکر، قابل تجدید توانائی انضمام کے لیے توانائی ذخیرہ کرنے کے حل کو بڑھا کر، گرڈ استحکام اور توانائی کی کارکردگی کو بہتر بناکر ملک میں اے سی سی مینوفیکچرنگ ایکو سسٹم تشکیل دے رہی ہے۔

یہ معلومات فولاد اور بھاری صنعتوں کے وزیر مملکت جناب بھوپتی راجو سری نواس ورما نے آج لوک سبھا میں ایک تحریری جواب میں دی۔

***

ش ح۔ م م ۔ م ر

U-NO. 8449

(Release ID: 2112486) Visitor Counter : 27